ခေါင်းဆောင်၊ ဦးဆောင်သူ နဲ့ အထက်လူ

ဒီခေါင်းစဉ်ပါ အတွေးလေးကို ကျွန်မတို့ဝန်းကျင်မှာ တွေ့မြင်နေကြရလေ့ရှိတဲ့ လူတွေထဲကနေ တွေ့လာတာပါ။ ကျွန်မတို့ဝန်းကျင်မှာ အမြဲမြင်တွေ့နေကြရတဲ့ လူတွေထဲမှာ အများအားဖြင့် ခေါင်းဆောင်နဲ့နောက်လိုက်ဆိုတာ အမြဲသုံးနှုန်းကြပါတယ်။ အဲဒီထဲက နောက်လိုက်ဆိုတာကို ကျွန်မ သိပ်မတွေးမိပါဘူး။ နောက်လိုက်ကောင်းနဲ့ သာမန်နောက်လိုက်ဆိုတာပဲပေါ့။ ခေါင်းဆောင်လို့အများသုံးနေကြတဲ့အမျိုးအစားကို ကျွန်မ ပြန်ခွဲခြားမိတယ်။ ခေါင်းဆောင် …. အများစုက ခေါင်းဆောင်လို့သုံးနေကြတဲ့ စကားလုံး ခေါင်းဆောင်ဆိုရင် အများအားဖြင့် ကျွန်မတို့ ဘာကို မြင်မိကြလဲ။ လုပ်ငန်း၊ အဖွဲ့၊ နေရာတစ်ခုမှာ ထိပ်ဆုံးအဆင့်နေရာမှာ ရှိနေကြသူတွေကို မြင်မိပါတယ်။ ကျွန်မ သေချာပြန်စဉ်းစားကြည့်မိတော့ မတူတဲ့အပိုင်းကို မြင်မိလာတယ်။
ခေါင်းဆောင်လို့ အများစုသုံးနေတဲ့စကားလုံးကို သေချာပြန်ပြီး မြင်အောင်ခွဲကြည့်လိုက်တော့ အထက်လူ၊ ဦးဆောင်သူနဲ့ ခေါင်းဆောင်ဆိုတာကို ကွဲပြားစွာမြင်လာတယ်။ ဒါဆို …

အထက်လူဆိုတာဘာလဲ …. အထက်လူဆိုတာ လုပ်ငန်း၊ အဖွဲ့၊ နေရာတစ်ခုမှာ အများကသဘောတူသည်ဖြစ်စေ၊ မတူသည်ဖြစ်စေ ရာထူးနေရာတစ်ခုအဆင့်မြင့်မြင့်ရရှိထားလို့ အခြားသူတွေထက် ရာထူးတဆင့်မြင့်နေသူ။ (အများအားဖြင့် အလုပ်ရှင်ပုံစံမျိုးပေါ့။) သူများကို လုပ်လိုက်ဆိုတဲ့ပုံစံမျိုးနဲ့ပဲ အမြဲပြောလေ့ရှိတယ်။ အထက်လူက အမြဲတစေ အမိန့်ပေးစေခိုင်းတာမျိုးလုပ်တယ်။ (အားလုံးကို သူ့လက်အောက်ငယ်သားလို သဘောထားတတ်သူ) အထက်လူဟာ ခေါင်းဆောင်မဟုတ်ပါဘူး။



ဦးဆောင်သူဆိုတာကဘာလဲ …. ဦးဆောင်သူဆိုတာ လုပ်ငန်း၊ အဖွဲ့၊ နေရာတစ်ခုမှာ အထက်လူလည်းဖြစ်ချင်နေမယ်၊ နောက်လိုက်တစ်ယောက်လည်းဖြစ်ချင်ဖြစ်နေနိုင်တယ်။ ဒါပေမယ့် ကိစ္စရပ်တစ်ခုကို သူက ဦးဆောင်ပြီး လုပ်ပေးနိုင်တယ်၊ လုပ်ပေးတယ်၊ စိတ်ဓါတ်ရှိသူတစ်ယောက်ပေါ့။ ဦးဆောင်သူဖြစ်လာဖို့ အများက သဘောတူလိုက်တဲ့ ဦးဆောင်သူဖြစ်နိုင်သလို၊ သူကိုယ်တိုင် (ဘာအကြောင်းကြောင့်ဖြစ်ဖြစ်) ဦးဆောင်ချင်လို့ ဇွတ်အတင်းဦးဆောင်နေသူလည်းဖြစ်နေနိုင်တယ်။ အထက်လူအမျိုးအစားကလည်း တစ်ခါတရံမှာ ဦးဆောင်သူ ဖြစ်နေတတ်ပါတယ်။ ဒါပေမယ့် ဦးဆောင်သူဟာ အထက်လူမဟုတ်သလို ခေါင်းဆောင်လည်းမဟုတ်ပြန်ပါဘူး။

ခေါင်းဆောင်ဆိုတာကရောဘာလဲ ….. ခေါင်းဆောင်ဆိုတာကတော့ အများကသဘောတူကြည်ဖြူလို့ သူ့ကို သူ့ရဲ့ဦးစီးဦးရွက် ခေါင်းဆောင်မှုနောက်ကို ကြည်ကြည်ဖြူဖြူ လိုက်ချင်လို့၊ သူ့ရဲ့ ပြည့်ဝတဲ့အရည်အချင်းကြောင့် သူ့ကို ခေါင်းဆောင်တဲ့နေရာမှာထားပြီး အများရဲ့ အားထား ချီးမြှောက်ခြင်းခံထားရသူ။ ဒီလိုလူတွေက ကိုယ်တစ်ယောက်တည်းအတွက်ကို ကြည့်တတ်သူတွေမဟုတ်ပါဘူး။ ကိုယ်ကျိုးထက် အများအကျိုးကို ပိုကြည့်ပြီး ဆောင်ရွက်တတ်သူတွေပါ။ တကယ့်ကို ခေါင်းဆောင်ဆိုတဲ့နာမည်နဲ့ထိုက်တန်တဲ့ သူတွေပေါ့။ (တချို့လည်း ခေါင်းဆောင်ဆိုတဲ့စကားလုံးကို တလွဲသုံးနေကြတာရှိပါတယ်။)

ဒါကတော့ ခေါင်းဆောင်ဆိုတဲ့စကားလုံးကို ကျွန်မ ပြန်ပြီးခွဲခြားမိတာလေးပါ။
နောက်တစ်ခုက အထက်လူပဲဖြစ်ဖြစ်၊ ဦးဆောင်သူပဲဖြစ်ဖြစ်၊ ခေါင်းဆောင်ပဲဖြစ်ဖြစ် ………… သတိထားရမယ့်အချက်လေးပါ။

အထက်လူအမျိုးအစားကို ကျွန်မ ဒီစာမှာ အထူးမပြောချင်ပါဘူး။ သူတို့က အလုပ်ရှင်ပုံစံ နည်းနည်းဆန်တော့ အမိန့်ပေးတဲ့ပုံမျိုးဖြစ်နေတတ်ပါတယ်။ (တစ်ခါတစ်ရံတော့ လိုအပ်လို့အမိန့်ပေးရလေ့ရှိပါတယ်။)
စစ်မှန်တဲ့ အရည်အချင်းရှိတဲ့ ခေါင်းဆောင်တွေကိုလည်း ဒီအချက် ပြောစရာလိုမလိုပါဘူး။ တကယ့် ခေါင်းဆောင်စစ်မှန်ရင် ကိုယ့်ရဲ့အပြုအမူ၊ အပြောအဆိုကြောင့် အများကိုထိခိုက်စေမယ့် စကားအသုံးအနှုန်းမျိုးကို ရှောင်ရှားရမယ်ဆိုတာ သူတို့ကောင်းကောင်း နားလည်သဘောပေါက်ပြီး ရှောင်ရှားပါတယ်။

ဒီတော့ ဦးဆောင်သူတွေမှာ အလွန်သတိထားဖို့လိုအပ်ပါတယ်။ ကိုယ့်ရဲ့စကားလုံးအသုံးအနှုန်းဟာ ကိုယ့်ရဲ့အရိပ်ကို ထင်ဟပ်ပြသနေလေ့ရှိပါတယ်။ အဲဒါကတော့ ကိုယ်ပြောလိုက်တဲ့စကားတစ်ခွန်း၊ ကိုယ်ပြောလိုက်မယ့်စကားတစ်ခွန်းဟာ  ဘယ်အတိုင်းအတာထိရှိတယ်ဆိုတာကို မပြောခင်ကြိုတင်စဉ်းစားပြီးမှ ပြောသင့်ပါတယ်။ ကိုယ်က လူတစ်ယောက်ကို တိုက်ရိုက်ပြောချင်ပေမယ့် အဲဒီတစ်ယောက်ကနေ သွယ်ဝိုက်ပြီး နောက်ထပ်အခြားသူ၊ အခြားသူများ၊ အဖွဲ့အစည်းတစ်ခုခုကို ထိခိုက်သွားနိုင်မယ့်အပြုအမူ အပြောအဆိုမျိုး မပါဝင်အောင် သတိထားပြီး ပြောဆိုသင့်ပါတယ်။ ပြောဆိုရေးသားပြီးမှ မှားသွားလို့ပါ၊ ဆောရီးပါဆိုတဲ့ စကားလုံးက ပြောဆိုရေးသားလိုက်သူအတွက် အဆင်ပြေပေမယ့် …. တစ်ဘက် သူတွေက နားလည်ခွင့်လွှတ်ပေးရင်တောင်မှ သူတို့အတွက် ထိခိုက်ခံလိုက်ရပြီလေ။

ဒီနေ့ခေတ် ကမ္ဘာ့ရွာကြီးဖြစ်လာတဲ့အပေါ်မှာလည်း အပြောအဆို အရေးအသားဟာ အလွန်ကို ဂရုစိုက်ရန် အထူးလိုအပ်မှုတစ်ခုဖြစ်တယ်ဆိုတာ တွေးမိလာတဲ့ အတွေးစလေးတစ်ခုကို ဖွင့်ဟလိုက်ပါတယ် …. ။

ကဲ ….. ကျွန်မတို့တွေကရော ……………..

အထက်လူလား၊ ဦးဆောင်သူလား၊ ခေါင်းဆောင်လား …………….. ? ? ? ? ?

ကျွန်မတို့တွေ နောက်လိုက်တော့ အမြဲတမ်း လုပ်မနေသင့်ပါဘူး …………..
ကိုယ့်ကိုယ်ကိုပြန်သုံးသပ်ကြည့်ကြရအောင် ………… ! ! ! ! ! !
ကျွန်မကိုယ်တိုင်လည်း ခေါင်းဆောင်တစ်ယောက်မဟုတ်သေးပါဘူး။