စာကြည့်တိုက် (Library) ဆိုသည်မှာ

စာကြည့်တိုက် (Library) ဆိုသည်မှာ စာအုပ်နှင့် အခြားစာပေပစ္စည်းများကို ဖတ်ရှုအသုံးပြုနိုင်ရန်အတွက် စုဆောင်းထားရှိသော နေရာသာမဟုတ် အသိပညာ ဗဟုသုတများကို ဖြန့်ဖြူးပေးသောနေရာ၊ တနည်း အားဖြင့် ပညာလိုလားသူတို့ မိမိတို့ဘာသာ လွတ်လပ်စွာပညာရှာနိုင်သော လူထုတက္ကသိုလ်တစ်မျိုးဖြစ်သည်။

ဖွဲ့စည်းပျိုးထောင်ရေးနှင့် စီမံခန့်ခွဲရေး ဘာသာရပ်

စာကြည့်တိုက်တစ်ခုဖြစ်ပေါ်လာရန် အရေးကြီးသော အချက်(၅)ချက်
1. Brain (စာကြည့်တိုက်မှူး)
2. Books other related materials (စာအုပ်စာတမ်းများ)
3. Building (အဆောက်အဦး)
4. Budget (ရံပုံငွေ)
5. Borrower / User (စာဖတ်သူ/ငှားသူ)

၁။ စာကြည့်တိုက်မှူး (Brain)

ရှေးယခင်က စာကြည့်တိုက်မှူးကို စာအုပ်ထိန်းမျှသာမြင်တတ်သည်။ မျက်မှောက်ခေတ်တွင်မူ စာကြည့်တိုက်မှူးသည် စာပေပစ္စည်းများကို ထိန်းသိမ်းစောင့်ရှောက်ရုံသာမက စာကြည့်တိုက် တိုးတက်ဖွံ့ဖြိုးအောင် ဆောင်ရွက်ရမည့်အပိုင်းမှ ပါဝင်သည်။ စာဖတ်သူတို့သိလိုသော အကြောင်းအရာများကို ကူညီရှာဖွေပေးနိုင်သူ (သို့မဟုတ်) မည်သည့်နေရာတွင်ရှိသည်ကို ဖြန့်ဝေပေးသူ ဖြစ်ရမည်။

စာကြည့်တိုက်မှူးနှင့် စာကြည့်တိုက်ဝန်ထမ်းများသည် အောက်ပါအရည်အချင်းများနှင့် အပြည့်အ၀မဟုတ်သော်လည်း အတတ်နိုင်ဆုံး ပြည့်စုံသူဖြစ်ရမည်။
(၁) ပေါင်းသင်းဆက်ဆံရေးပြေပြစ်ကောင်းမွန်ခြင်း။
(၂) သည်းခံ၍စိတ်ရှည်ကာ အနွံတာခံနိုင်ခြင်း။
(၃) လုံ့လ၀ီရိယရှိခြင်း။
(၄) လူမှုဝန်ထမ်းစိတ်ရှိခြင်း။
(၅) စာပေ၀ါသနာပါခြင်း။
(၆) တီထွင်ကြံဆတတ်သောစိတ်ရှိခြင်း။
(၇) ပညာဗဟုသုတရှာမီးလိုစိတ်ရှိခြင်း။
(၈) ခေါင်းဆောင်လိုစိတ်ရှိခြင်း။
(၉) စီမံခန့်ခွဲအုပ်ချုပ်ရာတွင် ကျွမ်းကျင်ခြင်း၊ ညွှန်ကြားပြသတတ်ခြင်း။
(၁၀) အများအကျိုးအတွက် စေတနာနှင့်ဆောင်ရွက်လိုစိတ်ရှိခြင်း။
(၁၁) လိုအပ်သောအကူအညီကို အချိန်မရွေးပေးလိုစိတ်ရှိခြင်း။
(၁၂) မည်သည့်အခက်အခဲနှင့် မေးခွန်းမျိုးကိုမဆို ရင်ဆိုင်ဖြေရှင်းဝံ့သောသတ္တိရှိခြင်း။
(၁၃) လုပ်ငန်းအောင်မြင်ရေးအတွက် အမှန်တရားကိုရှေ့ရှု၍ နိုးကြားတက်<ကစိတ်ရှိခြင်း။
(၁၄) မာနမထောင်လွှားပဲ ကိုယ့်ကိုကိုယ်နှိမ့်ချခြင်း။
(၁၅) အလုပ်ကိုမြတ်နိုး၍ စိတ်ဝင်စားမှုရှိခြင်း။
(၁၆) ခေတ်နှင့်အမီ ဗဟုသုတ<ကယ်ဝခြင်း။
(၁၇) ဒေသ၀န်းကျင်၏အခြေအနေ၊ စာဖတ်သူတို့၏အရိပ်အကဲကို လိမ္မာပါးနပ်စွာ ဝေဖန်သုံးသပ်နိုင်ခြင်း။

၂။ စာအုပ်စာတမ်းများ (Books and others related materials)

စာအုပ်၊ စာရွက်စာတမ်း၊ လက်ရေးမူ၊ ပေ၊ ပုရပိုက်၊ မင်စာ၊ မိုက်ခရိုဖလင်လိပ်၊ ဖလင်ပြား၊ CD များ၊ ကွန်ပျူတာများ။

၃။ အဆောက်အဦး (Building)

စာအုပ်စာတမ်းများ၊ စာပေနှင့်ဆိုင်သောခေတ်ပေါ် နူနခအမသညငခ ပစ္စည်းများကို လုံခြုံစိတ်ချစွာသိုမှီးထားရှိသည့်နေရာ ဖြစ်သည်။ အဆောက်အဦးသည် မိမိစာကြည့်တိုက်အနေအထား၊ စာအုပ်စာတမ်းအရေအတွက်နှင့် လိုက်လျောညီထွေ ဖြစ်အောင် ညှိနှိုင်းပြီး ဆောက်လုပ်ရမည်။ လေ၀င်လေထွက်၊ အလင်းရောင်ကောင်းစွာရရှိသည့်အပြင် ထပ်မံတိုးပွားလာမည့် စာအုပ်အရေ အတွက်ပါ ထည့်သွင်းစဉ်းစားပြီး လုပ်ဆောင်ရမည်။

၎။ ရံပုံငွေ (Budget)

စာကြည့်တိုက် ရေရှည်တည်တံ့နိုင်ရန်အတွက် ရံပုံငွေသည် အဓိကအရေးကြီးပါသည်။ စာကြည့်တိုက်၊ စာအုပ်စာတမ်း များနှင့် အခြားပစ္စည်းများ အမြဲတမ်း ခေတ်မီတိုးတက်စေရန်အတွက် သင့်တင့်မျှတသည့် ရံပုံငွေရှိရန်လိုအပ်သည်။

၅။ စာဖတ်သူ/စာငှားသူ (Borrowers/Users)

ကျောင်းသား/သူများ၊ ဆရာ/မများ၊ သုတေသနပြုသူများ၊ စာပေလိုက်စားသူများဖြစ်ပါသည်။

စာကြည့်တိုက်တစ်ခုတည်ထောင်ရန် လိုအပ်သောအချက်များ
(၁) ရည်ရွယ်ချက်
(၂) စာကြည့်တိုက်ကော်မတီ
(၃) ဖွဲ့စည်းပုံဇယား
(၄) ၀န်ထမ်းဦးရေနှင့် ခွဲဝေသတ်မှတ်ပေးမည့် တာဝန်ဝတ္တရားများ
(၅) တည်နေရာ
(၆) အဆောက်အအုံကြမ်းပုံစံ
(၇) တည်နေရာ အကျယ်အ၀န်း
(၈) ပရိဘောဂ
(၉) မှတ်ပုံတင်ခြင်း

တိုက်ပိုင်စာရင်းသွင်းခြင်း

စာအုပ်များကို တံဆိပ်ရိုက်နှိပ်ပြီးသောအခါ တိုက်ပိုင်စာရင်းသွင်းရမည်။ တိုက်ပိုင်စာရင်းသည် စာကြည့်တိုက်ဝင် ပစ္စည်းစာရင်း (Inventory)သဘောဖြစ်သည်။ တိုက်ပိုင်စာရင်း၌ စာအုပ်အကြောင်းအချက်စုံလင်အောင်သွင်းလေ့ရှိကြသည်။

တိုက်ပိုင် စာရင်းစာအုပ်တွင်ပါဝင်သည့်အချက်အလက်များမှာ -
၁။ တိုက်ပိုင်အမှတ် (၀၀၀၁၊ ၀၀၀၂၊ ၀၀၀၃၊ …………)
၂။ နေ့စွဲ (စာရင်းသွင်းနေ့စွဲ)
၃။ စာရေးသူအမည် (စာအုပ်ရေးသားသူ)
၎။ စာအုပ်အမည် (စာအုပ်အမည်)
၅။ ထုတ်ဝေသူအမည် (ပုဂ္ဂိုလ်/စာအုပ်တိုက်)
၆။ ထုတ်ဝေသည့်အကြိမ် (ပ-ကြိမ်/ဒု-ကြိမ်)
၇။ ထုတ်ဝေသည့် ခုနှစ် (စာအုပ်ပါ ထုတ်ဝေခုနှစ်)
၈။ တန်ဖိုး (စာအုပ်တန်ဖိုး)
၉။ မျိုးတူစုအမှတ်
၁၀။ မည်ကဲ့သို့ ရရှိသည် (၀ယ်သည်/လက်ဆောင်ရ/လှူသည်/လဲလှယ်သည်)
၁၁။ မှတ်ချက် (ပြေစာအမှတ်/လဲလှယ်ယူသော စာအုပ်၊ ပေးသူ၊ စာအုပ်ပျောက်/ပျက်၊ လျော်)
တိုက်ပိုင်စာရင်းအတွက် မှတ်ပုံတင်စာအုပ် (၁)အုပ်လိုပေသည်။

မျုိုးတူစုလုပ်ငန်းဘာသာရပ်

မျိုးတူစုပြုခြင်းဆိုသည်မှာ သက်ရှိသက်မဲ့ အရာဝတ္ထုများကို အမျိုးအစားအလိုက် အမျိုးမတူသောအရာများကို ခွဲခြား ရွေးထုတ်ပြီး အမျိုးအစားတူညီသည့်အရာခြင်း စုပေါင်းထားရှိခြင်းပင်ဖြစ်သည်။ မျိုးတူစုပြုခြင်းဖြင့် စာကြည့်တိုက်ရှိ များပြား လှသော စာအုပ်စာတမ်းများကို အလွယ်တကူရှာဖွေနိုင်ရန် စနစ်တကျသိမ်းဆည်းထားခြင်းဖြစ်သည်။ မျိုးတူစုပြုခြင်းမရှိပါက မည်သည့်စာကြည့်တိုက်မှ စည်းစနစ်ကျနစွာမတည်ထောင်နိုင်ပေ။

မျိုးတူစု အခြေခံပညာရပ်(၁၀)မျိုး
၀၀၀ အထွေထွေ
၁၀၀ ဒဿနိကဗေဒနှင့်စိတ်ပညာ
၂၀၀ အယူဝါဒ
၃၀၀ လူမှုရေးသိပ္ပံ
၄၀၀ ဘာသာစကား
၅၀၀ သဘာဝသိပ္ပံပညာနှင့်သင်္ချာ
၆၀၀ အသုံးချသိပ္ပံ
၇၀၀ အနုပညာရပ်များ
၈၀၀ စာပေနှင့်စာစပ်နည်း၊ စာစီကုံးနည်း
၉၀၀ ပထ၀ီပညာနှင့်သမိုင်း

ကတ်တလောက်(စင်တင်ကတ်ပြား)လုပ်ငန်းဘာသာရပ်

ကတ်တလောက်ပြုလုပ်ခြင်းဆိုသည်မှာ စာကြည့်တိုက်ရှိ စာအုပ်စာတမ်းစာရင်းပြုလုပ်ခြင်းပင်ဖြစ်သည်။ တိုက်ပိုင် စာရင်း သွင်းသောစာအုပ်များကို စနစ်တကျစာရင်းပြုလုပ်ထားခြင်းဖြင့် စာအုပ်မည်မျှများပြားစေကာမူ မိမိဖတ်လိုသော စာအုပ်ကို အလွယ် တကူရှာဖွေနိုင်သည်။
ကတ်ပြားအမျိုးအစားများမှာ (၁) စာရေးသူကတ်ပြား၊ (၂) စာအုပ်အမည်ကတ်ပြား၊ (၃) ပညာရပ်ကတ်ပြား၊ (၄) စင် ကတ်ပြား၊ (၅) အညွှန်းကတ်ပြား တို့ဖြစ်သည်။

ကတ်တလောက်တွင်ပါဝင်သောအချက်များ

၁။ စာရေးသူအမည်
၂။ စာအုပ်အမည်၊ စာအုပ်အမည်နှင့်ဆိုင်သောအခြားအချက်များ
၃။ အဓိကစာရေးသူများနှင့် အခြားတာဝန်ရှိသူများဖြစ်ကြသည့် တည်းဖြတ်သူ၊ စီစဉ်သူ၊ ဘာသာပြန်သူရှိလျှင် ဖော်ပြရန်
၎။ တည်းဖြတ်ခြင်းအကြိမ်
၅။ ပုံနှိပ်ထုတ်ဝေသည့်နေရာ(မြို့)
၆။ ပုံနှိပ်ထုတ်ဝေသူ(စာအုပ်တိုက်)
၇။ ပုံနှိပ်ထုတ်ဝေသည့်ခုနှစ်
၈။ စာမျက်နှာအရေအတွက် (သို့) အုပ်တွဲရေ
၉။ ပုံပါလျှင်ဖော်ပြခြင်း
၁၀။ စာစဉ်အမည်နှင့်အမှတ်
၁၁။ အခြားမှတ်ချက်များ
၁၂။ မျိုးတူစုအမှတ်
၁၃။ စာရေးသူအမည်တို
၁၄။ တိုက်ပိုင်အမှတ်
၁၅။ ခြေရာကောက်များ

စာအုပ်ငှားရမ်းခြင်းစံနစ်

စာကြည့်တိုက်များသည် စာအုပ်ငှားရမ်းခြင်းစနစ်အမျိုးမျိုးကို အသုံးပြုကြသည်။ အငှားမှတ်တမ်းပြုစနစ်ကို ရွေးချယ်ရာ၌ စာအုပ်ငှားရမ်းရာနှင့်ပြန်အပ်သည်ကိုလက်ခံရာ၌ လျှင်မြန်လွယ်ကူသောစနစ်ဖြစ်သင့်ပေသည်။ အမှားနည်း နိုင်သောစနစ်လည်း ဖြစ်ရမည်။ ထို့အတူ ဈေးလည်းသက်သာ အလွယ်တကူရနိုင်သောစနစ်လည်းဖြစ်ရမည်။
(၁) ဓါတ်ပုံရိုက်၍ငှားရသောစနစ်
(၂) အပေါက်ကလေးများပတ်ပတ်လည်ဖောက်ထားသောကတ်ပြားဖြင့်ဌားသောစနစ်
(၃) စာအုပ်တစ်အုပ်တွင် ငှားသည့်နေ့စွဲ၊ ငှားသူအမည်၊ လိပ်စာ၊ ငှားသော စာအုပ်အမည်နှင့် ငှားသူလက်မှတ် စသည်တို့ဖြင့် မှတ်သားငှားရမ်းသောစနစ်
(၄) နယူးဝပ်စာငှားစနစ် (စာကြည့်တိုက်မှူး၏ ဗကအ့သါ် ဖြင့်ငှားရမ်းခြင်း)
(၅) ဘရောင်းစာငှားစနစ်
စာငှားစနစ်ကောင်းမွန်မှသာ မည်သူတို့သည် မည်သည့်စာအုပ်ကိုငှားရမ်း၍ ပြန်အပ်ရန် ရက်လွန်နေပြီဖြစ်ကြောင်းကို လည်းကောင်း၊ စာအုပ်တစ်အုပ်သည် ငှားသူထံ၌ရှိသလား၊ စာကြည့်တိုက်အတွင်း၌ပင်ရှိသလားဟူသောအချက်ကို ရှာဖွေစစ်ဆေး ရာ၌လည်းကောင်း၊ မိမိစာကြည့်တိုက်မှ စာဖတ်ပရိတ်သတ်သည် မည်သည့်စာအုပ်များကို စိတ်ဝင်စားသည်၊ ယခင်က မည်သည့် စာအုပ်အမျိုးအစား၌စိတ်ဝင်စားသည်ဟူသော စိတ်ဝင်စားမှုအပြောင်းအလဲကိုလေ့လာရာ၌လည်းကောင်း၊ အထောက်အကူပြုပေ မည်။ စာအုပ်ငှားရာတွင် လွယ်ကူလျှင်မြန်စေရန်ရည်ရွယ်၍ စာငှားစနစ်ကို ချရပေမည်။
ယခုအခါ မြန်မာနိုင်ငံတွင် အသုံးများလာသောစာငှားစနစ်မှာ နယူးဝပ်စာငှားစနစ်နှင့် ဘရောင်းစာငှားစနစ်တို့ဖြစ်ပါ သည်။ စာငှားစနစ်တွင် အသုံးပြုရန်လိုအပ်သောပစ္စည်းများမှာ (၁) လျှောက်လွှာ Files (၂) စာငှားကတ်ပြား၊ (၃) စာအုပ်ကတ်၊ (၄) ပြန်ပေးရမည့်ရက်စွဲပုံစံ၊ (၅) စာအုပ်အိတ်၊ (၆) ရက်စွဲတံဆိပ်တုံး၊ (၇) ရက်စွဲအညွှန်းကတ်ပြား၊ (၈) ရက်လွန်ကြေးပြေစာ စာအုပ်၊ (၉) စာအုပ်ငှားမှတ်တမ်း၊ (၁၀) ရက်လွန်စာအုပ်မှတ်တမ်း တို့ဖြစ်သည်။

စာအုပ်ငှားစစ်တမ်းကောက်ယူခြင်း

စာဖတ်ပရိသတ်စိတ်ဝင်စားမှုကို သိရှိရန်နှင့် စာအုပ်စာငှားလုပ်ငန်း စနစ်တကျရှိစေရန် စာအုပ်ငှားစစ်တမ်း ကောက်ယူလေ့ရှိကြသည်။ တစ်နေ့တာငှားရမည့်ရက်စွဲအောက်၌ ပညာရပ်အမှတ်အလိုက်စီပါသည်။ ထို့နောက် တစ်နေ့တာ ငှားရမ်းရသော စာအုပ်များကို ပညာရပ်အလိုက် စာရင်းရေးမှတ်ပြီး ပေါင်းကြည့်ရပါမည်။ ဤနည်းဖြင့် တစ်နှစ်တာကာလ အတွင်း မည်သည့်ပညာရပ် အမျိုးအစားကို မည်မျှငှားရသနည်းဟု ဆန်းစစ်သိရှိနိုင်ပါသည်။

စာအုပ်ငှားမှတ်တမ်းပုံစံ

စာအုပ်များကို သတ်မှတ်ရက်အတိုင်း ငှားထားရာမှ ပြန်ပေးရမည့်ရက်စေ့ပြီးနောက် ပြန်အပ်ခြင်းမရှိသော စာအုပ် များကို စာငှားဌာနမှတဆင့် ရက်လွန်စာအုပ်ကတ်ပြားကို စုဆောင်းထားရပါမည်။ ထိုရက်လွန်ကတ်ပြားများကို မူလ စာအုပ်ငှားထားသော စနစ်အတိုင်းစီထားရပါမည်။ ရက်လွန်စာဌာနစိပ်ဟူ၍ သီးခြားထားသင့်ပါသည်။ စာငှားဌာနမှပေးပို့သော စာအုပ်ကတ်များကိုလည်း မပျောက်ပျက်ရအောင် စာရင်းဇယားနှင့် ထားရှိရပါမည်။

နေ့စဉ်ရက်လွန်စာအုပ်မှတ်တမ်း (နှိုးဆော်ခြင်း)

စာအုပ်များကိုငှားယူပြီး ပြန်အပ်ချိန်တွင် ပြန်မအပ်ပါက နှိုးဆော်စာ ပေးပို့ရပါမည်။ စာအုပ်ပြန်မအပ်သော ရက်(၇)ရက် လွန်သွားသော ပထမနှိုးဆော်စာပို့ရပါမည်။ ထိုနှိုးဆော်စာပို့၍ ရက်သတ္တပတ်(၂)ပတ်ကြာ၍မှ ပြန်မအပ်သေးလျှင် ဒုတိယအကြိမ် နှိုးဆော်စာပို့ရပါမည်။ အကယ်၍ ဒုတိယနှိုးဆော်စာပို့ပြီး (၂)ပတ်အတွင်း ပြန်မအပ်သေးလျှင် ထောက်ခံသူထံ တိုင်ကြားရန် ဖြစ်ပါသည်။ ရက်လွန်စာအုပ်များ မဆုံးရှုံးစေရန်အတွက် ဂရုပြု၍ နှိုးဆော်သင့်ပါသည်။ ရက်လွန်စာအုပ်များ များသည်ထက် များလာလျှင် စာကြည့်တိုက်တစ်ခု၏ ရေရှည်တည်တံ့ရေးကိုပင် ထိခိုက်စေနိုင်သည်။

ဘရောင်းစာငှားစနစ်

စာအုပ်ငှားရမ်းခွင့်လက်မှတ်ရထားသူသည် မိမိကြိုက်နှစ်သက်ရာစာအုပ်များကို စာအုပ်စင်များပေါ်မှ ရွေးချယ်၍သော် လည်းကောင်း၊ ကတ်တလောက်မှတဆင့်ရွေးချယ်၍သော်လည်းကောင်း ရရှိနိုင်ပေသည်။ စာငှားဌာနတွင် စာအုပ်နှင့်စာအုပ် ငှားရမ်းခွင့်လက်မှတ်ကို တစ်ပါတည်းပေးအပ်ရပါမည်။ ထိုအခါ စာငှားဌာနမှ စာအုပ်အိတ်ထဲမှစာအုပ်ကတ်ကို ထုတ်ယူပြီး ငှားသူအမည်နှင့် ကတ်အမှတ်ကို ရေးရပါမည်။ ပြန်ပေးရမည့်ရက်စွဲတွင်လည်းကောင်း၊ စာအုပ်ကတ်တွင်လည်းကောင်း ပြန်ပေးရမည့်ရက်စွဲကို ရိုက်နှိပ်ရပါမည်။ စာအုပ်အား စာငှားသူထံပေးအပ်ပြီး စာငှားကတ်အား စာကြည့်တိုက်၌ သိမ်းထားရပါ မည်။ တစ်နေ့တာငှားရမ်း ရသော စာအုပ်ကတ်များကို ရက်စွဲအလိုက် စီနိုင်ပါသည်။ ရက်စွဲနောက်တွင် မျိုးတူစု မှတ်အလိုက် စီရပါမည်။ စာအုပ်များ ပြန်အပ်လျှင် ပြန်အပ်သည့်စာအုပ်၏ကတ်ကို ရှာဖွေပြီး စာအုပ်အိတ်ထဲသို့ထည့်ရမည်။ စာငှားကတ်ကို စာငှားသူအား ပြန်ပေးရပါမည်။ ဤစာငှားစနစ်များသည် ငှားရမ်းရာ၌မြန်ခြင်း၊ ပြန်အပ်ရာ၌ အလွယ်တကူ ရှာဖွေပေးနိုင်ခြင်း နှင့် စာအုပ်ရက်လွန်နေခြင်းကို သိရှိနိုင်ပါသည်။

နယူးဝပ်စာငှားစနစ် (ကတ်တစ်ခုတည်းဖြင့် လိုသလောက်ငှားနိုင်)

စာငှားသူသည် ဖတ်ရှုပြီးသောစာအုပ်များကို ပြန်လည်ဆန်းစစ်နိုင်သည်။ အသင်းဝင်ကတ်တစ်ကတ်ဖြင့်သာ ငှားနိုင်သည်။ သို့ရာတွင် စာအုပ်ကိုငှားပြီးသော် အသင်းဝင်ကတ်ကို စာငှားသူအား ပြန်ပေးလိုက်သဖြင့် စာဖတ်သူတို့အမျိုးမျိုး ခြယ်လှယ်နိုင် သည်။ စာအုပ်မအပ်ရသေးဘဲ အပ်ပြီးပြီဟုလိမ်နိုင်သည်။ ကတ်မကြာခဏပျောက်၍ အဖန်တလဲလဲထုတ်ယူခြင်း၊ ပြန်အပ်ပြီးနေရာတွင် ပြင်ပမှတံဆိပ်များကိုရိုက်နှိပ်ပြီး ပြန်အပ်ပြီးပြီဟု အငြင်းပွားခြင်း၊ စာအုပ်ကတ်များထည့်ရာတွင် နောက်မှ ထည့်သည်ဖြစ်၍ အမှားများခြင်း၊ ကတ်များကုန်၍ မကြာခဏလဲပေးရခြင်း၊ စာအုပ်ငှားရာတွင် စာအုပ်အမည် ရေးရသည် ဖြစ်၍ အနည်းငယ်ကြန့်ကြာခြင်း၊ စာအုပ်ရက်လွန်နေလျှင် လျှောက်လွှာပုံစံရှာ၍ လိပ်စာရယူခြင်းကြောင့် ကြန့်ကြာခြင်း စသည်တို့ကိုဖြစ်ပေါ်စေပါသည်။

×××××××××××××

စာပေ၀ါသနာရှင်များ မိမိကိုယ်ပိုင် စာကြည့်တိုက်ပြုလုပ်လိုသူများ အဆင်ပြေချောမွေ့စေရန် ရည်ရွယ်၍ Library Diploma တက်ရောက်ခဲ့စဉ်က သင်ကြားခဲ့ရသော သင်ခန်းစာများကို စာတစ်ပုဒ်အဖြစ် ပြောင်းလဲရေးသားခြင်းဖြစ်ပါသည်။