ကောင်းမွန်တဲ့စိတ်ဓါတ်သည်သာ ပဓာန

ကျွန်မတို့ဝန်းကျင်မှာ အများစုပြောနေကြတဲ့စကားလေးကြားဖူးတယ်။ ကျွန်မကိုယ်တိုင်လည်း အဲဒါကို လက်ခံပါတယ်။ အဲဒါကတော့ help yourself, help your friends and help your environment တဲ့။ အဲဒီစကားကို တခြားသူတွေက ဘယ်လိုခံယူချက်မျိုးနဲ့လက်ခံလည်း မသိပေမယ့် ကျွန်မလက်ခံတာကတော့ အများအကျိုးအတွက် လုပ်ဆောင်သူဟာ ကိုယ်တိုင်လည်းပြည့်ဝနေရမယ်၊ နောက် ကိုယ့်မိတ်ဆွေသူငယ်ချင်းတွေ၊ အဲဒီကမှတဆင့် ကိုယ့်ပတ်ဝန်းကျင်အသိုင်းဝိုင်းတစ်ခုလုံး ပြည့်ဝစေရန်လုပ်ဆောင်ဖို့လိုတယ်လို့ ခံယူတယ်။ ပြည့်ဝနေရမယ်ဆိုတဲ့အပိုင်းမှာလည်း အဓိက စိတ်ဓါတ်ပြည့်ဝမှုလို့ ကျွန်မခံယူပါတယ်။

ဒီရက်ပိုင်းမှာ မထင်မှတ်ပဲ ခဏခဏကြားနေရတဲ့ စကားလေးတစ်ခုက ထပ်တိုးလာပြန်တယ်။ "အများအတွက် ကျွန်တော်လုပ်ချင်တဲ့အလုပ်တွေရှိတယ်။ အဲဒါတွေလုပ်နိုင်ဖို့ ကျွန်တော့်ကိုယ်ကျွန်တော် အရင်အခြေခိုင်အောင်လုပ်ရဦးမယ်။ အလုပ်တွေလုပ်ဖို့အတွက် ကျွန်တော်စီးပွားရေးကောင်းအောင်၊ ငွေကြေးအဆင်ပြေအောင်အရင်လုပ်ရမယ်၊ ကိုယ်တိုင်ပြည့်အောင်အရင်ဖြည့်ရမယ်"တဲ့။ ဟုတ်ပါတယ် ကျွန်မတို့တွေ အများအတွက်လုပ်နိုင်ဖို့ ကိုယ်တိုင်အခြေခိုင်ဖို့လိုပါတယ်။ နောက်ပြန်လှည့်မကြည့်ရအောင် ကိုယ်တိုင်လည်းစီးပွားရေးအခြေခိုင်ဖို့လိုပါတယ်။ ကိုယ်တိုင်လည်း ပြည့်ရပါမယ်။



ဒီနေရာမှာ ကိုယ်တိုင်အခြေခိုင်ဖို့ဆိုတာဘာကိုဆိုလိုတာလဲ ကျွန်မ မသိပါဘူး။ စီးပွားရေးကောင်းအောင်လုပ်မယ်ဆိုတာလည်း အတိုင်းအတာတစ်ခုထိ လက်ခံပါတယ်။ ကိုယ့်ဝမ်းစာမပြေလည်ရင် အများအတွက် ဘယ်လိုလုပ်နိုင်မလဲ။ လူတွေမှာ လွမ်းရေးထက် ၀မ်းရေးခက်ကြတာပဲလေ။ ကျွန်မတို့တွေဟာ လူသားတွေဖြစ်တဲ့အလျောက် ကျွန်မတို့ရဲ့ လိုအပ်ချက်တွေဟာ တစ်ခုပြီးတစ်ခု ထပ်တိုးနေတတ်ပါတယ်။ ဒီလိုပဲ ဘယ်လောက်ပဲပြည့်အောင်ဖြည့်ဖြည့် ပြည့်သွားပြီထင်ပြီး ရပ်ထားလိုက်ရင် အသစ်တွေထပ်မ၀င်တော့ပဲ အဟောင်းတွေနဲ့ပဲ ပြည့်နေမှာပေါ့။ ဒါကြောင့် ဖြည့်နေတဲ့အပိုင်းမှာလည်း ရပ်ထားလို့ မရပါဘူး။ ဒီတော့ ကိုယ်တိုင်အခြေခိုင်မှ၊ ငွေကြေးအဆင်ပြေမှ၊ ပြည့်ဝမှ အများအတွက် လုပ်ဆောင်မယ်ဆိုရင် အများအကျိုးအတွက် ဆောင်ရွက်သူဆိုတာ ရှိတော့မှာမဟုတ်ပါဘူး။

ဒါကြောင့် ကိုယ်တိုင်အတွက်ဖြည့်ပြီးမှ အများအတွက် လုပ်ဆောင်မယ်၊ ကိုယ်တိုင် စီးပွားရေးကောင်းမှ ငွေကြေးခိုင်မှ အများအတွက် ဆောင်ရွက်မယ်ဆိုတဲ့စိတ်ဓါတ်လေးကို ဖျောက်ပြီး .... ငွေကြေးမတတ်နိုင်လည်း ကိုယ်တတ်နိုင်သလောက် လုပ်အား၊ စိတ်ဓါတ်လေးတွေနဲ့ အများအကျိုးဆောင်ကြရင်း ကျွန်မတို့ community ရဲ့ လိုအပ်ချက်ကို တပိုင်တနိုင် ပံ့ပိုးသင့်ကြပါတယ်။

ကျွန်မယုံကြည်ပါတယ် ..... ကိုယ့်ရဲ့ ဖြူစင်တဲ့စိတ်ဓါတ်အရင်းခံနဲ့ ကိုယ့်အတွက် မမျှော်ကိုးပဲ အများအကျိုးအတွက် ဆောင်ရွက်ရင် အများအကျိုးဆောင်သူပြည့်ဝဖို့အတွက် ဘုရားသခင်ကပြန်လည်ဖြည့်ပေးတတ်တာမို့ 'အများအကျိုးဆောင် ကိုယ့်ကျိုးအောင်'ဆိုတဲ့စကားပုံလေး ပေါ်ထွက်လာတယ်ဆိုတာ မမေ့သင့်ပါဘူးလို့ .............. ။

ဒါကြောင့် ဘယ်ကိစ္စကိုပဲ ဆောင်ရွက်သည်ဖြစ်စေ ဖြူစင်တဲ့စိတ်ဓါတ်အခံလေးနဲ့ ဆောင်ရွက်သင့်ပါတယ်။ ဘယ်အရာပဲဖြစ်ဖြစ် ကောင်းမွန်တဲ့စိတ်ဓါတ်သည်သာ ပဓာနပါ ..... ။

* ဒီတလော ခေါင်းထဲဝင်လာတဲ့အတွေးလေးကို ချရေးဖြစ်လိုက်တာပါ ...............။