ထီလာအကြမ်းဖက်ခံရသူများရဲ့ ခိုနားရာစခန်း

ထီလာအကြမ်းဖက်ခံရသူများရဲ့ ခိုနားရာစခန်း (အပိုင်း - ၁) 

အကြမ်းဖက်ဖျက်ဆီးခံလိုက်ရတဲ့မိတ္ထီလာက ဒုက္ခသည်တွေအတွက် လှူဒါန်းမှုတွေ လုပ်ကြတော့ ကျွန်မ လိုက်သွားချင်စိတ်ဖြစ်မိတယ်။ မတ်လ ၂၅-ရက်နေ့မှာ သွားလှူကြတာတွေရှိတော့ အဲဒီနေ့က လိုက်သွားချင်ပေမယ့် အခြားသောအကြောင်းကိစ္စတွေကြောင့် လိုက်မသွားဖြစ်ခဲ့ဘူး။ ဒါပေမယ့် မိတ္ထီလာကို သွားနိုင်ဖို့တော့ ကျွန်မအမြဲစဉ်းစားနေမိတယ်။

ဒီလိုနဲ့ သင်္ကြန်ကာလအတွင်း ဆက်သွယ်ကြည့်မိတယ်။ မိတ္ထီလာအကြမ်းဖက်ခံရမှုကြောင့် ထွက်ပြေးကြရတဲ့ ဒုက္ခသည်တွေကို သွားရောက် လှူဒါန်းကြမယ်ဆိုတော့ ကျွန်မ လိုက်မယ်လို့ ပြောလိုက်တယ်။  ။ မနက်စောစော ၆-နာရီလောက်မှာ မန္တလေးကို ရောက်ပါတယ်။ ကားကြီးကွင်းထဲ ရောက်တော့ မနက် ၆-နာရီခွဲလောက်ရှိပြီ။ မိတ္ထီလာသွားကြမယ့် သူတွေကို ဖုန်းဆက်လိုက်တော့ သူတို့ ပစ္စည်းတွေ တင်နေပြီ ခဏနေရင် လာခေါ်မယ်ဆိုတာနဲ့ အိမ်ကပဲ စောင့်နေလိုက်တယ်။ ၈-နာရီခွဲလောက်မှာ ပစ္စည်းတွေနဲ့ ရောက်လာကြတယ်။ ဒါနဲ့ ကျွန်မတို့ စုစုပေါင်း ၈-ယောက် ပစ္စည်းတွေနဲ့အတူ မိတ္ထီလာကို ဦးတည်လိုက်ကြပါတယ်။

လာခေါ်တဲ့ကားရောက်လာတော့ ကျွန်မမေးတယ်။ ပစ္စည်းတွေကို ဘယ်လိုပေးမှာပဲ။ ကျွန်မကတော့ ဒုက္ခသည်တွေဆီကိုပဲ တိုက်ရိုက်ပေးချင်တယ်။ တစ်ခြားမှာ ထားခဲ့ရပြီး တဆင့်ပြန်ပေးမယ်ဆိုတာမျိုးတော့ ကျွန်မ မဖြစ်ချင်ဘူးလို့ပြောမိတယ်။ ဒီဘက်က စီစဉ်ကြတဲ့ မောင်နှမတွေကလည်း ဖြစ်နိုင်ရင် ဒုက္ခသည်တွေဆီကို တိုက်ရိုက်ပေးနိုင်ဖို့ပဲ စီစဉ်ထားတယ်လို့ပြောတယ်။ ကျွန်မ ရန်ကုန်က မပြန်လာခင် သူငယ်ချင်းတစ်ယောက်ကို လှမ်းမေးတယ်။ သူက မိတ္ထီလာက ပြန်လာခဲ့ဖူးတဲ့သူဆိုတော့။ သူပြောတယ် ဒုက္ခသည်စခန်းကို ၀င်လို့ မရဘူး။ သူတောင် တခြားအဖွဲ့တွေနဲ့သွားတာ။ ၀န်ဇင်းဟိုတယ်ဘေးက စခန်းမှာ သတင်းသွားပို့မှရမယ်ဆိုတာကြောင့် စီစဉ်သူတွေကို ကြိုတင်မေးဖြစ်လိုက်တယ်။  ခရီးပင်ပန်းလာတဲ့ ကျွန်မကို ကားရှေ့ခန်းမှာပဲ ထိုင်စေတာကြောင့် ရှေ့ခန်းမှာထိုင်လိုက်ရင်း ကျွန်မ နိုးတစ်ချက်ငိုက်တစ်ချက်နဲ့ မိတ္ထီလာကို ရောက်လာတယ်။

ဝန်ဇင်းဟိုတယ်အနီးက ဆက်သွယ်ရေးဧည့်ရိပ်သာထဲမှာ ယာယီဖွင့်ထားတဲ့ ဗဟိုကွပ်ကဲမှုအဖွဲ့ဆီကို သွားပြီး ခွင့်ပြုချက်ယူရတယ်။ အဲ့ဒီ(ကယ်ဆယ်ရေးနှင့် ပြန်လည်နေရာချထားရေးဌာန)က ကျွန်မတို့ လှူဒါန်းမယ့် ပစ္စည်းအမျိုးအမည်နဲ့ စာရင်းတွေကို သူတို့သတ်မှတ်ထားတဲ့ ပုံစံစာရွက်မှာ ဖြည့်ပေးရတယ်။ ကျွန်မတို့ကပြောတယ် စခန်းထဲကို တိုက်ရိုက်လှူချင်တယ်ဆိုတော့  ပုံစံ ၂-ခု ဖြည့်ရတယ်။ စခန်းကိုပဲ လှူခဲ့ရင် ပုံစံတစ်ခါတည်းနဲ့ ပြီးဆုံးပေမယ့် စခန်းထဲကို တိုက်ရိုက်လှူချင်တယ်ဆိုရင်တော့ ပုံစံကို ၂-ခါ ဖြည့်ရတယ်။ ဒါနဲ့ ကျွန်မတို့လည်း ပုံစံ ၂-ရွက်ကိုင်ပြီး ဘောလုံးကွင်းက ဒုက္ခသည်စခန်းကို ရောက်လာကြတယ်။ ဒီပုံစံလုပ်နေတဲ့အချိန်မှာပဲ အဲ့ဒီနားမှာ တွေ့ရတဲ့ နိုင်ငံရေးပါတီကြီးတစ်ခုက လူတစ်ယောက်က ပြောတယ်။ တကယ်လို့ ပေးတာ စကားပြောတာဆိုရင်လည်း မွတ်စလင်မ်အချင်းချင်းသာ မေးပါ ပေးပါ၊ ကျန်တဲ့နေရာတွေက ကျွန်တော်တို့တွေပဲ ၀င်လို့ရပါတယ်လို့ ပြောလာတယ်။ ဒါနဲ့ ကျွန်မတို့လည်း ဘောလုံးကွင်းက ဒုက္ခသည်တွေဆီပေးဖို့ ရွေးဖြစ်လိုက်ပါတယ်။

ဘောလုံးကွင်းကို ရောက်တယ်ဆိုရင်ပဲ မြင်တွေ့လိုက်ရတာက ခြံစည်းရိုးကာရံထားတဲ့ တဘက်(အတွင်းဘက်)မှာ တချို့က ရပ်နေပြီး အပြင်ဘက်ကနေ တချို့က ရပ်ပြီး အတွင်းအပြင် စကားလှမ်းပြောနေကြတယ်။ တချို့လည်း ပိုက်ဆံနည်းနည်းပေးနေတာ မြင်လိုက်တယ်။ ခြံစည်းရိုးဆိုပေမယ့် သစ်သားတန်း ကျိုးတိုးကျဲတဲပါပဲ။ တံခါးပေါက်မှာတော့ စစ်သား ၄-၅ ယောက် သေနတ်တွေကိုင်ပြီး စောင့်နေတယ်။ ကျွန်မတို့ကားလည်းရောက်ရော တစ်ယောက်က ဆင်းပြီးစကားပြောတယ်။ ပစ္စည်းတွေ လှူမယ့်အကြောင်း၊ ပြီးတော့ လျှောက်လွှာ ၂-စုံထဲက ၁-စုံကို ပေးတယ်။ အဲ့ဒီမှာ သူတို့က အထဲမှာ တာဝန်မှူးရှိတယ် အထဲကို တစ်ယောက်ပဲ ၀င်ခွင့်ရှိတယ်လို့ပြောတယ်။ ကျွန်မတို့သွားကြတဲ့အထဲက ဦးဆောင်ပေးတဲ့ အန်ကယ်လ်က ကျွန်မက ဒုက္ခသည်စခန်းထဲကို အလွန်သွားချင်နေမှန်းသိတော့ ကျွန်မကိုသွားဖို့ပြောတယ်။ ပစ္စည်းတွေကိုတော့ အပေါက်ဝမှာပဲ ချပြီး ပုံထားလိုက်ရတယ်။ ကျွန်မအထဲဝင်မယ် လုပ်တော့ အပေါက်က စစ်သားတွေက ဟိုးခပ်လှမ်းလှမ်းမှာမြင်နေရတဲ့ ယာယီအမိုးလေးနဲ့တဲလေးကို ညွှန်ပြရင်း ဟိုးမှာ အမိုးလေးနဲ့စခန်း၊ အဲ့ဒီမှာ နာမည်နဲ့ စာရင်းနဲ့ သွားပေးရမယ်ဆိုတော့။ ကျွန်မလည်း စခန်းထဲကို တစ်ယောက်တည်းဝင်သွားရမယ်ဆိုတော့ စိတ်ထဲ တစ်မျိုးပဲပေါ့။ ဒါပေမယ့် ခပ်တည်တည်ပဲ ၀င်လိုက်တော့ အပေါက်ဝနားက တစ်ယောက်ကပဲ ကျွန်တော် လိုက်ပို့ပေးမယ်ဆိုပြီး အဲဒီယာယီတဲလေးရှိရာကို လိုက်ပို့ပါတယ်။ ၀င်ပေါက်နဲ့ ယာယီတဲနေရာနဲ့က တော်တော်လေးလှမ်းတာမို့ ကျွန်မကို လိုက်ပို့ပေးတဲ့ တစ်ယောက်ကို လမ်းလျှောက်ရင်း ကျွန်မ သိချင်တာ နည်းနည်းမေးကြည့်ဖြစ်တယ်။

“ဒီဘောလုံးကွင်းထဲမှာက ရတနာမာန်အောင်နဲ့ သီရိမင်္ဂလာရပ်ကွက် (၂)ခုပဲ ဒီထဲမှာ ရှိတယ်။ တစ်ခြားက မရှိဘူး။ ရတနာမာန်အောင်က ဒီဘက်ရပ်ကွက်၊ သီရိမင်္ဂလာက ဟိုဘက်ရပ်ကွက်လေ။ ဒါကြောင့် ဒီရပ်ကွက် ၂-ခုပဲ ရှိတယ်။ သီရိမင်္ဂလာက မီးရှို့ခံရတာ၊ ရတနာမာန်အောင်က မီးမရှို့ခံရဘူး ဖျက်ခံရတာ။”

ပြောနေရင်း တာဝန်မှူးနေရာဆီ ရောကလာတော့ တာဝန်မှူးက ကျွန်မကိုမေးတယ်။
“အရင်က လာနေကြလား။”

“ကျွန်မ လာနေကြမဟုတ်ဘူး။ လှူတာကိုတော့ တဆင့်ပေးလှူနေတာတွေရှိတယ်။ လူကိုယ်တိုင်ကတော့ အခုမှ လာဖူးတာပါ”

“ကျွန်တော် တပ်ရင်းမှူးပါ။ ကျွန်တော်တို့ကလည်း မနေ့ကမှ အသစ်ရောက်လာတာပါ။ ဒါကြောင့် လာနေကျဆိုလည်း သိထားရအောင်၊ လာနေကျမဟုတ်ရင်လည်း နောက်ပိုင်းလာတဲ့အခါကျ သိပြီးသားဖြစ်အောင် မေးတာပါ”

“ဟုတ်ကဲ့ … ကျွန်မ ဒီတစ်ခါဟာ ပထမဆုံးအကြိမ်ပါပဲ။ ဒါနဲ့ ဗိုလ်ကြီးနာမည်က ဘယ်လိုခေါ်လဲ မသိဘူး” ကျွန်မမေးလိုက်တော့ ပထမတော့သူမဖြေချင်ဘူး ခဏတိတ်သွားတယ်။ ခဏနေတော့ သူ့နာမည်ကို ပြောပါတယ်။ ရဲဘော်တစ်ယောက်က စာအုပ်ထဲမှာ စာရင်းတွေရေးနေတုန်း ခုနက ကျွန်မကို လိုက်ပို့တဲ့တစ်ယောက်ကလည်း ဘေးကနေ ဆက်ပြောပါတယ်။ အိမ်ထောင်စု ဘယ်လောက်ရှိတယ်။ သူတို့ ဘယ်လိုပြေးလာရတယ်ဆိုတာကို ပြောပြနေတယ်။ တပ်ရင်းမှူးကလည်း ကျွန်မကို စကားတွေပြောနေတယ်။ လှူတာက ဘာဖြစ်လို့ ဒီပစ္စည်းတွေ ရွေးလှူတာလဲ။ ဘာကြောင့် ဒါတွေကို လှူတာလဲ။

“ဒုက္ခသည်တွေအတွက် လိုအပ်မယ်ထင်တာကြောင့်ရယ်၊ တချို့ လှူပြီးပြန်လာသူတွေက ဒီလိုလေးတွေ လိုအပ်တယ်ဆိုတာကြောင့် ဒီပစ္စည်းတွေ လှူဖြစ်တာပါ”လို့ ကျွန်မပြောလိုက်တယ်။
သူတို့ စာရင်းရေးပြီးတော့ ကျွန်မကို သွားလို့ရပါပြီဆိုတာကြောင့် ကျွန်မ ပြန်လှည့်ထွက်လာတယ်။ ကျွန်မတို့ ထွက်လာချိန်မှာပဲ တပ်ရင်းမှူးက ခုနက ကျွန်မကို စကားတွေ ပြောနေတဲ့တစ်ယောက်ကို လှမ်းခေါ်ထားလိုက်တယ်။ ကျွန်မလည်း လှည့်တောင် မကြည့်ဖြစ်တော့ဘူး ဆက်ထွက်လာလိုက်တယ်။ ကျွန်မ ဘေးနားမှာ တစ်ခြားတစ်ယောက်က ပါလာတော့ သူ့ကို ကျွန်မ မေးလိုက်တယ်။ “ဒီထဲမှာ ၀င်ကြည့်လို့ရလား၊ ဓါတ်ပုံရိုက်ချင်ရင်လည်း ရလား”ဆိုတော့ သူက ရတယ်လို့ပြောတယ်။ ဒါနဲ့ အားကစားခန်းမကို ကျွန်မသွားလိုက်တယ်။

အဲဒီခန်းမ အပေါက်နားမှာပဲ အမျိုးသမီးတချို့ အမျိုးသားတချို့ကို ကျွန်မတွေ့တော့ မေးလိုက်တယ်။
“အစ်မတို့ အမေကြီးတို့က ဒီခန်းမထဲမှာ နေကြတာလား။ ဘယ်ရပ်ကွက်ကနေ ဒီကို ရောက်နေကြတာလဲ။ ဒီမှာ လူဘယ်လောက် ရှိနေတာလဲ”

“ကျွန်မတို့က သီရိမင်္ဂလာကပါ။ မီးရှို့ခံရတဲ့ရပ်ကွက်က။ ဟိုဘက် ဘောလုံးကွင်းထဲမှာ camp တွေ ရှိတယ်။ အဲဒါကတော့ အိမ်ဖျက်ခံရတဲ့ ရတနာမာန်အောင် ရပ်ကွက်က လူတွေထားထားတယ်။ အခု ဒီမှာ လူဦးရေ (၁၇၀၀)ကျော်ရှိတယ်။ အိမ်ထောင်စုက (၄၄၄)အိမ်ထောင်စုရှိတယ်။”

ကျွန်မပြောနေစဉ်မှာပဲ ဒုက္ခသည်ထဲကပဲ တာဝန်ခံ အမျိုးသမီးတစ်ယောက် အနားရောက်လာတော့ တခြားသူတွေက အဲဒီ အမျိုးသမီးကို ဆရာမ၊ ဆရာမက ပိုသိတယ်။ ပြောပြလိုက်ပါဦးလို့ ပြောလိုက်တော့ အဲဒီ အမျိုးသမီးက “ဒီထဲမှာတင် လူ(၁၁၀၀)ရှိတယ်။ ဟိုနေ့က (၁၅၇၈)ယောက်ရှိတယ်။ လူဦးရေက မငြိမ်ဘူး အ၀င်အထွက်ရှိနေတယ်။ တချို့ကလည်း ဆွေမျိုးသားချင်းက လာခေါ်သွားတာတွေရှိတယ်။ ပြန်သွားတာတော့ မဟုတ်ဘူး။ မိသားစုတကွဲတပြားဖြစ်နေတာတွေ ပြန်စုမိသွားကြလို့ ပြန်ပေါင်းသွားကြတာတွေပါ။  ဒီကနေတော့ ပြန်ဖို့မလွယ်ပါဘူး။ ပြန်ဖို့ကလည်း တော်တော်ခက်ခဲတယ်။ ကွပ်ကဲရေးမှူးရုံးက လူကြီးရဲ့ လက်မှတ်ပါမှ ဆိုတော့ ခက်ခဲတယ် လုပ်ရတာ။ ကျွန်မတို့ အစ်မတစ်ယောက်ပြန်ဖို့လုပ်တာ ၄-၅ ရက် လုပ်ယူရတယ်။  အိမ်တွေဘာတွေ ပြန်ဆောက်ခွင့်တော့ ဘယ်ရဦးမလဲ။ မီးမလောင်တဲ့အိမ်တွေကို ပြန်လွှတ်ရင်တောင် နည်းနည်းလျှော့သွားမှာလေ အဲလိုလည်းမဟုတ်တော့။ အလှူရှင်တွေ လာလှူတာတွေအားလုံးတော့ ကျွန်မတို့ဒုက္ခသည်တွေ အကုန်လက်ထဲရပါတယ်။ အားလုံးကို အညီအမျှ ခွဲပေးတယ်။”

“ခုနက တပ်ရင်းကလည်း မနေ့ညကမှ အသစ်ရောက်တာ၊ အသစ်ရောက်တော့ သူတို့က လုပ်ငန်းသဘာဝ နားမလည်သေးလို့ ခေါ်မေးတာ။”လို့ ခုနက ကျွန်မကို လိုက်ပို့ပေးတဲ့ တစ်ယောက်က ၀င်ပြောတယ်။

ပထမပြောပြနေတဲ့တစ်ယောက်က ပြန်ပြီးပြောပါတယ်။ “ဟုတ်ကဲ့ ဒီကို တိုက်ရိုက်မရောက်ဘူးဆိုတာက ဘယ်လိုမျိုးလဲတော့မသိဘူး။ ဒီကို တိုက်ရိုက်ပို့တဲ့ဟာဆိုရင် အပေါက်ဝမှာ ချရတယ်။ ပြီးရင် ဒီက တာဝန်ခံတွေ။ တာဝန်ခံတွေကလည်း ဒုက္ခသည်တွေထဲကနေပဲ ကော်မတီပြန်ဖွဲ့ပေးထားတာ။ အဲဒီကော်မတီက အမျိုးသား(၅)ယောက် အမျိုးသမီး(၅)ယောက်ပါတယ်။ ဒီကော်မတီကပဲ ပစ္စည်းအားလုံး အထဲကိုယူပြီး ပြန်ပြီးခွဲပေးတာပါ။ ဒီထဲကို ရောက်တာအားလုံးကတော့ ဒီကဒုက္ခသည်တွေဆီ အားလုံးရောက်ပါတယ်။ ပစ္စည်းတွေကို ပြန်ခွဲပေးရင်တော့ အိမ်ထောင်စုနဲ့ ခွဲပါတယ်။ လူဦးရေနဲ့မခွဲပါဘူး။ ပစ္စည်းလှူတာတွေရှိတယ်။ ငွေကတော့ လက်မခံသေးပါဘူး။ အဓိက ငွေရောက်လာလည်း အခုက ငွေက ဘာမှ လုပ်လို့ မရသေးဘူး။ ဟိုနေ့က church ကျောင်းတစ်ခုက ငွေလှူမယ်ပြောတော့ ဒီကတာဝန်ခံဟာဂျီက ကျွန်တော်တို့ ခရမ်းချဉ်သီးလိုပါတယ်၊ ရေသန့်လိုပါတယ်လို့ ပြောလိုက်တော့ သူတို့ အဲဒါ ချက်ချင်းသွားဝယ်လိုက်မယ်ဆိုပြီး ၀ယ်ပေးတယ်။ ရေသန့်ကလည်း ဒီတစ်ရက် နှစ်ရက်မှာ နည်းနည်း နည်းတယ်။ တစ်ရက်တစ်ရက်ကို ရေသန့်ဗူးကြီး ၁၀၀-လောက် ကုန်ပါတယ်။ တာဝန်ခံတွေက မှာရတာမဟုတ်ပါဘူး။ လှူတဲ့သူက လှူထားပြီးသားကို လာလာပို့ပေးတာပါ။ မနေ့ကထိတော့ သောက်ရေသန့်ရော၊ သုံးရေရော လောက်ပါတယ်။ ဒီမနက်မှာတော့ သုံးရေ မလာတော့ ရေနည်းနည်းခက်တယ်။ သင်္ကြန်ရက်မှာ အားလုံးနားကျမှာဆိုတော့ သောက်ရေခက်ခဲမှာကိုတော့ စိုးရိမ်တယ်။ ဟုတ် ရေသန့်လှူချင်ရင် ကော်မတီကို ဆက်သွယ်ပြီးလည်း လှူလို့ရပါတယ်။ ဖုန်းနံပါတ်တွေ White board မှာ ရေးထားတယ်။ ၀၉-၄၀၂၇၅၈၅၉၁ ဦးထွန်းဝေကို ဆက်သွယ်လို့လည်းရတယ်။”

အားကစားခန်းမထဲဝင်ပြီး ဓါတ်ပုံနည်းနည်းရိုက်လိုက်တယ်။ အမျိုးသမီးတချို့ဝတ်ပြုဖို့ လုပ်ဆောင်နေကြတာ ကျွန်မ တွေ့လိုက်မိတယ်။ ပြီးတော့ ဘောလုံးကွင်းထဲက camp တွေဘက်ကို ကျွန်မ သွားချင်လို့ တစ်ယောက် လိုက်ပို့ပါလို့ပြောပြီး ထွက်ခဲ့လိုက်တယ်။ လိုက်ပို့တဲ့တစ်ယောက်ကလည်း ကျွန်မကို ၀င်ပေါက်နားထိ လိုက်ပို့ပြီး ပြန်လှည့်သွားတယ်။ ကျွန်မလည်း တစ်ယောက်တည်းဝင်သွားလိုက်တော့တယ်။

ကျွန်မကိုလည်း တချို့က ၀ိုင်းကြည့်နေကြတယ်။ ကျွန်မလည်း ရီပြ ပြုံးပြပြီး တွေ့တဲ့သူတချို့ကို နှုတ်ဆက်လိုက်တယ်။ နှုတ်ဆက်ရင်း ဓါတ်ပုံ နည်းနည်းရိုက်လိုက်တယ်။ ပထမ အားကစားခန်းမထဲမှာစတွေ့တဲ့ တစ်ယောက်က ကျွန်မကိုမြင်လိုက်တော့ လှမ်းနှုတ်ဆက်တယ်။ အဆင်ပြေလား အစ်မတဲ့။ ဟုတ်ကဲ့ ပြေတယ်လို့ပြောရင်း ဆက်ပြီးလျှောက်လာလိုက်တယ်။ ကျွန်မလည်း အသိမိတ်ဆွေတစ်ယောက်မှမတွေ့ပဲ ဟိုကြည့် ဒီကြည့် လျှောက်နေတော့ ကလေးတွေကအစ ကျွန်မကို ၀ိုင်းကြည့်နေတယ်။ တချို့လည်း ပူပြင်းလွန်းတဲ့ အပူရှိန်ကို အံတုရင်း တဲလေးတွေထဲမှာ အိပ်စက်အနားယူနေကြတယ်။ ကျွန်မကို ၀ိုင်းကြည့်နေတဲ့ မျက်နှာတွေမှာတော့ အများစုက အားကိုးရာမဲ့ မျက်ဝန်းလေးတွေပါပဲ။ ကျွန်မ ပိုပြီး သတိထားမိတာက ကလေးလေးတွေရဲ့ မျက်လုံးလေးတွေပါ။ ကျွန်မကို ကြည့်နေတဲ့ မျက်လုံးတွေထဲမှာ ကြောက်ရွံ့စိတ်တွေ၊ အားငယ်စိတ်တွေ အများကြီးတွေ့နေရတယ်။ ကျွန်မ သူတို့ကို ပြုံးပြလိုက်တယ်ဆိုရင် သူတို့လေးတွေလည်း မ၀ံ့မရဲနဲ့ ပြန်ပြုံးပြလာတယ်။ အဲဒီအချိန်မှာ ကျွန်မ ရင်ထဲ တော်တော်လေးကို မကောင်းဖြစ်မိတယ်။ အရိပ်အာဝါသ မရှိတဲ့ နေပူကွင်းပြင်မှာ အလျှံတညီးညီး ပူပြင်းနေတဲ့ မြေပြင်က အပူချိန်ရယ် ကောင်းကင်က နေပူရှိန် နှစ်ခု အပူရှိန်မှာ ၁၀-ပေတောင် မမြင့်တဲ့ ပလပ်စတစ်အမိုးနဲ့ တဲထဲက လူတွေရဲ့ ရင်တွင်း အပူမီးက  ပြင်ပရုပ်ခန္ဓာအပူကို ဂရုထားမိပါ့မလားလို့ ကျွန်မ တွေးမိတယ်။

တဲလေးတစ်ခုအနားအရောက်မှာ ကျွန်မကို လှမ်းကြည့်နေတဲ့ မျက်လုံးတစ်စုံက စကားပြောနေတယ်။ ဒါနဲ့ ကျွန်မလည်း သွားနှုတ်ဆက်လိုက်တယ်။ သူနဲ့ ကျွန်မ စကားနည်းနည်းပြောဖြစ်တယ်။ သူ့မိသားစုရဲ့ ဖြစ်စဉ်ကို ကျွန်မကို ပြောပြတယ်။ သူတို့က အိမ်ငှားနေတာ အိမ်ရှင်က ဗုဒ္ဓဘာသာတွေပါ။ သူတို့ကို အိမ်ရှင်က အိမ်ပေါ်မှာ ဖွက်ထားပေးတယ်။ ဒါပေမယ့် သူတို့ ရှိနေမှန်းသိနေတော့ အကြမ်းဖက်သမားတွေက မပြန်ပဲ အောက်မှာ စောင့်နေကြတယ်။ နောက် ၂-ရက်နေတော့ ဆင်းလာခဲ့ လုံခြုံရေးပေးမယ်ဆိုတာကြောင့် သူတို့ဆင်းလာကြတယ်။ အဲဒီအချိန်မှာပဲ ရပ်ကွက်လူကြီးရှေ့မှာပဲ သူ့ယောက်ျားကို ဓါးနဲ့ ထိုးသတ်လိုက်ကြတယ်ဆိုတာ ပြောပြီး သူငိုပါတယ်။ သူ့ရဲ့ သမီးလေး ၃-ယောက်လည်း သူ့ဘေးနားမှာ လာထိုင်နေတယ်။ ကလေးလေးတွေက ၂-နှစ်၊ ၂-တန်းနဲ့ ၄-တန်းကျောင်းသူလေးတွေပါ။ ကျွန်မ သူ့ကို အားပေးစကားပြောဖို့ စကားလုံးရှာမတွေ့ဘူး။ ဘုရားသခင်ထံမှာ ဆုတောင်းပါ။ အမှန်တရားအတွက် အဖြစ်မှန် ပေါ်လာမှာပါဆိုတာပဲ ပြောနိုင်တယ်။

သူနဲ့ပြောပြီးတော့ ကျွန်မ ဆက်လျှောက်လာရင်း ဘောလုံးပွဲကြည့်စင်မှာ အနားယူနေတဲ့ တချို့ကို တွေ့လိုက်ရသေးတယ်။ ကျွန်မ ပွဲကြည့်စင်ပေါ်တက်လိုက်တော့ camp လေးတွေကို အပေါ်စီးကနေ လှမ်းမြင်လိုက်ရတယ်။ အဲ့ဒီအချိန်မှာပဲ ကျွန်မဖုန်းက မြည်လာတယ်။ အပေါက်ဝမှာ စောင့်နေကြတဲ့ထဲက တစ်ယောက်က ဖုန်းခေါ်တာ။ အစ်မ ပြန်လာတော့ အပြင်မှာ ပြဿနာတက်နေတယ်တဲ့။ ဒါနဲ့ ကျွန်မလည်း လာပြီ အခုလာပြီဆိုပြီး ပြန်ထွက်လာလိုက်တယ်။ စခန်းထဲမှာပဲ အားလုံးနားနေဆောင်ဆိုတဲ့ နေရာမှာ နေ့လည် ၀တ်ပြုချိန်ရောက်နေတဲ့အတွက် အမျိုးသားတွေစုပြီး ၀တ်ပြုဆုတောင်းနေတာကိုလည်း ကျွန်မ တွေ့ခဲ့လိုက်တယ်။

ထွက်လာနေတုန်းမှာပဲ နောက်တစ်ယောက် ဖုန်းထပ်ခေါ်လာတယ်။ မြန်မြန်ထွက်လာခဲ့တော့ ဆိုတာနဲ့ ကျွန်မလည်း ခပ်သွက်သွက်ပြန်ထွက်လာလိုက်တယ်။ ကျွန်မလည်း အပေါက်ဝရောက်ရော ရဲဘော်တစ်ယောက်က တံခါးဖွင့်ပေးတယ်။ ကျွန်မလည်း အပြင်ကိုရောက်ရော ခုနက ပြဿနာဖြစ်သွားတယ်ဆိုတာက စခန်းထဲမှာ ရှိနေတဲ့ အမျိုးသမီးနဲ့ ကလေးကို အပြင်က တစ်ယောက်က လာတွေ့တယ်။ (အမျိုးသမီးရဲ့ ခင်ပွန်းပါ။ သူတို့ ၂-ယောက်က ကွဲနေကြသလားတော့ မပြောတတ်ဘူး။) လာတွေ့ရင်း အမျိုးသားက ကလေးကို ခေါ်ပြီး ထွက်ပြေးတာ။ အဲဒီမှာ အမျိုးသမီးက အော်ပါလေရော ကျွန်မကလေး ခေါ်သွားပြီ၊ ကျွန်မ ကလေး ခေါ်သွားပြီဆိုတော့ အားလုံး ရုတ်ရုတ်သဲသဲဖြစ်သွားတယ်။ ကလေးကို ခေါ်ပြီး ထွက်သွားတာက ကလေးအဖေပါပဲ။

ကျွန်မ ဒီစခန်းလေးမှာ တွေ့ရတာက ဒုက္ခသည်တွေအနေနဲ့ စားစရာ အစားအစာက လုံလောက်နေပါတယ်။ သူတို့အတွက် အခုအချိန်မှာ အဓိကလိုအပ်နေတာ စားသောက်စရာမဟုတ်တော့ဘူး။ သူတို့ တမ်းတနေတာ သူတို့အိမ်တွေမှာ သူတို့ပြန်လည်နေထိုင်နိုင်ဖို့ပါ။ ကျွန်မမြင်ရသလောက် သူတို့ဟာ အကျယ်ချုပ်ပုံစံမျိုး ဖြစ်နေတယ်။ အပြင်ကို လုံးဝ ထွက်ခွင့်မရှိဘူး။ နေ့လည်စာနဲ့ ညစာထမင်းကိုတော့ ကော်မတီကလူတွေက စုပြီးချက်ကျွေးလို့ ထမင်းစားရတယ်။ မနက်စာ (breakfast)ကတော့ ရှိတဲ့ မုန့်လေးနဲ့ ရေနဲ့ စားသောက်နေရတယ်။ ငွေရှိရင်တောင် ဘာမှ ၀ယ်စားလို့ မရတဲ့အခြေအနေပါ။ အားလုံးရဲ့ ဆန္ဒက အိမ်တွေကိုပဲ ပြန်ချင်ကြတယ်။ ဒါလည်း ကိုယ့်အိမ်ကိုယ့်ယာမှ မဟုတ်တာ ဘယ်လိုလုပ် အဆင်ပြေမလဲ။ ဘယ်သူက ပျော်နေမလဲ။ ဒီတော့ ဒုက္ခသည်တွေ အဆင်မပြေဘူး ဆိုတဲ့အသံတွေ ထွက်ပေါ်လာတာပါပဲ။

ကျွန်မအမြင်မှာ သူတို့ လိုအပ်နေတာက စိတ်ပိုင်းဆိုင်ရာအားပေးမှုတွေ အများကြီးလိုနေပါတယ်။ ပြင်ပက လူတွေနဲ့ စကားတွေ ပေးပြောသင့်တယ်။ သူတို့ ခံစားချက်တွေ ရင်ဖွင့်ချက်တွေကို နားထောင်ပေးမယ့်သူတွေလိုအပ်နေတယ်။ ရုပ်ပိုင်းဆိုင်ရာ ဒုက္ခရောက်ပြီးကြသူတွေအနေနဲ့ စိတ်ပိုင်းဆိုင်ရာ သောကတွေပါ ထပ်ခံစားနေရရင် ပိုပြီး စိတ်ဒဏ်ရာ ရသွားနိုင်ပါတယ်။ အားလုံးက ကိုယ့်အိမ်ကို ပြန်နေရဖို့ ဆန္ဒရှိနေပါတယ်။ ဒါကြောင့် ဒီ ဒုက္ခသည်တွေ အိမ်ပြန်နိုင်အောင် တာဝန်ရှိသူတွေအနေနဲ့ စီစဉ်ပေးတာ အသင့်တော်ဆုံးဖြစ်မယ်လို့ မြင်မိတယ်။

လုံခြုံရေးတာဝန်ကျနေသူတွေအနေနဲ့လည်း ဒုက္ခသည်တွေနည်းတူ အတူတူ နေနေကြတာ တွေ့ရတယ်။ ဒါက စခန်းတစ်ခုမှာ မြင်တာကြားတာကို ကျွန်မ ခံစားမိလာတာလေးပါ။ ဒီစခန်းကနေ ပြန်ထွက်လာပြီးချိန်မှာတော့ ရေသန့်တွေကို ကျွန်မတို့ သွားယူဖြစ်ပါတယ်။ ရေသန့်သွားယူပြီးတော့ ဒုက္ခသည် စခန်းတစ်ခုဖြစ်တဲ့ အထက(၃)ကို ကျွန်မတို့ သွားကြပြန်ပါတယ်။

x x x x x x x x x x x

ထီလာအကြမ်းဖက်ခံရသူများရဲ့ ခိုနားရာစခန်း (အပိုင်း - ၂) 

ကျွန်မတို့ယူဆောင်လာတဲ့ ပစ္စည်းတွေကို ဘောလုံးကွင်း ဒုက္ခသည်စခန်းမှာ ပေးပြီးတဲ့နောက် အဲဒီကနေ ကျွန်မတို့ ပြန်ထွက်လာခဲ့တယ်။ ဘောလုံးကွင်းက ထွက်လာပြီးတဲ့နောက် မိတ္ထီလာစက်မှုဇုံမှာရှိတဲ့ ရေသန့်စက်ရုံကို သွားလိုက်တယ်။ လှူဒါန်းမယ့် ရေသန့်တွေကို အဲဒီ ရေသန့်စက်ရုံကနေ မှာယူထားပြီး ရေသန့်စက်ရုံကနေ ဒုက္ခသည်စခန်းတွေကို နေ့စဉ် ပို့ဆောင်ပေးနေပါတယ်။ ဒါနဲ့ ကျွန်မတို့လည်း ရေသန့်စက်ရုံကိုသွားပြီး ရေသန့်တွေကို ကားပေါ်တင် ပါတယ်။ ပြီးတော့ အ.ထ.က(၃) ဒုက္ခသည်စခန်းကို ပြန်ထွက်လာလိုက်တယ်။

အ.ထ.က(၃)လည်း ရောက်ရော ၀င်ပေါက်မှာ ကားရပ်ပြီး ကားပေါ်က ဆင်းပြီးပြောတော့ လုံခြုံရေးက မေးမြန်းပါတယ်။ ကျွန်မတို့လည်း ဒုက္ခသည်တွေအတွက် ရေသန့်လာလှူတာ ပြောပြတော့ ခုနက ဘောလုံးကွင်းစခန်းလိုပဲ တစ်ယောက်ပဲ ၀င်ရမယ်။ ရေသန့်ဆိုတော့ ကားနဲ့မောင်းဝင်သွားမှဖြစ်မှာဆိုတော့ ကားမောင်းသူရယ် နောက်တစ်ယောက် (အလှူရှင်)ရယ်ပဲ ၀င်ရမယ်ဆိုတော့ ဦးဆောင်တဲ့ အန်ကယ်လ်ကပဲ ကျွန်မလိုက်သွားပါဆိုပြီး ကားမောင်းသူကိုလည်း တစ်ခြားတစ်ယောက်ကို တလှည့်မောင်းစေလိုက်တာကြောင့် ကျွန်မတို့ နှစ်ယောက် စခန်းထဲကို ရောက်ခဲ့ရပြန်ပါတယ်။  စခန်းထဲက လက်ခံဌာနမှာ ပေးရမယ့် စာရွက်စာတမ်းကို ကျွန်မတို့ယူပြီး ၀င်လာလိုက်တယ်။

စခန်းထဲကို ကားမောင်းဝင်လာတယ်ဆိုရင်ပဲ ဓါတ်ပုံရိုက်တာ ၀ါသနာပါတဲ့ကျွန်မ အခါတိုင်းအချိန်တွေမျိုးမှာဆိုရင် ဓါတ်ပုံကို တဖြတ်ဖြတ်ရိုက်မိမှာ အမှန်ပဲ။ အထက(၃) ကျောင်းဝင်းရဲ့ တည်နေရာပုံစံက ကျောင်းနဲ့တောင် မတူပဲ အပန်းဖြေစခန်းပုံစံမျိုးနဲ့ တော်တော်လေး စိတ်ချမ်းသာစရာနေရာလေးပါ။ ကျွန်မတို့လည်း ကားမောင်းဝင်လာတော့ လက်ခံဌာနနေရာက ဘယ်နေရာမှန်း မသိဘူး။ စခန်းထဲမှာ ရောက်နေကြသူတွေကလည်း ကိုယ့်အစုလေးတွေနဲ့ကိုယ် စုစုပြီးထိုင်နေ၊ စကားပြောနေကြတယ်။

ကျွန်မတို့က တချို့ကိုမေးတယ်။ ရေသန့်လာလှူတာ ဘယ်မှာ ပေးရမလဲဆိုတော့ တချို့က ဟိုဘက်မှာ လက်ခံဌာနရှိတယ်တဲ့။ တချုို့ကလည်း ဒီရေကန်တွေထဲ ထည့်ရမှာဆိုပြီး Water Tank တွေကို ညွှန်ပြတယ်။ Water Tank တွေက Unicef တံဆိပ်တွေနဲ့ဆိုတော့ Unicef က လှူထားတာဖြစ်မယ်လို့ပဲ ထင်လိုက်မိတယ်။ Water Tank တစ်ခုကို ရေ ဂါလံ ၄၀၀ ဆန့်တယ်ဆိုတာလည်း ရေးထားတာတွေ့လိုက်တယ်။

အထက(၃)ထဲမှာတော့ Water Tank ၄-ခုလောက်ကို တွေ့လိုက်တယ်။ ကျွန်မတို့လည်း ရောက်ရော တာဝန်ခံတစ်ယောက်က ရောက်လာပြီး ဒီရေကန်တွေထဲကို မျှပြီးထည့်မယ်လို့ ပြောတယ်။ လုံခြုံရေးတာဝန်ယူထားတဲ့ထဲက ၂-ယောက်က ကျွန်မတို့အနားရောက်လာပြီး လာမေးပါတယ်။

ပြီးတော့ ‘ခွင့်တူညီမျှ ၀ါဒဖြူစင်တဲ့မြေ’ဆိုတဲ့ စာတမ်းပါတဲ့ စတစ်ကာအပြာရောင်လေး ၂-ခုကို ကျွန်မတို့ကို ပေးပါတယ်။ ကျွန်မနဲ့အတူ ၀င်လာတဲ့ ကားမောင်းတဲ့တစ်ယောက်က လုံခြုံရေးကို စာရွက်စာတမ်းပြပြီး စကားပြောနေစဉ်မှာပဲ ကျွန်မလည်း ဒုက္ခသည်တချို့နဲ့ စကားပြောဖြစ်တယ်။

“ဒီထဲမှာ လူဦးရေစုစုပေါင်း ၁၃၇၄-ယောက်ရှိတယ်။ အိမ်ထောင်စုက ၃၇၅-စုရှိတယ်။ ဒီမှာက ရပ်ကွက် (၇)ခုက လူပေါင်းစုံတယ်။ အားလုံးက မွတ်စလင်မ်တွေပါပဲ။ ဒါပေမယ့် ဗုဒ္ဓဘာသာ အိမ်ထောင်စု ၁-ခုတော့ရှိတယ်။ သူတို့ကလည်း မပြန်ချင်လို့ မပြန်ကြဘူး။ ကျွန်တော်တို့ ဒီမှာနေရတာ စားသောက်ရေးက ပြည့်စုံနေပါတယ်။ ဒါပေမယ့် အခုလိုမျိုးပဲ နေနေရတာတော့ မနေချင်တော့ဘူး။ အိမ်ပြန်ချင်တယ်။ အိမ်ကိုလည်း သွားပြန်ကြည့်ချင်သေးတယ်။ ဒီမှာက တစ်နေကုန် ဘာမှလည်း မလုပ်ရ။ ဘယ်မှလည်း မသွားရ။ တစ်နေ့တစ်နေ့ ဒီထဲမှာပဲ နေနေရတာ။ မနေချင်တော့ဘူး။”လို့  ပြောပြတယ်။

ကားမောင်းတဲ့တစ်ယောက်လည်း လုံခြုံရေးနဲ့ စကားပြောပြီးတဲ့အခါမှာ တာဝန်ခံက အော်လန်နဲ့ အော်ပါတယ်။ အခန်းနံပါတ် ဘယ်လောက်ကနေ ဘယ်လောက်ထိ ယောက်ျားလေးတွေ ရေသန့်ဗူးတွေ လာသယ်ကြပါ ဆိုတော့ ယောက်ျားလေး လူငယ်တချို့ ရောက်လာကြပြီး ကားပေါ်က ရေသန့်ဗူးတွေကို ကူသယ်ပြီး ချပါတယ်။ ကျွန်မတို့လည်း ပါလာတဲ့ ရေသန့်ဗူး ၅၀-ကို Water Tank ၃-ခုမှာ မျှပြီးချပေးပါတယ်။ လူငယ်တွေလည်း ရေသန့်ဗူးတွေထဲက ရေတွေကို Tank ထဲ ပြောင်းထည့်ကြပါတယ်။ ကျွန်မတို့ ရေထည့်ပေးနေစဉ်မှာပဲ တချို့ကရောက်လာပြီး ရေသန့်တွေ လာယူကြပါတယ်။ တစ်ယောက်နဲ့တစ်ယောက် တွန်းထိုးရင်း အငြင်းပွားဖွယ် စကားလေးတွေ ပြောလာကြတော့ တာဝန်ခံကနေ တန်းစီပြီယူကြဖို့၊ မတွန်းကြဖို့၊ အကုန်လုံး ရေရမယ့်အကြောင်းပြောရင်း ၀င်ထိန်းပေးနေပါတယ်။

ကျွန်မလည်း အဲဒီနားကနေ ခဏထွက်လာရင်း အိမ်ထောင်စု တစ်စုတည်းရှိတဲ့ ဗုဒ္ဓဘာသာမိသားစုနဲ့ စကားပြောဖြစ်ပါတယ်။ “ကျွန်မတို့လည်း မွတ်စလင်မ်တွေနဲ့အတူတူ ပြေးလွှားရင်း ဒီကို ရောက်လာတာပါ။ ကျွန်မတို့က ၀န်ဇင်းရပ်ကွက်ကပါ။ တစ်ခြားကို ပြောင်းရွှေ့ဖို့လည်း လာခေါ်ကြပါတယ်။ ဒါပေမယ့် ကျွန်မတို့ ဒီမှာနေရတာလည်း အဆင်ပြေနေတာပါ။ ဒါကြောင့် ဒီကနေ မပြောင်းပဲနဲ့ နေနေတာပါ။”

ကျွန်မလည်း ဒုက္ခသည်စခန်းထဲက တစ်ပတ် ပတ်ကြည့်လိုက်တယ်။ တချို့လည်း သစ်ပင်အရိပ်အောက်မှာ စုထိုင်ပြီးစကားပြောနေကြတယ်။ တချို့လည်း အစုလိုက် ထိုင်ပြီး အပျော်တမ်း ကျားကွက်ကစားနေတာတွေလည်း တွေ့ခဲ့ရပါတယ်။ အကြမ်းဖက်ခံရစဉ် ထွက်ပြေးလာကြတဲ့ ကားတွေကိုလည်းတစ်နေရာထဲမှာ စုပြီးရပ်ထားတာလည်း တွေ့ခဲ့ရတယ်။

အထက(၃) ဒုက္ခသည်စခန်းက ဘောလုံးကွင်း စခန်းထက်ကို အကျယ်ချုပ်ပုံစံပိုဆန်ပြီး အထီးကျန်ဆန်နေတယ်လို့ ကျွန်မ မြင်တွေ့ခံစားရတယ်။ ဘောလုံးကွင်းမှာ အပြင်က လာတွေ့သူ၊ အပြင်ကို လှမ်းမြင်နေရလို့ သွားလာနေတာတွေကိုမြင်ရပေမယ့် ဒီ အထက(၃) ဒုက္ခသည်စခန်းကတော့ ပြင်ပကိုတွေ့မြင်ဖို့ မလွယ်ကူတာကြောင့် ပိုပြီး အထီးကျန်ဆန်မှုကို ခံစားရပါတယ်။

ဒုက္ခသည်စခန်းထဲက ဒုက္ခသည်တွေအတွက် အခုအချိန်မှာ စားသောက်စရာက ဖူလုံပြည့်စုံနေပါတယ်။ ဒါပေမယ့် ကျွန်မ ပထမပိုင်းမှာ ပြောခဲ့သလိုပဲ သူတို့ လိုအပ်နေတာက အားပေးစကား၊ ဖေးမမှု နဲ့ မိမိအိမ်ကို ပြန်ချင်တဲ့စိတ်တွေ ဖြစ်ပေါ်နေတယ်။ အဲဒါတွေ ပြည့်ဝစေဖို့ အထူးလိုအပ်နေပါတယ်။ အဓိက စိတ်ပိုင်းဆိုင်ရာ အားပေးမှုတွေ သူတို့ခံစားချက် ရင်ဖွင့်တာတွေကို နားထောင်ပေးသင့်တယ်။ ပြင်ပက လူတွေနဲ့ များများပေးတွေ့သင့်တယ်လို့ထင်ပါတယ်။ ဒီလို အလုံပိတ်တွေ့ခွင့်မပေးတာက ဒုက္ခသည်တွေရဲ့ စိတ်ပိုင်း ဆိုင်ရာတွေကို ပိုပြီးနှိပ်စက်ညှဉ်းပန်းရာ ရောက်နေပါတယ်။ ဒုက္ခသည်တွေရဲ့လုံခြုံရေးကြောင့်ဆိုပြီး အခုလိုပဲ စခန်းထဲမှာ အလုံပိတ်ထားတာ ထက်စာရင် ရပ်ကွက်တွေထဲမှာ တရားဥပဒေစိုးမိုးရေးကို နိုင်နင်းစွာလုပ်ဆောင်ပြီး ဒုက္ခသည်တွေကို အိမ်တွေမှာ ပြန်လည်နေထိုင်ခွင့် ပေးစေသင့်ပါတယ်။

ဒါကတော့ ကျွန်မတို့ ရောက်ခဲ့တဲ့ အထက(၃) ဒုက္ခသည်စခန်းက တွေ့မြင်ခဲ့ရတာလေးပါ။ အဲဒီကနေ ကျွန်မတို့ ပြန်ထွက်လာပြီးတော့ မိတ္ထီလာမြို့ထဲကို ကားနဲ့တစ်ပတ်လှည့်လည်ကြည့်ခဲ့ပါတယ်။ ကားရပ်ပြီး ဓါတ်ပုံရိုက်ဖို့ အခွင့်မသာခဲ့ပါဘူး။ ဒါကြောင့် မောင်းနေတဲ့ ကားပေါ်ကနေလှမ်းပြီး ရသလောက် ဓါတ်ပုံလေးတွေလည်း ရိုက်ဖြစ်လိုက်တယ်။

မိတ္ထီလာမြို့ကို လွန်ခဲ့တဲ့ ၃-နှစ်လောက်က ကျွန်မ တစ်ခေါက် အလည်ရောက်ခဲ့ဖူးတယ်။ ညနေ နေ၀င်ချိန်မှာ မိတ္ထီလာကန်ဘောင်မှာရှိတဲ့ အကြော်ဆိုင်မှာ အကြော်ထိုင်စားရင်း မိတ္ထီလာမြို့ရဲ့ညချမ်းအလှကို ခံစားခဲ့ပြီး ရေလည်ဘုရားထိကို တံတားလေးပေါ်ကနေ လမ်းလျှောက်ဖူးတယ်။ နေ့ခင်းဘက်မှာ မိတ္ထီလာမြို့တစ်ပတ်ပတ်ရင်း မရောက်ဖူးတဲ့နေရာတော်တော်များများကို လည်ခဲ့ဖူးတယ်။ အရင်က စည်ကားလှတဲ့ သာယာလှပခဲ့တဲ့ မိတ္ထီလာမြို့ဟာ အခုတစ်ခေါက် ရောက်ရှိချိန်မှာတော့ မြို့ပျက် မြို့ဟောင်းကြီးတစ်ခုလိုပဲ ခြောက်သွေ့နေတယ်လို့ ခံစားရတယ်။ ကန်ဘောင်မှာ လုံခြုံရေးတွေ ချထားတယ်။ ထိုင်ခဲ့ဖူးတဲ့ အကြော်ဆိုင်လေးလည်း မတွေ့မိတော့ဘူး။ မြို့ထဲမှာလည်း ဗုဒ္ဓဘာသာဆိုင်တွေပဲ ဖွင့်ထားကြတယ်။ မွတ်စလင်မ်ဆိုင်ဖွင့်ထားတာတော့ မတွေ့မိခဲ့ဘူး။

အဝေးကိုရောက်နေတဲ့ မွတ်စလင်မ်တချို့က ကိုယ့်အိမ်ကို ပြန်ပြီးလာကြည့်ရင်တောင် လုံခြုံရေးအကြောင်းပြချက်နဲ့ မောင်းထုတ်ခံနေရတယ်ဆိုတာကိုလည်း ကျွန်မကြားသိခဲ့ရတော့ တော်တော်လေးကို စိတ်မကောင်းဖြစ်မိတယ်။

မီးရှို့ခံ/ဖျက်ဆီးခံထားရတဲ့ မွတ်စလင်မ်ပိုင်အိမ်တွေ၊ ဆိုင်တွေကတော့ အခုထိ ပြန်လည်ဖွင့်တာ မရှိသေးပါဘူး။ ပြန်ဖွင့်တာ မရှိသေး သလို ပြန်လည် ပြင်ဆင်ခွင့် ဆိုတာလည်း မရှိသေးပါဘူး။ မွတ်စလင်မ်ပိုင်တွေကို ဖျက်ဆီးရင်း ပျက်စီးမှုဒဏ် ကူးစက်ခံရတဲ့ ဗုဒ္ဓဘာသာပိုင် အိမ်/ဆိုင်တွေကတော့ ပြန်လည် ဖွင့်လှစ်ထားတာ တွေ့ရတယ်။ ဗုဒ္ဓဘာသာ အိမ်တချို့ဆိုရင် သာသနာ့အလံထောင်ပြီး အိမ်ကို ပြန်လည် ပြုပြင်နေတယ်။ အစောပိုင်းက စိတ်မှာ ဘယ်လိုမှ ခံစားချက် မဖြစ်ပေါ်မိပေမယ့် … အခုလို မြင်တွေ့လိုက်ရတော့ ခွဲခြားမှု ထပ်မံပြုလုပ်ခံနေပြီလားဆိုတဲ့ ခံစားချက်ဝင်မိတယ်။ မြန်မာနိုင်ငံမှာ နိုင်ငံရေးလှည့်ကွက်နဲ့ အခြားအကြောင်းပြချက်တွေ ရှိလာတိုင်း ကြားကနေ ဓါးစားခံဖြစ်ခဲ့ကြရတာ မွတ်စလင်မ်တွေပါ။ မိတ္ထီလာရဲ့ မြင်ကွင်းကိုမြင်ရတော့ နောက်များမှာ ဒီလို ဓါးစားခံအဖြစ်နဲ့ ခံစားကြရတဲ့ ဒုက္ခတွေကနေ ကင်းလွတ်ကြပါစေလို့သာ တောင်းဆုပြုမိတယ်။

မိတ္ထီလာ အကြမ်းဖက်မှုဖြစ်ပွားကတည်းက ဒုက္ခသည်ဖြစ်ခဲ့ရသူတွေကို စားရေရိက္ခာထောက်ပံ့ ကူညီနေကြတာတွေကလည်း အဖွဲ့အစည်းတွေ၊ ပုဂ္ဂလိက စေတနာရှင်တွေသာဖြစ်ပါတယ်။

စေတနာထက်သန်ကြတဲ့ အလှူရှင်တွေကို ကျွန်မအနေနဲ့ အကြံပေးလိုတာ တစ်ခု တွေ့ရှိလာပါတယ်။ လှူဒါန်းမှုတွေ ပြုလုပ်တာလည်း အလွန်ကို ကောင်းမွန်ပါတယ်။ ဒုက္ခသည်တွေအတွက် လတ်တလော အခက်အခဲတွေကို ပြေလည်စေပါတယ်။ အခုအချိန်မှာ ဒုက္ခသည်စခန်းတွေမှာ စားနပ်ရိက္ခာတွေလည်း လုံလောက်သင့်သလောက် လုံလောက်နေပါတယ်။ မကြာခင် အချိန်မှာတော့ လိုအပ်မှုတွေ ထပ်မံရှိလာနိုင်ပါတယ်။ အဲလို လိုအပ်လာချိန်မှ ထပ်မံ လှူဒါန်းတာမျိုးလုပ်ကြရင် ပိုသင့်တော်မယ်လို့ ထင်ပါတယ်။ ပြီးတော့ အခုလို စားနပ်ရိက္ခာ ထောက်ပံ့ပေးကြသည့် နည်းတူ ဒုက္ခသည်တွေ အိမ်ယာပြန်လည် ထူထောင်ပြီဆိုရင်လည်း ကူညီထောက်ပံ့မှုတွေ လိုအပ်နေဦးမယ်ဆိုတာလည်း မြင်တွေ့လာခဲ့ရပါတယ်။ ဒါကြောင့် ပြန်လည်ထူထောင်ရေး လုပ်ငန်းစဉ်တွေ အတွက်လည်း ပါဝင်ပေးကြဖို့ကို အကြံပြုလိုပါတယ်။

မိတ္ထီလာမြို့ကို ရောက်ပြီးတဲ့အခါ မြင်တွေ့ရတာက အကြမ်းဖက်ခံရမှုက ဒုက္ခသည်တွေ မိမိနေအိမ်တွေမှာ အမြန်ဆုံး ပြန်နေနိုင်ခွင့်ရအောင် စီစဉ်ပေးသင့်တယ်လို့ ခံယူပါတယ်။ အခုလို ဒုက္ခသည်အဖြစ်နဲ့ ဆက်ပြီးနေနေရ ဦးမယ်ဆိုရင် ဒုက္ခသည်တွေရဲ့ စိတ်ပိုင်းဆိုင်ရာ ခံစားချက်တွေ ပိုမိုထိခိုက်လာပြီး စိတ်ဒဏ်ရာတွေ ပိုမိုဖိစီးသွားနိုင်ပါတယ်။

‘ခွင့်တူညီမျှ ၀ါဒဖြူစင်တဲ့မြေ’ဆိုတဲ့ စတစ်ကာလေးတွေကို ဆိုင်ကယ်တချို့၊ ကားတချို့မှာ ကပ်ထားတာတွေ့လိုက်တယ်။ တကယ်ရော ခွင့်တူညီမျှပြီး ၀ါဒဖြူစင်တဲ့မြေ ဖြစ်ပြီလား။ ဒါဆိုရင်တော့ လူမျိုးမရွေး ဘာသာမရွေး လွတ်လပ်စွာ သွားလာနိုင်တဲ့ နယ်မြေတစ်ခုကို ဖန်တီးနိုင်ရပါမယ်။ ဘာသာတစ်ခုကိုတော့ လွတ်လပ်ခွင့်အပြည့်အ၀ပေးထားပြီး အခြားဘာသာတစ်ခုကိုတော့ လုံခြုံရေးကြောင့်ဆိုတဲ့ အကြောင်းပြချက်ထားထားတာကိုတော့ ကျွန်မအနေနဲ့ ခွင့်တူညီမျှတယ်လို့ မခံစားနိုင်သေးပါဘူး။ ဒါကြောင့် တကယ့်ကို “ခွင့်တူညီမျှ ၀ါဒဖြူစင်တဲ့မြေ” အေးချမ်းတည်ငြိမ်တဲ့ မိတ္ထီလာနယ်မြေ ဖြစ်လာဖို့ နိုင်ငံတော်မှ တာဝန်ရှိသူတွေအနေနဲ့ အမြန်ဆုံး ကြိးစား အကောင်ထည်ဖော်ဆောင်ပေးသင့်ပါတယ်။

ဒုက္ခသည် မွတ်စလင်မ်တွေအတွက် အားကိုးအားထားပြုနိုင်ဖို့ တာဝန်ရှိသူတွေ (အမည်နာမ မတပ်လိုတော့ပါ။) အနေနဲ့လည်း နိုင်ငံတော် တာဝန်ရှိသူတွေနဲ့ တွေ့ဆုံပြီး အတတ်နိုင်ဆုံး ကြိုးစားနေမှုတွေကိုလည်း အများမြင်သာတဲ့ ပွင့်လင်းမြင်သာမှုမျိုးနဲ့ ကြိုးပမ်းပေးရင်း စည်းလုံးညီညွတ်မှုကို ဖော်ဆောင်နိုင်ကြပါစေလို့ ဆန္ဒပြုပါတယ်။

* * ဒီဆောင်းပါးလေးဟာ ကျွန်မအနေနဲ့ မည်သူ့ကိုမျှ မည်သည်ကိုမျှ ထိခိုက်နစ်နာစေလိုခြင်း အလျင်းမရှိပါ။ ကျွန်မ မိတ္ထီလာရောက်စဉ် တွေ့မြင်ခဲ့ရတာတွေကို ပြန်လည် မျှဝေခြင်းသက်သက်သာ ဖြစ်ပါတယ်။ ဒါကြောင့် … ဒီဆောင်းပါးကို ဖတ်ရှုပြီး အမျက်ဒေါသဖြစ်မယ့်အစား အကောင်းဆုံးအခြေအနေတစ်ခု ဖြစ်လာအောင် ဘယ်လို ပူးပေါင်းဆောင်ရွက်ကြမလဲဆိုတဲ့ စုစည်းညီညွတ်မှု(Unity)ကို ဖော်ဆောင်နိုင်စေရန် ရည်ရွယ်ပါတယ်။

 

http://www.m-mediagroup.com/news/12639

http://www.m-mediagroup.com/news/12682