မျိုးရိုးက အထက်တန်းစားတွေ

ပြီးခဲ့တဲ့လက မိတ္ထီလာနဲ့ ပဲခူးတိုင်းအနောက်ခြမ်းမှာဖြစ်ပွားခဲ့တဲ့ အကြမ်းဖက်မှုတွေရဲ့ ဓါတ်ပုံတွေ၊ ဗီဒီရိုဖိုင်တွေ တစ်ခုပြီးတစ်ခုဟာ ဒီတစ်လောမှာထွက်ပေါ်လာခဲ့တယ်။

အဲဒါတွေကို ကြည့်ပြီး ကျွန်မတော်တော်လေးကို စိတ်မကောင်း ၀မ်းနည်းကြေကွဲမိတယ်။ ပြီးတော့ ကျွန်မ ရှက်မိတယ်။ ၀မ်းနည်းတာရော ရှက်တာရောအတွက်လည်း နာကျင်မိတယ်။

အပြစ်မဲ့ကလေးတွေ သတ်ခံရတယ်၊ အပြစ်မဲ့သူတွေ သတ်ခံရတယ်၊ အပြစ်မဲ့ပြည်သူတွေရဲ့ အသက်အိုးအိမ်တွေ စွန့်ပစ်လိုက်ရတယ်။ သာသနိက အဆောက်အအုံတွေ ဖျက်ဆီးခံရတယ်။ အဲဒါတွေအတွက် ကျွန်မ အလွန်ကို ၀မ်းနည်းကြေကွဲမိပါတယ်။

နောက်တစ်ခုက တမင်သက်သက် လုပ်ကြံဖန်တီးတဲ့ အကြမ်းဖက်မှုမှာ ပါဝင် အကြမ်းဖက်နေကြသူတွေအားလုံးဟာ ဗုဒ္ဓဘာသာ ဗမာလူမျိုး မြန်မာနိုင်ငံသားစစ်စစ် ဖြစ်နေတဲ့အတွက် ကျွန်မရှက်မိတယ်။
မြန်မာနိုင်ငံသားစစ်စစ်ဖြစ်တဲ့ကျွန်မအနေနဲ့ ကျွန်မရဲ့ အမိမြန်မာနိုင်ငံကို ကျွန်မချစ်မြတ်နိုးတယ်။ ကျွန်မရဲ့ ဘိုးဘေးဘီဘင်အားလုံးက မြန်မာနိုင်ငံမှာ မွေးဖွားကြီးပြင်းလာကြသူတွေ ဖြစ်တယ်။ မိဘမျိုးရိုးစဉ်ဆက်က အစ္စလာမ်သာသနာသက်ဝင်ယုံကြည်ကြလို့ ကျွန်မငယ်ငယ်ကတည်းက အစ္စလာမ်သာသနာဝင်ဖြစ်ခဲ့တယ်။ နားလည်သိတတ်စအရွယ်ကတည်းက အစ္စလာမ်သာသနာကို ကိုယ်တိုင်သက်ဝင်ယုံကြည်လို့ မွတ်စလင်မ်တစ်ယောက်အဖြစ် ရပ်တည်ခဲ့တယ်။

ကျွန်မအနေနဲ့ အစ္စလာမ်သာသနာကို သက်ဝင်ယုံကြည်တဲ့ မွတ်စလင်မ်တစ်ယောက်ဖြစ်တာနဲ့ မြန်မာနိုင်ငံဟာ ကျွန်မရဲ့ နိုင်ငံမဟုတ်ဘူးလို့ ဘယ်တုန်းကမှ ကျွန်မ မခံယူခဲ့ဘူး။ ဒီနိုင်ငံမှာမွေး ဒီနိုင်ငံမှာကြီးပြင်းလာတဲ့အတွက် ကျွန်မဟာ မွေးရာပါမြန်မာနိုင်ငံသားစစ်စစ်တစ်ယောက်ဖြစ်တယ်လို့လည်း ခံယူထားတယ်။ ဒါဆို ကျွန်မ မျိူးရိုးစဉ်ဆက် ဒီနိုင်ငံအကျိုး ဘာတွေ သယ်ပိုးခဲ့လဲ မေးချင်လား။ ပြောပြပါ့မယ်။



မြန်မာနိုင်ငံ လွတ်လပ်ရေးရဖို့ အင်္ဂလိပ်နယ်ချဲ့နဲ့ ဂျပန်ကို တော်လှန်တိုက်ထုတ်တဲ့အချိန်မှာလည်း ကျွန်မရဲ့ အဖိုးက ရွပ်ရွပ်ချွံချွံ ပါဝင်ပြီး တိုက်ပွဲဝင်ခဲ့သူ။ ဂျပန်တော်လှန်ရေးတပ်ဦးမှာလည်း အသက်ကိုပဓာနမထားပဲ သက်စွန့်ကြိုးပမ်းခဲ့သူ။ လွတ်လပ်ရေးရပြီးချိန် မြန်မာနိုင်ငံရေးသမိုင်းတလျှောက်မှာလည်း ကိုယ်ကျိုးမကြည့်ပဲ နိုင်ငံအကျိုးကိုသာ သယ်ပိုးခဲ့သူ။ အဲလို ကြိုးပမ်းခဲ့မှုတွေကြောင့် နိုင်ငံ့ဂုဏ်ရည်ဘွဲ၊ မော်ကွန်းဝင်ဘွဲ့အတွက် လျှောက်လွှာတင်ပါဆိုတဲ့အချိန်မှာလည်း 'ငါလုပ်ခဲ့တာတွေက နိုင်ငံအကျိုးအတွက် ငါလုပ်ခဲ့တာ အများသိကြပါတယ်။ အဲဒါအတွက် ဆုပေးချင်ရင် ဒီအတိုင်းပေးလို့ရတယ်။ ငါ ဒါတွေလုပ်ခဲ့ပါတယ်ဆိုပြီး လျှောက်လွှာတင်ပြီးမှ ယူရမယ့် ဘွဲ့တွေကို ငါမယူပါဘူး'ဆိုတဲ့ မျိုးချစ်စိတ်နဲ့ အသက်ထက်ဆုံး နိုင်ငံ့ဝန်ကို ဆောင်ခဲ့သူ။ နောက် ကျွန်မအမေ။ ကျောင်းသူဘ၀ကတည်းက နိုင်ငံအရေးအတွက်လှုပ်ရှားဆောင်ရွက်ခဲ့သူ။ ရှစ်လေးလုံးအရေးတော်ပုံမှာလည်း နိုင်ငံသားပီသစွာ ကိုယ်ကျိုးစွန့် ကြိုးပမ်းလှုပ်ရှားခဲ့သူ။ အခုတော့ ကျွန်မရဲ့ အဖိုးရော အမေရော ဆုံးပါး ကွယ်လွန်သွားခဲ့ကြပါပြီ။ နောက်ဆုံး ကျွန်မ အဖေ ... ကျောင်းသားဘ၀ကတည်းက နိုင်ငံတော်အတွက်လုပ်ဆောင်ခဲ့တာတွေကြောင့် အစိုးရရဲ့ ထိန်းသိမ်းခံ(ထောင်ကျ)ခဲ့ရတာလည်း အကြိမ်ကြိမ်။ တတ်သိနားလည်ကတည်းက ကျွန်မလုပ်ဆောင်ခဲ့တဲ့ လူမှုရေးဆောင်ရွက်ခဲ့တာတွေမှာ ဘာသာပေါင်းစုံ လူမျိုးပေါင်းစုံအတွက် လုပ်ဆောင်ခဲ့တာတွေချည်းပဲ။ ဘယ်ဘာသာဝင် ဘယ်လူမျိုးအတွက်ရယ်လို့မှ ခွဲခြားခဲ့တာမရှိခဲ့ဖူး။ ဒါတွေ ဘာလို့ လာပြောပြနေတာလဲ မေးချင်လား။ အတိတ်ကို ပြန်တမ်းတနေတာတော့မဟုတ်ဘူး။ ကျွန်မ မိဘမျိုးရိုးက ဒါတွေလုပ်ခဲ့တာတွေ။ ဒါပေမယ့် ကျွန်မက အစ္စလာမ်သာသနာဝင် မွတ်စလင်မ်တစ်ယောက်ဖြစ်တဲ့အတွက် ဒီနိုင်ငံသားမဟုတ်ဘူး။ ဒီနိုင်ငံက ထွက်သွားလို့ ပြောချင်တဲ့သူတွေအတွက် ပြောပြထားတာ။

ကိုးကွယ်ယုံကြည်ရာဘာသာ၊ လူမျိုးနဲ့ နိုင်ငံသားကို ခွဲခြားမှု မလုပ်ကြစေချင်ဘူး။ မြန်မာနိုင်ငံဆိုတာ ရှေးယခင်ကတည်းက လူမျိုးစုံ ဘာသာစုံနေထိုင်ရာဖြစ်တဲ့ ပြည်ထောင်စုနိုင်ငံဖြစ်တယ်ဆိုတာ မေ့ထားလို့မရဘူး။ လူမျိုးစုံနေထိုင်တဲ့ မြန်မာနိုင်ငံမှာ မြန်မာမဟုတ်တဲ့ သီးခြားလူမျိုး ပသီလို့ခေါ်တဲ့ မြန်မာမွတ်စလင်မ်အဖြစ် ကျွန်မမွေးဖွားကြီးပြင်းခဲ့တယ်။ ကျွန်မကိုယ်ကျွန်မ မြန်မာလို့သာ ခံယူထားတယ်။ ကျွန်မရဲ့ မွေးရပ်ဇာတိအမိမြေကို ကျွန်မချစ်မြတ်နိုးတာကြောင့် ကမ္ဘာမှာ မျက်နှာပျက်ရတဲ့အဖြစ်ကို ကျွန်မ တော်တော်ရှက်ပါတယ်။
မိတ္ထီလာနဲ့ ပဲခူးတိုင်းအနောက်ခြမ်းက အကြမ်းဖက်မှုတွေကိုမြင်ရတာ ကျွန်မရင်မှာ ခံစားချက်ပေါင်းများစွာပါပဲ .... ။

မျိုးရိုးကအထက်တန်းစားဆိုသူတွေအတွက် ကျွန်မ တော်တော်ကို ရှက်ပါတယ် ..... ။

* * * * * * * * * *

ငါညီတို့သွား ... ဘာမှဖြစ်ဘူး ... ငါ့ညီတို့ သွားကြ .... (သြော် အဖျက်သမားတွေကို ညီအစ်ကိုရင်းပမာ ချစ်ခင်တတ်တဲ့ ရဲမှူးကြီးရယ် လေးစားပါတယ်)

ဗမာကွ .... ဗမာကွ .... (အဖျက်သမားတွေရဲ့ အမျိုးဂုဏ်ဖော်နေတဲ့အသံတွေက ရှယ်ပဲ ... ဗမာဆိုတာ ဘယ်လိုဆိုတာ ပီပြင်အောင် ဖော်ပြပြီး ကိုယ့်အမျိုးကိုယ် အဲသလောက်ချစ်ကြတာ)

နောက်ဆုတ်ပေး နောက်ဆုတ်ပေးလိုက် ခိုက်မိလိမ့်မယ် .... (ရဲမှူးကြီးရယ် အဖျက်သမားတွေ ဖျက်ဆီးထားတဲ့ပစ္စည်းတွေပုံတွေထဲကနေ အဖျက်သမားတွေကို ထိခိုက်မိမှာ စိုးရိမ်ရှာတယ်နော် မေတ္တာတရားကြီးမားပါပေတယ် ... )

လုပ် လုပ် ... ချ ချ .... (အားပေးတဲ့ ဘုန်းဘုန်းကလည်း မေတ္တာရှင်ဝါဒီ ပီသပါပေတယ် ဘုန်းဘုန်းရယ်)

အရှင်ဘုရား ဘာမှမပူနဲ့ ... အရှင်ဘုရား ဘာမှမပူနဲ့ ... (အကြမ်းဖက်နေတဲ့ အရှင်ဘုရား အကြမ်းမဖက်လိုက်ရမှာ စိတ်ပူပေးနေတဲ့ ရဲမှူးကြီးကလည်း မေတ္တာတရား ကြီးမားတာပဲ)

ဟေး .... ဟေး ... ဖြောင်း ... ဖြောင်း ဖြောင်း ... ရွှီး ရွှီး ရွှီး ..... (အားပါးပါး ဘေးကနေ လက်ခုတ်လက်ဝါးတီးပြီး အားပေးနေတာက နည်းတဲ့ လူအုပ်ကြီးမှမဟုတ်တာပဲ)

* ဗီဒီယိုအခွေထဲမှာ ဒီလိုပြောဆိုနေတာတွေ မြင်တွေ့ရတာလည်း မြန်မာနိုင်ငံအတွက် ရှက်မိပါတယ်။

* * * * * * * * * * * *

ဒါတို့တိုင်းတို့ပြည် .... တို့မြန်မာတွေ .... ဒါတို့တိုင်းတို့ပြည် .... တို့မြန်မာတွေ ....
မြင့်မြတ်တဲ့ ဂုဏ်ကျက်သရေ ... ကျုပ်တို့ရဲ့ ရွှေထီးရွှေနန်းတင့်ဆန်းပေ ....
မြင့်မြတ်တဲ့ ဂုဏ်ကျက်သရေ ... ကျုပ်တို့ရဲ့ ရွှေထီးရွှေနန်းတင့်ဆန်းပေ ....
အာဇာနည်ဗုဒ္ဓဘာသာ အမျိုးသားတိုင်းပြည် ... ရာဇ၀င်ရှေးထုံးစဉ်လာ ထွန်းတောက်ခဲ့ပေ .....
မျိုးဂုဏ်တက်အောင် ရွက်ဆောင်မလေ တို့တာဝန် အမှန်ပေ .... အာဇာနည်ဗုဒ္ဓဘာသာ အမျိုးသားတိုင်းပြည် ... ရာဇ၀င်ရှေးထုံးစဉ်လာ ထွန်းတောက်ခဲ့ပေ .....
မျိုးရိုးနဲ့ တန်ခိုးရှိခဲ့ပေ ... ထီးနန်းနဲ့ စံမြန်းလာတာတွေ .... ကမ္ဘာမိုးမြေ တေဇာတာဖြိုးဝေ ..... မဟာမျိုးတွေ စိတ်အားတက်ကြွစေ ....
မျိုးကျက်သရေ တိုးတက်စေ ... အောင်ကြောင်းမင်္ဂလာချေ ... မိုးအောက်မြေ ... တန်ခိုးတောက်ပေ ... ခေတ်ကောင်းရောက်ပြီလေ ....
မျိုးကျက်သရေ တိုးတက်စေ ... အောင်ကြောင်းမင်္ဂလာချေ ... မိုးအောက်မြေ ... တန်ခိုးတောက်ပေ ... ခေတ်ကောင်းရောက်ပေါ့လေ ....
............................. "မျိုးရိုးက အထက်တန်းစားတွေ" ..........

* * * * * * * * * * * *

လွတ်လပ်တဲ့ ထွဋ်မြတ် စံဌာနေ ..... သတ္တိသွေးတွေ မွေးထုတ်ခဲ့ပေ ..... တို့ဗိုလ်ချုပ်အောင်ဆန်းရေ .... တို့ဗိုလ်ချုပ်အောင်ဆန်းရေ ....
ရာဇ၀င် သမိုင်းတခေတ် ဆန်းသစ်လှပေ .... တို့ပြည် ... တို့မြေ ... တို့ရဲ့အခြေတွေ တည်ဆောက်ခဲ့ရပေ ...
ကမ္ဘာတည်သရွေ့ ... အာဇာနည်နေ့ကိုဖြင့် မမေ့သင့်ပါပေ .... ယနေ့ဖြင့် မြန်မာတွေ ... ယနေ့ဖြင့် မြန်မာတွေ .....

* * * * * * * * * * * *

ငါတို့ မြန်မာပြည် ... မိဘတိုင်းကရယ် ... ဗိုလ်အောင်ဆန်းလို သူရဲကောင်းတွေ မွေးရမယ် ...
ငါတို့ မြန်မာပြည် ... မိဘအပေါင်းတို့ကရယ် ... အာဇာနည်အစစ်ကို ရှိဖို့မွေးရမယ် ...
သြော် .... ဘုရင့်နောင်ရဲ့ ရာဇာဓိရာဇ်တို့လို ... မင်းရဲကျော်စွာ ပမာပုံ အလောင်းဘုရားတို့လို့ကွယ် ...
မြန်မာတိုင်း မြန်မာမျိုး အားကိုးလောက်တဲ့ .... မကြောက်တမ်း မရွံ့တမ်း မြန်မာတွေ အောင်ပန်းဆွတ်ကြရှာလေတယ် .....
ရာဇ၀င် အထ္ထုပ္ပတ္တိလည်းရှိရမယ် ... မော်ကွန်းလည်း ထွန်းလောက်တယ် ... မြင့်မြတ်တဲ့ ဗိုလ်အောင်ဆန်းရယ် ...
ရာဇ၀င် အထ္ထုပ္ပတ္တိလည်းရှိရမယ် ... မော်ကွန်းလည်း ထွန်းလောက်တယ် ... မြင့်မြတ်တဲ့ ဗိုလ်အောင်ဆန်းရယ် ...
မြန်မာနိုင်ငံ ထူထောင်ရန်တဲ့ မျိုးရိုးမတိမ်အောင် ကြံဆောင်လေတယ် .... ငါတို့လူမျိုး တန်ခိုးရှိဖို့ သူရဲကောင်းတွေ ကြံဆောင်တယ် ...
တကယ်ပင် အစွမ်းသတ္တိ ရာဇ၀င်ပြောင်တယ် ... သားကောင်းများလို့ ခေါ်ရလောက်ပေတယ် ... ဥဒါန်းတွင်စေဖွယ် ... မြန်မာသူရဲကောင်းအပေါင်းတွေရယ် ...

* * * * * * * * * * * *

ခင်ညွန့်ရီရဲ့ ဇာတိမာန်အခွေကို နားထောင်ရင်း ...... စိတ်ထဲရှိရာ ပြောချင်တာတွေကို ရေးလိုက်သည်။