လုပ်ငန်းခွင်ထဲက ဘ၀ အတွေ့အကြုံ သင်ခန်းစာတွေ

"ဘယ်နေရာ ဘယ်ပဲလုပ်ရ လုပ်ရ အကောင်းဆုံးလုပ်ပါဆိုတဲ့ ဆုံးမစကား" ပို့စ်လေးကိုဖတ်ပြီး ပြန်မျှချင်လာလုိ့ ဒီပို့စ်လေးကို ရေးဖြစ်သွားတာပါ။

ကျွန်တော်ကိုယ်တိုင်လည်း ကြုံခဲ့ရဖူးတယ် .... ၁၀-တန်းဖြေပြီးပြီးချင်း အောင်စာရင်းတောင် မထွက်သေးဘူး အသက်က ၁၆-နှစ် စွန်းစွန်းပေါ့။ လုပ်ငန်းခွင်ထဲ ရောက်သွားတယ်။ အဲ့ဒီအချိန်က ကွန်ပျူတာတွေ စခေတ်စားတဲ့အချိန်၊ ကွန်ပျူတာ စာစီစာရိုက်တွေပေါ့။ ကျွန်တော်အလုပ်ဝင်တဲ့ဆိုင်က ကွန်ပျူတာစာစီစာရိုက်-မိတ္ထူဆိုင်။ စစချင်းလုပ်တော့ သူများတွေ ၀င်ဝင်ချင်း လစာ ၇၀၀ိ/- ရပေမယ့် ကျွန်တော့်ကိုတော့ အဖေရဲ့အသိကတဆင့်မို့ ၁၀၀၀ိ/-ပေးခဲ့တယ်။

မိတ္ထူကူးတာသင်ပေးတယ်။ ကျွန်တော်သင်ရင်း လက်နှိပ်စက်ရိုက်တဲ့ အစ်မကြီးကို အားကျတော့ သူနဲ့ခင်ပြီး သူ့ဆီကနေ လက်နှိပ်စက် ရိုက်တာ သင်တယ်။ နောက် ကွန်ပျူတာခန်းထဲကလူတွေကို အားကျတော့ အဲ့ဒီက လူတွေနဲ့ခင်ပြီး သူတို့ ကွန်ပျူတာရိုက်တာကို ဘေးကနေ ထိုင်ကြည့်တယ်။ ကျွန်တော်သိချင်တာမေးရင် သူတို့တွေက ပညာပြတာ ကောင်းကောင်းခံရတယ်။ ကွန်ပျူတာရိုက်ရတာ လက်ညောင်းလို့ နှိပ်ပေးပါလားဆိုတာကြောင့် အဲ့ဒီ အစ်မတွေကို လက်တွေကို နှိပ်ပေးဖူးတယ်။ နှိပ်ပေးရင်း ကျွန်တော် သိချင်တာတွေ မေးခဲ့တယ်။ အဲ့ဒီမှာလုပ်နေရင်းနဲ့ ကျွန်တော် ကွန်ပျူတာအခြေခံသင်တန်းတက်တယ်။ သိချင်တာတွေကိုတော့ ခုနကပြောသလိုကျွမ်းကျင်တဲ့အစ်မတွေကို အောက်ခြေသိမ်းလုပ်ပေးရင် ကျွန်တော်သင်ယူခဲ့ရတယ်။
မိတ္တူ ကျွမ်းကျွမ်းကျင်ကျင်တတ်ချင်လို့ မေးပေမယ့် သူက ပညာပြတယ်။ သူလုပ်တာကို ကျွန်တော်ကြည့်နေရင် ကျွန်တော့်ကို မျက်စိလည်အောင် အမျိုးစုံလုပ်ပြတယ်။ နောက်ဆုံးဘာလုပ်ရသလဲဆိုတော့ သူ အလုပ်လုပ်နေရင် ခပ်ဝေးဝေးမှာနေပြီး အဝေးကနေ လှမ်းကြည့်တယ်။ စာကူးစက်လှည့်တာကိုလည်း အဲလိုနည်းနဲ့ ပညာရအောင်ယူတယ်။

ဆိုင်ရှင်က စာရေးကိရိယာဆိုင်ပါ တွဲဖွင့်ထားတော့ တစ်ခါတစ်ခါ အဲ့ဘက်က အရောင်းစာရေးမတွေမလာရင် ကျွန်တော်က သွားပြီး ဈေးရောင်းပေးရတယ်။ (ကျွန်တော် စိတ်မ၀င်စားဆုံးက ဈေးရောင်းရတဲ့အလုပ်)။ ဒါပေမယ့် ကျွန်တော် သည်းခံပြီးလုပ်ပေးတယ်။ ကျွန်တော့်အတွက် ပညာတိုးလာခဲ့တယ်။

နောက်တစ်ခါ သူက လ္ဘက်ရည်ဆိုင်ပါ ဖွင့်ပြန်တယ်။ အဲဒီ လ္ဘက်ရည်ဆိုင်ကိုလည်း ညနေဘက်တွေဆို ကျွန်တော့်ကို လွှတ်တယ်။ ကောင်တာမှာ သွားထိုင်ပေးရတယ်။ ပြီးတော့ တစ်နေကုန်စာ ငွေသိမ်းရတယ်။ လ္ဘက်ရည်ဆိုင်က ၀န်ထမ်းတွေ (မန်နေဂျာမှအပ)ကို သူတို့ကိစ္စတွေကို စီစဉ်ပြောပြပေးရတယ်။ ကျွန်တော် မလုပ်ချင်ဆုံး (လ္ဘက်ရည်ဆိုင် ကောင်တာထိုင်တဲ့)အလုပ်ကို လုပ်ခဲ့ရတယ်။ ဒါပေမယ့် လ္ဘက်ရည်ဆိုင်တစ်ဆိုင်အတွက် စီမံခန့်ခွဲမှု ကျွန်တော်တော်နည်းနည်း နားလည်သွားတယ်။

နောက်ပိုင်းကျတော့ ဆိုင်ရှင်က မိတ္ထူ၊ ကွန်ပျူတာစာစီစာရိုက်၊ စာကူးစက်၊ စာရေးကိရိယာဆိုင်ခွဲ အသစ်ဖွင့်တော့ အဲ့ဒီတစ်ဆိုင်လုံးကို ကျွန်တော့်ကို လုံးဝ ဦးစီးခိုင်းတယ်။ ကျွန်တော့် ကိုယ်ပိုင်ဆိုင်တစ်ခုလိုသတ်မှတ်ပြီး ကျွန်တော် လုပ်ခဲ့တယ်။ နောက် ဆိုင်ခန်းနေရာ နှစ်ပြည့်တော့ ဆိုင်အဟောင်းကိုပဲ တိုးချဲ့ဖွင့်တယ်။ လူတွေလည်း တအားများလာတယ်။ အဲဒီမှာ သူက လ္ဘက်ရည်ဆိုင်ဘက်ကို ကျွန်တော့်ကို လုံးဝဦးစီးပြီးလုပ်ခိုင်းတော့တဲ့အခါ ကျွန်တော့်အတွက် ပညာရမယ့်ကိစ္စရပ်မဟုတ်တာရယ်၊ ကျွန်တော် လုံးဝမလုပ်ချင်ဆုံး အလုပ်ဖြစ်တော့ အဲ့ဒီကနေ ကျွန်တော် အလုပ်ထွက်လိုက်တယ်။ အသက် ၁၆-နှစ်စွန်းစွန်းမှာ စလုပ်ခဲ့တဲ့ လုပ်ငန်းကနေ ၁၈-နှစ် မပြည့်ခင်မှာ အတွေ့အကြုံတွေ အများကြီးရလိုက်တယ်။

အဲဒီအချိန်မှာ တစ်ခြားအလုပ်တစ်ခုရှာရင်း အော့ဖ်ဆက်တစ်ခုမှာ ကွန်ပျူတာစာစီစာရိုက်လုပ်ဖို့ လူလိုတယ် ဆိုတာကြောင့် ဦးလေးကတဆင့် ဆက်သွယ်ပေးလို့ အဲ့ဒီမှာ အလုပ်ဝင်လုပ်ဖြစ်တယ်။ ကိုယ်လုပ်တတ်တာက စာရွက်တွေလောက်ပဲ ရိုက်တတ်တာ။

စာအုပ်ပုံစံတွေ ရိုက်တာကို အဲ့ဒီက ပြပေးတယ်။ ဆိုင်ရှင်ဦးလေးရဲ့သားက ကွန်ပျူတာ ဒီဇိုင်းဆွဲတော့ သူဆွဲရင်ဘေးကနေ  ထိုင်ကြည့်တယ်။ သူကလည်း ပြပေးတယ်။ တစ်ခါတစ်လေ သူမရှိရင် ကျွန်တော် လုပ်တတ်အောင် သင်ပေးတယ်။ နောက် သူက ရန်ကုန်မှာကျောင်းတက်ရတော့ သူကျောင်းသွားတတ်တဲ့အချိန် ကျွန်တော့်ဘာသာ ကျွန်တော် ဒီဇိုင်းဆွဲကြည့်တယ်။ ကျွန်တော်ဆွဲတဲ့ ဒီဇိုင်းကို သူကြည့်ပြီး လိုအပ်တာ သင်ပေးတယ်။ ကျွန်တော့်ရဲ့ ကိုယ်ပိုင်လုပ်ငန်းတစ်ခုလို ကျွန်တော် သဘောထားပြီး လုပ်ခဲ့တယ်။ နောက်ပိုင်း တစ်ဆိုင်လုံးမှာ ကျွန်တော် ဦးဆောင်ပြီးလုပ်ပေးလာရတယ်။ လူသစ်တွေ ၀င်လာရင်လည်း ကျွန်တော်ကပဲ တဆင့် ပြန်သင်ပေးရတယ်။ အဲ့ဒီမှာ လုပ်ရင်း ကျွန်တော်ဝါသနာပါတဲ့ စေတနာ့ဝန်ထမ်းလုပ်ငန်းတွေ၊ စာကြည့်တိုက် ဒီပလိုမာ၊ တခြား သင်တန်းတွေကို ကျွန်တော် အချိန်ပိုင်းညှိပြီး တက်ခဲ့တယ်။

ကျွန်တော့်ကို သူတို့မိသားစုလိုသဘောထားပြီး လုပ်ငန်းတစ်ခုလုံးကို ဦးဆောင်စေခဲ့တယ်။ လုပ်ငန်းတွေကိုလည်း ကျွန်တော်နားလည်ခဲ့တယ်။ နောက်ပိုင်း ကျွန်တော်စေတနာ့ဝန်ထမ်းလုပ်ငန်းတွေလုပ်ရင်း အလုပ်က နားလိုက်တယ်။ ကျွန်တော် အလုပ်က ထွက်ဖို့ ခွင့်တောင်းတော့ ပေးမထွက်ချင်ပေမယ့် ကျွန်တော့်တက်လမ်းအတွက်ဆိုပြီး ဆိုင်ရှင်က ခွင့်ပြုခဲ့တယ်။ ဘယ်အချိန်ဖြစ်ဖြစ် ကျွန်တော့်ကို သူတို့ဆီ ပြန်လာလုပ်ဖို့ပြောတယ်။ အသက် ၁၈-နှစ် မပြည့်ခင် ၀င်ခဲ့တဲ့ အလုပ်မှာ အသက် ၂၅-နှစ်လောက်ထိ လုပ်ခဲ့တယ်။ လူပေါင်းစုံနဲ့ ပြောဆိုပေါင်းသင်းလိုက်ရတာရယ်၊ အလုပ်လုပ်နေရင်း တခြား အဖွဲ့အစည်းတွေမှာပါဝင်ခဲ့တာတွေရယ်ကြောင့် ရလိုက်တဲ့ သင်ခန်းစာတွေ၊ အတွေ့အကြုံတွေ၊ လူ့သဘော လူ့မနောတွေက ဘ၀မှာ တန်ဖိုးမဖြတ်နိုင်အောင်ပါပဲ။

အဲဒီကနေ နားပြီး ၁-နှစ်လောက်အကြာမှာ NGO လောကထဲ ကျွန်တော်ရောက်ခဲ့တယ်။ စစချင်းတော့ အောက်ခြေ၀န်ထမ်း

Outreach worker အနေနဲ့ ၂-နှစ်လုပ်ခဲ့တယ်။ အဲ့ဒီ ၂-နှစ်တာကာလမှာ အလုပ်ကို အောက်ခြေသိမ်းကအစ အကုန် လိုက်လုပ်တယ်။ Project ရဲ့ အကြီးတာဝန်ခံဖြစ်တဲ့ Project Manager(PM) မှ Senior Project Officer(SPO), Junior Project Officer (JPO) တို့ရဲ့ ချစ်ခင်မှုရခဲ့တယ်။ SPO ဆရာမက သူလုပ်တဲ့ကိစ္စမှန်သမျှကို ကျွန်တော့်ကို ကူခိုင်းတယ်။ ကျွန်တော် ကူပေးရတယ်။ Budget Plan တွေက အစကူလုပ်ပေးရတယ်။ အဲဒါတွေ ကျွန်တော် လုပ်တတ်လာတယ်။ JPO ခရီးသွားတဲ့အခါ/ခွင့်ယူတဲ့အခါတွေမှာ JPO ရဲ့ တာဝန်တွေ ကျွန်တော့်ကို လွှဲခဲ့တယ်။ ကျွန်တော် တာဝန်ယူပြီးလုပ်ပေးခဲ့တယ်။ ကိုယ့်တာဝန်မဟုတ်ပေမယ့် ကျွန်တော့်ကို ပေးလာတဲ့တာဝန်ကို ကျွန်တော် အကောင်းဆုံးဖြစ်အောင် လုပ်ခဲ့တယ်။ အဲဒါတွေရဲ့ ရလဒ်က လုပ်ငန်းတွေကို ကျွန်တော် နားလည်လာခဲ့တယ်။ နောက်တခြား NGOကိုထပ်ပြောင်းတဲ့အခါ အလုပ်ဝင်ပြီး မကြာခင် နာဂစ်မုန်တိုင်းဒဏ်ခံခဲ့ရတဲ့ ဒေသတချို့မှာ Team Leader အဖြစ် တာဝန်ပေးခံရတယ်။ နာဂစ်ဒေသမှာ ၁-လလောက် လုပ်ပေးခဲ့ပြီး နောက်ပိုင်း အဖွဲ့ကို ပြန်ရောက်ပြီးချိန်မှာ Team Leader ဖြစ်လာခဲ့တယ်။

အဲဒီ NGO က နားသွားတဲ့အချိန်မှာ တခြား NGO ကို လျှောက်တော့ Program Coordinator (PC) အဖြစ် အလုပ်ဝင်ခဲ့ရ ပြန်တယ်။ PC အနေနဲ့ အလုပ်တွေ အများကြီး လုပ်ခဲ့တယ်။ အလုပ်ထဲမှာ အတိုက်အခိုက်တွေ၊ အတွန်းအကန်တွေ၊ ဖိအားတွေကို ရုန်းကန်ကျော်လွှားရင် community အတွက်ဆိုတဲ့စိတ်နဲ့ အများကြီး လုပ်နိုင်အောင် လုပ်ခဲ့တယ်။ ဘ၀တလျှောက်လုံးမှာ လူတွေအကြောင်း၊ စိတ်ဓါတ် အဆင့်အတန်းမရှိတဲ့ အကြောင်း၊ မနာလို ၀န်တိုစိတ် များတတ်တဲ့အကြောင်း၊ ခွဲခြားဖိနှိပ်မှုတွေရှိတတ်တဲ့စိတ်ဓါတ်တွေအကြောင်း၊ အလွဲသုံးစားမှုတွေကို မရှက်မကြောက် လုပ်တတ်/လုပ်ရဲတဲ့စိတ်ဓါတ်တွေရှိကြတာ ကောင်းကောင်းသိလာခဲ့ရတဲ့ အချိန်ကာလကို ပြပါဆိုရင် ဒီ NGO မှာ လုပ်ခဲ့တဲ့ အချိန်ကာလပေါ့။ သူများ မိုးခါးရေသောက်တာကို လိုက်မသောက်ပဲ ရှောင်နိုင်အောင် ကြိုးစားရင်း၊ ကိုယ့်လည်ပင်း ကြိုးကွင်းစွပ်လာမယ့် ကိစ္စတွေကို မနည်းကြိုးစား ရုန်းကန်ရှောင်ရှားရင်း စိတ်ဓါတ်အဆင့်အတန်းမရှိသူတွေနဲ့ လွတ်ကင်းအောင် ကြိုးစားခဲ့ရတဲ့ အချိန်ကာလက လွတ်မြောက်မှုတစ်ခုမှာ ခံစားရတဲ့ ပီတိက ဘာနဲ့မှ နှိုင်းယှဉ်လို့ မရခဲ့ဘူး။

ဒါပေမယ့် ဘ၀အတွက် သင်ခန်းစာတွေလည်း အများကြီး ရလိုက်ပါတယ်။ အတွေ့အကြုံတွေလည်း အများကြီးရလိုက်ပါတယ်။

ကျွန်တော်ပြောချင်တာကလည်း ဘာပဲလုပ်လုပ် အကောင်းဆုံးဖြစ်အောင်လုပ်ပါလို့ တိုက်တွန်းချင်ပါတယ် ..... ကျွန်တော်လည်း အမြဲတမ်း အဲ့လို ခံယူထားပါတယ်။ ကျွန်တော် မလုပ်ရင် အရှင်းမလုပ်ဘူး။ လုပ်ရင်တော့ အကောင်းဆုံးကို မျှော်လင့်ပြီး အကောင်းဆုံးဖြစ်အောင် လုပ်ပါတယ်။

ဒါကတော့ ၁၉၉၆-ခုနှစ်ကနေ ၂၀၁၂-ခုနှစ်ထိ (၁၆)နှစ်တာ ကာလအတွင်း ကျွန်တော် ကြုံခဲ့ရတဲ့ လုပ်ငန်းခွင် အတွေ့အကြုံပေါ့။ စာရေးပြထားတာထက် အများကြီး အတွေ့အကြုံဆုံခဲ့ပါတယ်။ တစ်ချိန်ချိန်များ ကြုံကြိုက်တိုက်ဆိုင်ရင်တော့ စာပေဟောပြောပွဲတက်ပြီး အတွေ့အကြုံတွေကို မျှဝေချင်ပါသေးတယ်။

* ဘယ်နေရာ ဘယ်ပဲလုပ်ရ လုပ်ရ အကောင်းဆုံးလုပ်ပါဆိုတဲ့ ပို့စ်လေးဖတ်ပြီး ရေးဖြစ်သွားတယ်။