မန္တလေးမှာ မန်းတောင်ခြေ ဘိုးဘွားရိပ်သာဆိုတာကို ငယ်ငယ်လေးတုန်းက ကြားဖူးခဲ့တယ်။ အဲဒီအချိန်ကတော့ ခံစားချက်ဆိုတာ ဘာမှ မရှိခဲ့မိဘူး။ နောက်ပိုင်း နည်းနည်းလေး တွေးတတ်တဲ့အရွယ်ရောက်တော့ မွတ်စလင်မ် ဘိုးဘွားတွေ အသက်ကြီးလာရင် မန်းတောင်ခြေဘိုးဘွားရိပ်သာမှာပဲ သွားနေကြရမှာ အမြဲတမ်းအတွက်ဆို ကောင်းပါ့မလား။ မွတ်စလင်မ်ဘိုးဘွားရိပ်သာတစ်ခုလောက်ရှိရင် ကောင်းမှာပဲလို့ အတွေးဝင်ခဲ့မိတယ်။
နောက် ၁၉၉၉-ခုနှစ်လောက်မှာ မန္တလေး မြို့သစ်မှာ မွတ်စလင်မ်ဘိုးဘွားရိပ်သာတစ်ခု ဖွင့်ခဲ့ပြီဆိုတာ ကြားသိခဲ့ရတယ်။ ၂၀၀၀-ခုနှစ်မှာ နွေရာသီအစ္စလာမ့်ဗဟုသုတအရရှိရေးအစီအစဉ်လေးကို တက်ရောက်ဖြစ်တော့ အဲဒီကနေ မွတ်စလင်မ်ဘိုးဘွားရိပ်သာကို သွားရောက်လေ့လာခွင့်ရခဲ့တယ်။ ဘိုးဘွားရိပ်သာမှာနေထိုင်တဲ့ အဖိုးအဖွား (ဒါဒါ၊ နာနာ၊ ဒါဒီ၊ နာနီ)တွေနဲ့ စကားတွေပြောခဲ့ကြတယ်။ ကျွန်တော်တို့တွေနဲ့ စကားတွေပြောရတာ အဖိုးအဖွားတွေမှာ ၀မ်းသာပျော်ရွှင်နေကြတယ်။ အဲလိုစကားတွေလာပြောရင် အဖိုးအဖွားတွေ အလွန်ပျော်ကြတယ်လို့ သိခဲ့ရတယ်။
အဲဒီနောက်ပိုင်းမှာတော့ ဘိုးဘွားရိပ်သာကို တစ်ခါတစ်လေပဲ ရောက်ဖြစ်တော့တယ်။ နောက်ပိုင်းမှာ ချမ်းမြသာယာ ဘိုးဘွားရိပ်သာဆိုတဲ့နာမည်ဖြစ်လာတယ်။
၂၀၀၇-ခုနှစ်လောက်ကစပြီး ကျွန်တော် ဘိုးဘွားရိပ်သာရှေ့က ဖြတ်သန်းသွားလာခဲ့ဖူးပေမယ့် ဘိုးဘွားရိပ်သာထဲကို မရောက်ဖြစ်တော့ဘူး။ လွန်ခဲ့တဲ့ ၁-ပတ်ကျော်လောက်က မခိုင်က ဘိုးဘွားရိပ်သာကို သွားချင်တာကြောင့် ဘယ်နားမှာလဲဆိုတာ ကျွန်တော့်ကို လိပ်စာလှမ်းမေးတော့ ဘိုးဘွားရိပ်သာကို မရောက်ဖြစ်တာကြာတဲ့ကျွန်တော် အဲဒီကို သွားဖို့သတိရလာတယ်။ ဒါနဲ့ ဘိုးဘွားရိပ်သာကို ကျွန်တော်နဲ့အတူတူသွားမယ်လို့ မခိုင်ကိုပြောပြီး မနေ့ကတော့ ဘိုးဘွားရိပ်သာကို တစ်ခါ ပြန်ရောက်ဖြစ်ခဲ့ပြန်ပါတယ်။
ဘိုးဘွားရိပ်သာမှာ အခုလောလောဆယ် အဘိုး(၈)ယောက် အဘွား(၁၂)ယောက် စုစုပေါင်း ဘိုးဘွား(၂၀) ရှိပါတယ်။ ဘိုးဘွားရိပ်သာမှာ မှီခိုစရာ သားသမီးမရှိသူများ၊ သားသမီး ရှိသော်လည်း သားသမီးက ဆင်းရဲ နွမ်းပါးလွန်းလှလို့ နေထိုင်ရန်အခက်အခဲဖြစ်နေတဲ့ အဘိုးအဘွားတွေကို အသက်(၆၀)အရွယ်ကစပြီး လက်ခံပါတယ်။ ဘိုးဘွားရိပ်သာမှာနေထိုင်တဲ့ အဘိုးအဘွားတွေဟာ ဆွလာသ်၊ ဇကိရ် အပြည့်အ၀နဲ့ အေးချမ်းသာယာစွာနေထိုင်နိုင်စေရန်လည်း အားလုံး စီစဉ်ပေးထားပါတယ်။ အဘိုးများ ဆွလာသ်ဝတ်ပြုရန်အတွက် ဘိုးဘွားရိပ်သာ ခန်းမဆောင်အဆောက်အဦးအောက်ထပ် ဂျမ္မအသ်ခန်နာမှာ ၀တ်ပြုနိုင်ပြီး၊ အဘွားများအတွက်တော့ အဘွားများနေထိုင်ရာအဆောင်နှင့်ကပ်ရပ် သီးခြားအဆောင်တစ်ခုမှာ ဆွလာသ် ၀တ်ပြုနိုင်ဖို့ စီစဉ်ပေးထားတာကိုလည်း တွေ့ခဲ့ရပါတယ်။
ဟိုးအရင်ကနဲ့မတူ အလွန်ကို ခြားနားသွားပြီဖြစ်တဲ့ ဘိုးဘွားရိပ်သာ ဂျမ္မအသ်ခန်နာနဲ့ ခန်းမဆောင် အဆောက်အဦး၊ ဘိုးဘွားများနေတဲ့အဆောင် တို့ကို ကျွန်တော် မြင်တွေ့ခဲ့ပါတယ်။
 |
| ဂျမ္မအသ်ခန်နာ (ခန်းမဆောင် အောက်ထပ်) |
|
 |
| ၀တ်ပြုဆောင်(အဘွားများအတွက်) |
|
 |
| ၀ိုဇူလုပ်ရန်နေရာ(အဘွားဆောင်) |
|
 |
| ၀ိုဇူလုပ်ရန်နေရာ(အမျိုးသားများအတွက်) |
|
 |
| အဘွားဆောင် |
ကျွန်တော့်သူငယ်ချင်းတွေလည်း မန္တလေးကို ရောက်ခဲ့ရင် “ချမ်းမြသာယာ မွတ်စလင်မ်ဘိုးဘွားရိပ်သာ”ကို တစ်ခါတစ်ခေါက် သွားရောက်လေ့လာသင့်ပါကြောင်း …… ။
September 7, 2009
No comments:
Post a Comment