သံယောဇဉ်ဖြင့်တနူးတညံ့ချည်နှောင်ထားသော

တစ်ကိုယ်စာ အခန်းလေးထဲတွင် ပျံ့လွင့်နေသော သီချင်းသံတိုးတိုးနှင့်အတူ သတိရတတ်ခြင်းတို့က လေထုထဲ၌ ပဲ့တင်ထပ်နေမည်လား။ ပြတင်းပေါက်မှ အခန်းအပြင်ဘက်ကို ကြည့်မိလိုက်သောအခါ တွဲရရွဲခိုဖူးပွင့်နေသော ငုပန်းခိုင်များကို တွေ့လိုက်ရသည်။

မိုင်(၄၀၀)ကျော်ကွာဝေးသည့် မန္တလေးတက္ကသိုလ်မှ ကျွန်မ အကြိမ်ပေါင်းများစွာ မက်မက်မောမော လျှောက်ခဲ့ဖူးသည့်လမ်းကလေးတလျှောက်တွင်လည်း ငုပန်းတို့ဝါလျော်စွာဖူးပွင့်နေရော့မည်ပဲ။ သည်ငုပန်းတွေဟာ ဘာကြောင်းများ ကျွန်မအတွက် လွမ်းဆွတ်မှုတစ်စုံတစ်ရာကို ပေးစွမ်းနိုင်နေရတာပါလဲ။ ကျောင်းသူတစ်ယောက်၏ပျော်ရွှင်ခဲ့ဖူးသောအချိန်များဆီက မြေနီလမ်းကလေး၊ တမာရနံ့မွှေးပျံ့နေတတ်သော လမ်းကလေး၊ ငုပန်းခိုင်တို့ လှလှပပ ဖူးပွင့်နေတတ်သော လမ်းကလေးနှင့်အလှမ်းဝေးစွာနေထိုင်နေရသော ကာလများတွင် မမေ့နိုင်ခြင်းတို့နှင့်အတူ သတိရခြင်းတို့ကိုတော့ ကျွန်မသိမ်းဆည်းထားချင်ပါသေးသည်။





ဇာတိမြို့ကလေးမှာ မေမေကရော သမီးတစ်ယောက်အတွက် သတိရခြင်းများကို နှလုံးသားဖြင့်ရေတွက်နေမှာလား ကျွန်မသိလိုလှပါသည်။ စိတ်နှင့်သာ အရောက်ပြန်နေရသောမြို့ကလေးမှာရော ဟိုအရင်ကအတိုင်းပဲ လသာသော ညများစွာထဲ၌ ယုဇနပန်းရနံ့တို့ လေပြည်မှာ ဆော့ကစားနေဦးမှာလား။ ဝေးကွာခြင်းများနှင့်နီးစပ်စွာ အသားကျနေရသူ ကျွန်မက Unison, မန်းရတနာ၊ Ruby လက်ဖက်ရည်ဆိုင်တို့မှ ခွေးခြေခုံပုလေးများကို လွမ်းတမ်းတနေမိပြန်သေးသည်။

ကိုယ်တိုင်ရွေးချယ်ခဲ့သော ဘ၀တစ်ခုအတွက်တော့ ကျွန်မ ဘယ်တုန်းကမှ နောင်တမရခဲ့ပါ။ ရန်ကုန်ဆိုသော ပထမမြို့တော်ကြီးတွင် မျှော်လင့်ချက်များကို ကျွန်မက အမြင့်မားဆုံးထွင်းထုထားချင်ခဲ့သည်။ ကျွန်မ၏ တစ်ကိုယ်ရေရှင်သန်မှုတွင် ပိုင်ဆိုင်မှုဘယ်လောက်များများရရှိထားခဲ့ပြီလဲ။ နွေးထွေးမှုတို့ကို ကျွန်မပိုင်ဆိုင်ချင်သည်။ ချစ်ခြင်းမေတ္တာတို့ကို ကျွန်မ ပိုင်ဆိုင်ချင်သည်။ ရိုးသားမှုတို့ကို ကျွန်မပိုင်ဆိုင်ချင်သည်။
ဟောသည့်အခန်းလေးထဲတွင် အမှတ်ရခြင်းတို့ဖြင့် ချည်နှောင်ထားသော ကျွန်မမြတ်နိုးတန်ဖိုးထားရသည့် ပစ္စည်းများကို ကျွန်မ အလွန်တရာ သံယောဇဉ်ရှိသူတစ်ယောက်က အမှတ်တရပေးထားခြင်းပါပဲ။

၁။ အနီရောင်ကြိုးတစ်စ
၂။ Levis အမျိုးအစား ပိုက်ဆံအိတ်တစ်လုံး
၃။ Alpine တံဆိပ် ရေသန့်ဗူးတစ်ဗူး
၎။ Snoopy တံဆိပ် ဘောလ်ပင်တစ်ချောင်း
၅။ Micky Mouse တံဆိပ် ဘောလ်ပင်တစ်ချောင်း
၆။ နီညိုရောင်ဘောလ်ပင်တစ်ချောင်း
၇။ မွေးနေ့လက်ဆောင် တိတ်ခွေတစ်ခွေ
၈။ မဖွင့်ဖောက်ရသေးသည့် Maxell တံဆိပ် တိတ်ခွေလွတ်တစ်ခု
၉။ ဒိုင်ယာရီစာအုပ်တစ်အုပ်
၁၀။ Snow White တံဆိပ် တစ်ရှူးစလေးများ

အခုနားထောင်နေသည့် တိတ်ခွေလေးကိုလည်း သူကပဲ မွေးနေ့အမှတ်တရအဖြစ် လက်ဆောင်ပေးထားခြင်းဖြစ်ပါသည်။ အမှတ်တရဖြစ်စေသည့် ပစ္စည်းတစ်ခုချင်းစီတိုင်းမှာ တစ်ယောက်နှင့်တစ်ယောက်ကြားမှာ နားလည်မှုနှင့်သံယောဇဉ်တို့ပါ တွယ်ငြိနေမည်ဟု ကျွန်မယုံကြည်ထားချင်သည်။
‘တနင်္ဂနွေဆို အေးအေးဆေးဆေးပဲလေ။ သီ့ဆီကို လာလည်ပါလား။ GTI နားက လက်ဖက်ရည်ဆိုင်မှာဆုံမယ်။’

ကျွန်မ၏ဖိတ်ခေါ်မှုကို သူက လိုလိုလားလားပဲ လက်ခံခဲ့ပါသည်။ လိမ္မော်ရောင်တနင်္ဂနွေနေ့များတွင် ကျွန်မက ‘ရွှေနယား’လက်ဖက်ရည်ဆိုင်လေးမှနေ၍ သူ့အလာကိုစောင့်မျှော်တတ်မြဲ။ ကျစိမ့်တစ်ခွက်၊ ချိုဆိမ့်တစ်ခွက်နှင့်အတူ စကားလုံးများရက်ဖွဲ့ရင်း ဖြတ်သန်းတတ်လာခဲ့သည်။

‘ဒီနှစ်သင်္ကြန် အိမ်ပြန်ဦးမှာလား … သီ’

သူမေးလာခဲ့စဉ်က ကျွန်မ ညင်သာစွာပြုံးရင်း
‘မပြန်ဖြစ်ဘူး ကိုထူးထူး ရန်ကုန်မှာပဲနေပြီးစာရေးမယ်။ ဒါပေမယ့် သီ မန္တလေးမှာ ကျောင်းတက်တုန်းက အရမ်းပျော်ဖို့ကောင်းတာပဲ၊ သီက ငြိမ်ငြိမ်လေးမနေတတ်ဘူး။ ကျောင်းကိုလှည့်ပတ်သွားတဲ့သူလေ၊ UFL တက်တော့လည်း မိန်းထဲပဲ ရောက်နေတာ။ တချို့တွေက တမာရနံ့ကိုပြင်းတယ်တဲ့၊ သီကတော့ ကြိုက်တယ်။ လမ်းရဲ့ ဟိုဘက်ဒီဘက် တမာပင်တွေရှိနေတော့ အဲဒီလမ်းကလေးပေါ်လျှောက်ရတာ ကဗျာဆန်တယ်။’
‘တမာရနံ့က မွှေးပါတယ် သီ … မန္တလေးရဲ့ အငွေ့အသက်လေးတွေက ချစ်စရာကောင်းတယ်။ ကျွန်တော့်ကိုပြောပြရင်းနဲ့ မန္တလေးကို လွမ်းနေပြီမဟုတ်လား’

ကျွန်မ၏ပျော်ရွှင်မှု၊ ၀မ်းနည်းမှု၊ သတိရမှုအားလုံးကို နားလည်ပေးနိုင်တာ၊ မျှဝေခံစားပေးနိုင်တာ သူသာဖြစ်ပါလိမ့်မည်။ ကျွန်မအတွေးတို့က လွန်ခဲ့သောနှစ်သို့ မျောရွေ့သွားသည်။ ထိုအချိန်က ကျွန်မက ဇာတိမြို့လေးမှာ၊ သူကရန်ကုန်မှာ၊ ဖုန်းကြိုးများတစ်လျှောက်မှ စကားလုံးများသည်သာ ကျွန်မတို့နှစ်ယောက်အတွက် ဆက်သွယ်ချက်တစ်ခုဖြစ်ခဲ့သည်။

‘သီ့မှာ အရည်အချင်းရှိတယ်။ သီက ရိုးသားတယ်၊ သီ့ကို မကောင်းလျှောက်ပြောနေတဲ့သူတွေကို ခေါင်းထဲမှာ ထည့်မထားနဲ့။ ကြိုးစားစမ်းပါသီ … အခု သီ … ရန်ကုန်မှာတစ်ယောက်တည်းလာနေတယ်။ သီ ဘာမှဖြစ်မလာဘူးဆိုပါတော့၊ အဲလိုဆိုရင်လည်း ကဲ့ရဲ့ကြမှာပဲ၊ အခု သီက ဖြစ်လာနေပြီလေ။ ဘယ်သူတွေ ဘာပြောပြော အရေခွံထူဖို့ပဲလိုတယ်။ အရေးကြီးတာက လိပ်ပြာသန့်သန့်နဲ့ နေထိုင်သွားနိုင်ဖို့ ဘယ်သူ့ပေါ်မှာမှ မတရားမလုပ်တဲ့သူဟာ ကိုယ့်ကိုယ်ကို လိပ်ပြာသန့်ပါတယ် … သီ’

သူစိမ်းတို့အလယ်တွင် မျှော်စင်လေးတစ်ခုကို ကြိုးစားပမ်းစားတည်ဆောက်နေရသည့် ကျွန်မအတွက် သူ၏စစ်မှန်သော စေတနာဖြင့်အားပေးစကားတို့ကို နေ့ရက်ပေါင်းများစွာအထိ ငြိမ်းချမ်းမှုကိုပေးစွမ်းနိုင်သေးသည်ပဲ။ ကျွန်မ၏ ကလေးဆန်သော ပူဆာတတ်မှုများကိုလည်း သူက အစ်ကိုကြီးတစ်ယောက်အနေနှင့်လိုက်လျောတတ်ပါသည်။

‘အခုသီရေးတဲ့ ဘောလ်ပင် မင်ကုန်တော့မယ်၊ သီ့ကို ဘောလ်ပင်တစ်ချောင်းလောက်ဝယ်ပေးပါလား’
သည်လိုဆိုလျှင် စာရေးကိရိယာဆိုင်သို့ခေါ်သွားပြီး သူက ချက်ချင်းပဲ လိုက်ဝယ်ပေးတတ်ပါသည်။
‘တစ်ချောင်းမဟုတ်ဘူး။ နှစ်ချောင်းယူလိုက် … အပြာတစ်ချောင်း၊ အနက်တစ်ချောင်း၊ ဒါမှ သီများများရေးလို့ရမှာ၊ ကျွန်တော့်မွေးနေ့တုန်းက သီလက်ဆောင်ပေးထားတဲ့ဘောလ်ပင်လေးတွေကလည်း အရမ်းအသုံးဝင်တာပဲ’

နေဦး သူက ကျွန်မထက် ဆယ်နှစ်ကြီးတော့ အစ်ကိုကြီးပေါ့။ အစ်ကိုတစ်ယောက်ကဲ့သို့သာမက သူက သူငယ်ချင်းတစ်ယောက်လည်းဖြစ်နေသေးသည်။ ကျွန်မ ဖွင့်ဟတိုင်ပင်နိုင်သော၊ အကြံဉာဏ်ကောင်းများပေးနိုင်သော မိတ်ဆွေရင်းတစ်ယောက်လည်းဖြစ်နေပါသည်။ သူ့မျက်ဝန်းများမှနေ၍ ကျွန်မအပေါ် နားလည်ပေးတတ်သောအကြည့်ကို ဖတ်ရှုနေရသည်။ သူ့စကားလုံးများမှနေ၍ သိမ်မွေ့နူးညံ့တတ်သော သူ့နှလုံးသားကို လှမ်းမြင်နေရသည်။

‘ကျွန်တော့်မှာ ညီမရင်းတစ်ယောက်မှမရှိဘူး။ သီ့ကို ကျွန်တော့်ညီမလေးတစ်ယောက်လိုပဲ သဘောထားတယ်။ သီ့ကိုစတွေ့ကတည်းက အလားအလာရှိတယ်လို့ ကျွန်တော်အခဲခတ်မိတာ အခုတော့ သီက လုံးချင်းဝတ္ထုတွေတောင် ထွက်လာနိုင်ပြီ။ သီ့ အောင်မြင်မှုတိုင်းအတွက် ကျွန်တော်ဝမ်းသာတယ်’
သူပြောပြတတ်သော သူ့မေမေနှင့် သူ့မမအကြောင်းတို့ကို ကျွန်မက လေးလေးနက်နက် နားထောင်ပေးတတ်စမြဲ။ သူပျော်ရွှင်နေတတ်သောအချိန်များတွင် ကျွန်မ၏ ပျော်ရွှင်မှုတို့ကိုပါ ဖူးပွင့်လာသလို ခံစားရသည်။ ကမ္ဘာပေါ်တွင် ကျွန်မနှင့်သူတို့၏ အဖြူစစ်စစ်တွယ်နှောင်မှုသည် အလှပဆုံးသီချင်းတစ်ပုဒ်ဟု ယုံကြည်ထားလိုက်ချင်သည်။

ကျွန်မ မမေ့နိုင်လောက်အောင် မှတ်မိနေခဲ့တာက ၉၈-ဘတ်စ်ကားပေါ်မှဆင်းပြီး လက်ဖက်ရည်ဆိုင်အသွားမှာ မထင်မှတ်ပဲ မိုးကရွာချလာသည်။ မိုးကိုကြောက်တတ်သောကျွန်မက ထီးဖွင့်ဖို့ ကြိုးစားသည်။ ထီးကလည်း ချက်ချင်းဖွင့်မရ။ ချက်ချင်းပဲ သူက ကျွန်မလက်ထဲမှထီးကို ယူဖွင့်ပေးပြီး ထီးဆောင်းပေးသည်။ သူ့မှာ မိုးစက်တွေရွှဲသွားသော်လည်း ကျွန်မမိုးလုံသွားသည့်အတွက် ကျေနပ်သွားသလိုပါပဲ။

အိပ်မပျော်တတ်သော ညများစွာထဲတွင် တစ်ယောက်တည်းဝမ်းနည်းအားငယ်နေချိန်များ၌ သူ၏အားပေးစကားများကို ကြားယောင်ရင်းဖြင့် လုံလောက်စွာနှစ်သိမ့်နိုင်ပါသေးသည်။ ကျွန်မ၏ အိမ်အလွမ်းများ၊ ကျွန်မ၏ရေးလက်စ လုံးချင်း၊ ဖတ်လက်စအကြောင်းမှအစ ကျွန်မကြိုက်တတ်သည့်အရောင် အစားအသောက်များအကြောင်းထိ သူ့ကို မခြွင်းမချန်ပြောပြနိုင်သေးသည်လေ။

‘သီအခု ပြင်သစ်ဝတ္ထုတွေဖတ်ကြည့်နေတယ် ကိုထူးထူး၊ မင်းသားလေးLibrary က သွားငှားတာလေ၊ ယန်းပေါဆတ်တို့၊ ဇိုလာတို့ပေါ့၊ ဖတ်ရင်းဖတ်ရင်း ပျော်လာတယ်’

‘ကောင်းတာပေါ့သီရဲ့၊ အကျိုးရှိတာပေါ့၊ ကျွန်တော့်ဆီမှာ Original Dictionary တစ်အုပ်ရှိတယ်။ ပြင်သစ်-အင်္ဂလိပ်ပဲ။ သီဘာသာပြန်ရင် ကြည့်လို့ရအောင်ကျွန်တော်ယူလာခဲ့မယ်’

သည်လိုလည်း ကျွန်မလိုအပ်ချက်ကို သူက အလိုက်တသိဖြည့်ဆည်းပေးတတ်ပါသေးသည်။ ပြင်သစ်ဘာသာစကားကို သင်ယူဖြစ်ခဲ့သောအကြောင်းရင်းကို ပြန်စဉ်းစားတိုင်း ကျေနပ်မှုတစ်ခုက ကျွန်မရင်တွင် နေရာယူလာတော့သည်။ သူတိုက်တွန်းခဲ့လို့ပေါ့။ သူဘာသာပြန်တတ်သော ပြင်သစ်ကဗျာများကို တရှိုက်မက်မက် ဖတ်ရှုရင်း ကြိုးစားချင်စိတ်တို့ ဖြစ်တည်လာခဲ့ရသည်။

‘ရောက်နေတာကြာပြီလား ကိုထူးထူး’

‘ခုနလေးတင်ကမှရောက်တာ၊ တစ်ခါတစ်လေ သီထက် စောရောက်ဖူးတယ်ရှိအောင်ပေါ့ဗျာ’

ကျွန်မ ကျေနပ်စွာရယ်မောမိပါသည်။ တနင်္ဂနွေနေ့တိုင်းမှာ ကျွန်မနှင့်အတူ စကားပြောရင်း ရွှေနယားလက်ဖက်ရည်ဆိုင်လေးမှာဆုံဖို့ သူလုံးဝမပျက်ကွက်ခဲ့ပါ။

‘ဒီကို မလာခင်တုန်းက အခန်းလေးထဲမှာ တစ်ယောက်တည်း သီချင်းနားထောင်နေတာ၊ တင်ဇာမော်သီချင်းလေ’

သူလက်ဆောင်ပေးထားသောတိတ်ခွေကို ကျွန်မနားထောင်ဖြစ်သည်ကို သူသိတော့ ပြုံးနေသည်။ ဆင်ခြေဖုန်းဆန်သော နေရာတစ်ခုမှာနေထိုင်ဖြစ်သည့် ကျွန်မအတွက် တနင်္ဂနွေများသည် အထီးကျန်ဆန်မနေတော့ပါ။ မြင်ကွင်းတွေမှာ ကျွန်းစိုက်ခင်းတစ်ခင်းရှိနေသည်။ လက်ဖက်ရည်ဆိုင်လေးက ဗာဒံနှင့် ကုက္ကိုရိပ်တို့အောက်တွင် အေးချမ်းတိတ်ဆိတ်စွာ။

‘သီကြိုက်တယ်ဆို လက်ဆောင်ပေးရကျိုးနပ်ပါတယ်။ ဒီမှာလေ နောက်ထပ် တိတ်ခွေနှစ်ခွေယူလာတယ်၊ မဒီရယ်၊ Carpenters ရယ်၊ သီက သီချင်းအေးအေးလေးတွေကြိုက်တော့အဆင်ပြေမှာပါ။ Dictionary လည်းယူလာတယ်။ Dictionary က တစ်ရက်(၅၀၀)တိတိ၊ တိတ်ခွေက တစ်ရက်(၂၀၀)’
သူက အတည်ပေါက်ဖြင့် နောက်ပြောင်ပါသည်။ လက်ဖက်ရည်ဆိုင်ထိုင်ဖြစ်တိုင်း ကျွန်မသောက်ဖို့ ရေနွေးကြမ်းကို ဂရုတစိုက်ငှဲ့ပေးတတ်သေးသည်။

‘Merci(ကျေးဇူးပဲ) ကိုထူးထူး၊ သီ့အတွက် Dictionary က တကယ်အသုံးဝင်တယ်။ ပြန်မေးရဦးမယ်၊ ကိုထူးထူးရော၊ သင်္ကြန်ရက်မှာ ဘာလုပ်ဖို့စိတ်ကူးထားလဲ’

သူ့မျက်ဝန်းတို့က အဝေးတစ်နေရာသို့ ငေးရီနေပါသည်။ ဖြတ်သန်းသွားသော ရထားတစ်စင်းကိုလှမ်းကြည့်ရင်း …
‘သီ့ကို ကျွန်တော်ပြောဖူးတယ်လေ။ လက်ပံတန်းက ရွာလေးတစ်ရွာမှာ တွဲဖက်ကျောင်းဆရာလုပ်ဖူးတယ်လို့။ ဒီရက်ပိုင်းမှာ ကျွန်တော် အဲဒီရွာလေးကို လွမ်းနေတယ်။ သီ မန္တလေးကို လွမ်းသလိုပေါ့။ ရွာက လူတွေကိုလည်း သတိရနေတယ်။ အဲဒီကို သွားမယ်လို့စိတ်ကူးထးတယ်။ ရထားစီးသွားရင် နေ့ချင်းရောက်တယ်လေ’

‘ကောင်းတယ် ကိုထူးထူး၊ ရွာကလူတွေလည်း ၀မ်းသာသွားကြမှာပေါ့’

‘ဒါနဲ့ လက်ကိုက်နေတာရော သက်သာသွားပြီလားသီ။ စာရေးတဲ့သူရဲ့ မျက်လုံးနဲ့လက်က အရေးကြီးဆုံးပဲ၊ လက်ကြေဆေးလူးပေးနော်၊ ညဘက်လည်းအရမ်းအိပ်ပျက်မခံနဲ့၊ မျက်လုံးအတွက်ရော ဆေးမှန်မှန်သောက်လား၊ သူများတွေလျှောက်ပြောတာတွေအတွက် ဘာမှဝမ်းနည်းစရာမလိုဘူးနော်။ ကျွန်တော့်ကို တိုက်ခိုက်တဲ့သူတွေဆိုလည်း ဘယ်တော့မှ မတုန့်ပြန်ဘူး။ စိတ်ရှင်းရှင်းပဲထားတယ်။ ကျွန်တော်တို့က တစ်ယောက်ရဲ့စိတ်ကို တစ်ယောက်ကသိတယ်လေ။ ကျွန်တော့်အပေါ် သီထားတဲ့စေတနာကို ကျွန်တော်သိတယ်။ သင်္ကြန်ရက်မှာ စာရေး၊ စာဖတ်ပေါ့။ ကျွန်တော်ယူလာတဲ့ တိတ်ခွေလေးတွေနားထောင်ပေါ့’

‘သီက တစ်နယ်တစ်ကျေးက တစ်ယောက်တည်းလာနေရသူလေ။ ဒီလိုလူတစ်ယောက်မှာ အိမ်လွမ်းစိတ်လည်းရှိမယ်။ နေမကောင်းဖြစ်ရင်လည်း အားငယ်တတ်မယ်။ တစ်ခြားသူတွေနဲ့တိုက်ခိုက်မှုလည်းခံရမယ်။ သီ့ရဲ့ခံစားချက်အားလုံးကို နားလည်ပေးနိုင်ပြီး ဂရုတစိုက်ရှိလို့ သီအရမ်းဝမ်းသာတာပဲ။ လက်ကိုက်တာလည်း သက်သာသွားပြီ။ ဆေးလည်းမှန်မှန်သောက်တယ်၊ ကိုထူးထူးက သီ့အပေါ် အကောင်းဆုံးအစ်ကိုကြီးတစ်ယောက်လို့ သီအမြဲယုံကြည်ထားတယ်’

‘သီကလည်း ကျွန်တော့်အပေါ် အရမ်းကောင်းတဲ့ ညီမတစ်ယောက်ဖြစ်နေဦးမှာပါ။ အိမ်အထိ ကျွန်တော်လိုက်ပို့ပေးမယ်နော်’

လက်ဖက်ရည်ဆိုင်မှအပြန် ကျွန်မခေါင်းပေါ်ကပ်ငြိနေသော အမှိုက်စလေးကို သူအသာအယာဖယ်ရှားပေးသည်။ တိတ်ဆိတ်နေသည့်လမ်းကလေးအပေါ် အတူလျှောက်လာချိန်မှာ နွေးထွေးမှုတစ်ခုက ကျွန်မ သွေးကြောများထဲထိ စီးဝင်လာသည်။ လမ်းကလေးသည် အဓိပ္ပါယ်တစ်စုံတစ်ရာနှင့် ပို၍အသက်ဝင်သွားသလို။

လမ်းလျှောက်သွားရင်းမှ ကျွန်မမျက်ဝန်းထဲတွင် မျက်ရည်အချို့ဝဲခိုလာသလို။ တစ်ယောက်နှင့်တစ်ယောက်ကြားတွင် အပြန်အလှန်ဖွဲ့တည်နေသော အဖြူထည်စစ်စစ်သံယောဇဉ်၏ နွေးထွေးလုံခြုံမှုသည် ကျွန်မကို မျက်ရည်ဝဲလောက်အောင် ကျေနပ်ကြည်နူးစေသတဲ့လား။
ကျွန်မ၏တစ်ကိုယ်ရည်ရှင်သန်မှုတွင် သံယောဇဉ်စစ်သီချင်းတစ်ပုဒ်က အမြဲလင်းလက်လှပနေမှာ သေချာနေပြီပဲ။

သွေး(စစ်ကိုင်း)
ရုပ်ရှင်အမြူတေသုတရသစုံမဂ္ဂဇင်း