နားလည်မှုလွဲတယ်ဆိုတာ ဘာကြောင့် ဖြစ်တာလဲ ……..
ဒီရက်ပိုင်းအတွင်း ကျွန်မစဉ်းစားကြည့်မိနေတာလေးတစ်ခုရှိတယ် ….
ကျွန်မတို့တွေ တစ်ဦးနဲ့တစ်ဦး တစ်ယောက်နဲ့တစ်ယောက် နားလည်မှုလွဲကြတယ်။ အဲလို နားလည်မှုလွဲကြရာကနေ တစ်ယောက်နဲ့တစ်ယောက် အဆင်မပြေမှုတွေ၊ အမြင်မကြည်မှုတွေ၊ စိတ်ဝမ်းကွဲမှုတွေဖြစ်လာတယ်။ ဘာကြောင့် ဒီလို ဖြစ်လာရတာလဲ။ အခြားသူတွေစဉ်းစားရင် ဘယ်လိုအဖြေထွက်လာမလဲတော့ ကျွန်မ ပြန်မတွေးမိဘူး။ ကျွန်မရဲ့ ရှုထောင့်ကျွန်မကိုယ်တိုင်နေရာကနေ သေချာစဉ်းစားကြည့်လိုက်တော့မှ ရေးရေးလေးအဖြေထွက်လာတယ်။ အဲဒါက ဘာလဲဆိုတော့ ….. ‘ပွင့်လင်းမှု’ပါ။
ကျွန်မတို့တွေ တစ်ယောက်နဲ့တစ်ယောက် ပွင့်လင်းမှုမရှိကြလို့သာ နားလည်မှုလွဲတယ်ဆိုတာ ဖြစ်လာတာပါ။ ဒါဆို ပွင့်လင်းမှုဆိုတာ ဘာလဲ။ ကိုယ်ဘာပဲလုပ်လုပ် တခြားသူကို အစအဆုံး ‘ကကြီးကနေ အ-အထိ ၏၊ သည် မရွေး’ ပြောပြတာလား။ အဲဒါလည်း မဟုတ်သေးဘူး။ ကိုယ့်ရဲ့ ကိုယ်ရေးကိုယ်တာအကြောင်းကို လူတစ်ဦးတစ်ယောက် ဒါမှမဟုတ် လူတကာကို လိုက်ပြောပြတာကိုလည်း ပွင့်လင်းမှုလို့ မခေါ်နိုင်ပြန်ဘူး။ ဒါဆို ဘာလဲ …………. ‘ပွင့်လင်းမှု …. ပွင့်လင်းမှု ….. နားလည်မှုလွဲကြတာကို မဖြစ်စေတဲ့ ပွင့်လင်းမှု ……. ဘာလဲ ….. ပွင့်လင်းမှု’ …… ကျွန်မ သိလိုက်ပါပြီ။
တစ်ဦးနဲ့တစ်ဦး စိတ်ထဲမှာ မရှင်းလင်းတာရှိလာရင် ဖွင့်ပြော၊ ဖွင့်ဆွေးနွေးမှု မရှိကြတာ။ အဲဒါက ကျွန်မ စဉ်းစားတဲ့ ပွင့်လင်းမှုရဲ့ အဖြေပါ။ တစ်ဦးနဲ့တစ်ဦး ပွင့်ပွင့်လင်းလင်းဖွင့်ပြော ဖွင့်ဆွေးနွေးရာမှာ အားနည်းတတ်ကြတဲ့ ကျွန်မတို့လူသားတော်တော်များရဲ့ စိတ်ကြောင့် အချင်းချင်း ပွင့်လင်းမှုမရှိတော့တာပါ။ [ဥပမာ - လူ ၂-ယောက် တစ်ယောက်နဲ့တစ်ယောက် စိတ်ထဲမှာမရှင်းလင်းတာကို အဲဒီသူကို တိုက်ရိုက်မပြောမိပဲ အခြားတစ်ယောက်ကို ပြောပြလိုက်တာမျိုး။ (သူ့အနေနဲ့ စိတ်ထဲခံစားရတဲ့အကြောင်း ကြားလူကို ရင်ဖွင့်လိုက်တာမျိုးလည်း ဖြစ်နိုင်ပါတယ်။) ဒီတော့ သူက ဒီလူ နှစ်ယောက် အဆင်ပြေစေဖို့ ပါဝင်ပေးလိုက်တဲ့အခါမျိုးမှာ …. တိုက်ရိုက်သက်ဆိုင်သူအနေနဲ့ စိတ်ထဲမှာ ငါ့ကို ပွင့်ပွင့်လင်းလင်းပြောလို့ရသားနဲ့ ငါ့ကိုတော့မပြောဘူး။ သူ့ကိုကျ ဘာလို့ သွားပြောတာလဲဆိုတဲ့အတွေးမျိုးဝင်သွားတတ်ပါတယ်။ (ကျွန်မတို့တွေ သာမန်အချိန်တွေမှာ အဲလိုအတွေးမျိုးကို ဖြေဖျောက်ကောင်းဖြေဖျောက်နိုင်ကြလိမ့်မယ်။ ဒါပေမယ့် အခြားသောအကြောင်းတွေကြောင့် စိတ်ဖိစီးမှုတစ်စုံတစ်ရာရှိနေကြတဲ့အချိန်မှာ လူ့စိတ်ဟာ မကြည်မလင်ဖြစ်နေတတ်ပါတယ်။ အဲလို အချိန်မျိုးနဲ့ ခုနကလို အချိန်မျိုး ကြုံကြိုက်သွားပြီဆိုရင် ကျွန်မတို့ရဲ့ အတွေးစိတ်ဟာ ဟိုး အဆုံးစွန်ထိ လွတ်ထွက်သွားတတ်ကြပါတယ်။)]
အဲဒါကို ကျွန်မတို့ ချက်ချင်းသတိထားမိပြီး မထိန်းသိမ်းလိုက်နိုင်ရင် တစ်ယောက်နဲ့တစ်ယောက် နားလည်မှုလွဲသွားတတ်ကြပါတယ်။ ဒါကြောင့် ကျွန်မတို့တွေကြားမှာ တစ်ယောက်နဲ့တစ်ယောက်ကြားမှာ ဖြစ်ပေါ်လာတဲ့အခြေအနေတိုင်းအတွက် အခြေအနေအလိုက် ပွင့်လင်းမှုရှိကြဖို့လိုပါတယ်။ ငါ ပွင့်ပွင့်လင်းလင်းပြောလိုက်လို့ ငါ့ကို စိတ်ဆိုးသွားမလား၊ စိတ်ခုသွားမလားဆိုတဲ့ အတွေးကို ဖျောက်ပြီး ပွင့်ပွင့်လင်းလင်း နှစ်ဦးနှစ်ဘက်ဆွေးနွေးဖို့လိုပါတယ်။ ပွင့်လင်းစွာဆွေးနွေးပြောဆိုလိုက်လို့ အခင်မင်လုံးဝ ပျက်သွားတာမျိုးလည်းရှိကောင်းရှိလာနိုင်ပါတယ်။ ဒါပေမယ့် အခင်မင်ပျက်သွားမလားဆိုပြီး မဆွေးနွေးတာထက်စာရင် ပွင့်လင်းစွာဆွေးနွေးညှိနှိုင်းလိုက်ခြင်းအားဖြင့်တော့ နှစ်ဦးနှစ်ဘက်အတွက် အကောင်းဆုံး အသင့်တော်ဆုံးသော အခြေအနေတစ်ခု ရရှိလာနိုင်ပါတယ် …………
ဒီတော့ တစ်ယောက်နဲ့တစ်ယောက် နားလည်မှုလွဲတယ်ဆိုတဲ့ အခြေအနေမရောက်အောင်၊ ရောက်မလာအောင် ဖြစ်လာတဲ့အကြောင်းရင်း အခြေအနေအပေါ်မှာ ပွင့်လင်းမှု ရှိကြဖို့အလွန်အရေးကြီးပါတယ်။
ကျွန်မတွေးမိတဲ့အတွေးတစ်စကို မျှဝေလိုက်ခြင်းသက်သက်ပါ ………..
ဒီရက်ပိုင်းအတွင်း ကျွန်မစဉ်းစားကြည့်မိနေတာလေးတစ်ခုရှိတယ် ….
ကျွန်မတို့တွေ တစ်ဦးနဲ့တစ်ဦး တစ်ယောက်နဲ့တစ်ယောက် နားလည်မှုလွဲကြတယ်။ အဲလို နားလည်မှုလွဲကြရာကနေ တစ်ယောက်နဲ့တစ်ယောက် အဆင်မပြေမှုတွေ၊ အမြင်မကြည်မှုတွေ၊ စိတ်ဝမ်းကွဲမှုတွေဖြစ်လာတယ်။ ဘာကြောင့် ဒီလို ဖြစ်လာရတာလဲ။ အခြားသူတွေစဉ်းစားရင် ဘယ်လိုအဖြေထွက်လာမလဲတော့ ကျွန်မ ပြန်မတွေးမိဘူး။ ကျွန်မရဲ့ ရှုထောင့်ကျွန်မကိုယ်တိုင်နေရာကနေ သေချာစဉ်းစားကြည့်လိုက်တော့မှ ရေးရေးလေးအဖြေထွက်လာတယ်။ အဲဒါက ဘာလဲဆိုတော့ ….. ‘ပွင့်လင်းမှု’ပါ။
ကျွန်မတို့တွေ တစ်ယောက်နဲ့တစ်ယောက် ပွင့်လင်းမှုမရှိကြလို့သာ နားလည်မှုလွဲတယ်ဆိုတာ ဖြစ်လာတာပါ။ ဒါဆို ပွင့်လင်းမှုဆိုတာ ဘာလဲ။ ကိုယ်ဘာပဲလုပ်လုပ် တခြားသူကို အစအဆုံး ‘ကကြီးကနေ အ-အထိ ၏၊ သည် မရွေး’ ပြောပြတာလား။ အဲဒါလည်း မဟုတ်သေးဘူး။ ကိုယ့်ရဲ့ ကိုယ်ရေးကိုယ်တာအကြောင်းကို လူတစ်ဦးတစ်ယောက် ဒါမှမဟုတ် လူတကာကို လိုက်ပြောပြတာကိုလည်း ပွင့်လင်းမှုလို့ မခေါ်နိုင်ပြန်ဘူး။ ဒါဆို ဘာလဲ …………. ‘ပွင့်လင်းမှု …. ပွင့်လင်းမှု ….. နားလည်မှုလွဲကြတာကို မဖြစ်စေတဲ့ ပွင့်လင်းမှု ……. ဘာလဲ ….. ပွင့်လင်းမှု’ …… ကျွန်မ သိလိုက်ပါပြီ။
တစ်ဦးနဲ့တစ်ဦး စိတ်ထဲမှာ မရှင်းလင်းတာရှိလာရင် ဖွင့်ပြော၊ ဖွင့်ဆွေးနွေးမှု မရှိကြတာ။ အဲဒါက ကျွန်မ စဉ်းစားတဲ့ ပွင့်လင်းမှုရဲ့ အဖြေပါ။ တစ်ဦးနဲ့တစ်ဦး ပွင့်ပွင့်လင်းလင်းဖွင့်ပြော ဖွင့်ဆွေးနွေးရာမှာ အားနည်းတတ်ကြတဲ့ ကျွန်မတို့လူသားတော်တော်များရဲ့ စိတ်ကြောင့် အချင်းချင်း ပွင့်လင်းမှုမရှိတော့တာပါ။ [ဥပမာ - လူ ၂-ယောက် တစ်ယောက်နဲ့တစ်ယောက် စိတ်ထဲမှာမရှင်းလင်းတာကို အဲဒီသူကို တိုက်ရိုက်မပြောမိပဲ အခြားတစ်ယောက်ကို ပြောပြလိုက်တာမျိုး။ (သူ့အနေနဲ့ စိတ်ထဲခံစားရတဲ့အကြောင်း ကြားလူကို ရင်ဖွင့်လိုက်တာမျိုးလည်း ဖြစ်နိုင်ပါတယ်။) ဒီတော့ သူက ဒီလူ နှစ်ယောက် အဆင်ပြေစေဖို့ ပါဝင်ပေးလိုက်တဲ့အခါမျိုးမှာ …. တိုက်ရိုက်သက်ဆိုင်သူအနေနဲ့ စိတ်ထဲမှာ ငါ့ကို ပွင့်ပွင့်လင်းလင်းပြောလို့ရသားနဲ့ ငါ့ကိုတော့မပြောဘူး။ သူ့ကိုကျ ဘာလို့ သွားပြောတာလဲဆိုတဲ့အတွေးမျိုးဝင်သွားတတ်ပါတယ်။ (ကျွန်မတို့တွေ သာမန်အချိန်တွေမှာ အဲလိုအတွေးမျိုးကို ဖြေဖျောက်ကောင်းဖြေဖျောက်နိုင်ကြလိမ့်မယ်။ ဒါပေမယ့် အခြားသောအကြောင်းတွေကြောင့် စိတ်ဖိစီးမှုတစ်စုံတစ်ရာရှိနေကြတဲ့အချိန်မှာ လူ့စိတ်ဟာ မကြည်မလင်ဖြစ်နေတတ်ပါတယ်။ အဲလို အချိန်မျိုးနဲ့ ခုနကလို အချိန်မျိုး ကြုံကြိုက်သွားပြီဆိုရင် ကျွန်မတို့ရဲ့ အတွေးစိတ်ဟာ ဟိုး အဆုံးစွန်ထိ လွတ်ထွက်သွားတတ်ကြပါတယ်။)]
အဲဒါကို ကျွန်မတို့ ချက်ချင်းသတိထားမိပြီး မထိန်းသိမ်းလိုက်နိုင်ရင် တစ်ယောက်နဲ့တစ်ယောက် နားလည်မှုလွဲသွားတတ်ကြပါတယ်။ ဒါကြောင့် ကျွန်မတို့တွေကြားမှာ တစ်ယောက်နဲ့တစ်ယောက်ကြားမှာ ဖြစ်ပေါ်လာတဲ့အခြေအနေတိုင်းအတွက် အခြေအနေအလိုက် ပွင့်လင်းမှုရှိကြဖို့လိုပါတယ်။ ငါ ပွင့်ပွင့်လင်းလင်းပြောလိုက်လို့ ငါ့ကို စိတ်ဆိုးသွားမလား၊ စိတ်ခုသွားမလားဆိုတဲ့ အတွေးကို ဖျောက်ပြီး ပွင့်ပွင့်လင်းလင်း နှစ်ဦးနှစ်ဘက်ဆွေးနွေးဖို့လိုပါတယ်။ ပွင့်လင်းစွာဆွေးနွေးပြောဆိုလိုက်လို့ အခင်မင်လုံးဝ ပျက်သွားတာမျိုးလည်းရှိကောင်းရှိလာနိုင်ပါတယ်။ ဒါပေမယ့် အခင်မင်ပျက်သွားမလားဆိုပြီး မဆွေးနွေးတာထက်စာရင် ပွင့်လင်းစွာဆွေးနွေးညှိနှိုင်းလိုက်ခြင်းအားဖြင့်တော့ နှစ်ဦးနှစ်ဘက်အတွက် အကောင်းဆုံး အသင့်တော်ဆုံးသော အခြေအနေတစ်ခု ရရှိလာနိုင်ပါတယ် …………
ဒီတော့ တစ်ယောက်နဲ့တစ်ယောက် နားလည်မှုလွဲတယ်ဆိုတဲ့ အခြေအနေမရောက်အောင်၊ ရောက်မလာအောင် ဖြစ်လာတဲ့အကြောင်းရင်း အခြေအနေအပေါ်မှာ ပွင့်လင်းမှု ရှိကြဖို့အလွန်အရေးကြီးပါတယ်။
ကျွန်မတွေးမိတဲ့အတွေးတစ်စကို မျှဝေလိုက်ခြင်းသက်သက်ပါ ………..
No comments:
Post a Comment