ခွန်အားသတ္တိတွေညွှန်ပြပေးခဲ့သူ

လွန်ခဲ့တဲ့ ၄-နှစ်နီးပါးလောက်ကတည်းက မဆုံဖြစ်တော့တဲ့ သူငယ်ချင်းတစ်ယောက်နဲ့ လွန်ခဲ့တဲ့ ၃-လကျော်လောက် FB မှာ ဆုံဖြစ်တယ်။ ကျွန်မ ရန်ကုန်မှာ ရောက်နေတာသိရတော့ သူလည်း ၀မ်းသာနေတယ်။ ဒါကြောင့် တစ်ရက်ဆုံကြရအောင်ဆိုပြီး appointment လုပ်ခဲ့ကြတယ်။ ကျွန်မက ခဏခဏ ခရီးသွားနေရတော့ Appointment လုပ်ပြီးတိုင်းလည်း မဆုံဖြစ်ကြဘူး။ ပြီးခဲ့တဲ့ ၁-လ လောက်ကတော့ ကျွန်မ မန္တလေးပြန်မယ်ဆိုတာ ပြောဖြစ်တော့ သူငယ်ချင်းက ကျွန်မ မန္တလေးမပြန်ခင်သူနဲ့ဆုံဖို့ အချိန်ပေးပါဆိုတာနဲ့ ဒီနေ့တော့ ကျွန်မတို့ ဆုံဖြစ်လိုက်ကြတယ်။ သူငယ်ချင်းက သူ့အလုပ်(ရုံး)ဆီ လာလည်ဖို့ခေါ်တာကြောင့် သူနဲ့ကျွန်မ ဆုံပြီးတော့ သူ့ရုံးကိုသွားလည်လိုက်တယ်။

ဟိုရောက်တော့မှ ကျွန်မ တော်တော်အေး အံ့သြမိခဲ့တယ်။ သူ့လုပ်တဲ့ရုံးက Disable (မသန်စွမ်း)တွေ အတွက် အဓိက ဦးစားပေးလုပ်ဆောင်ပေးနေတဲ့ Foundation လေးတစ်ခုဖြစ်နေတယ်။ သူက သူ့ရုံးခန်းလေးဆီထိ ခေါ်သွားတယ်။ ကျွန်မလည်း သူ့ရုံးခန်းထဲတစ်ချက်လှမ်းကြည့်လိုက်တယ်ဆိုရင် … ဂျိုင်းထောက်လေးအားပြုပြီးရပ်နေတဲ့ ကောင်မလေးတစ်ယောက်က Calculator ကို တဖြတ်ဖြတ်နှိပ်ရင်း ဂဏန်းတွေပေါင်းနေတာ တွေ့ရတယ်။ ဒါနဲ့ သူငယ်ချင်းက မိတ်ဆက်ပေးတယ်။ ညီမရေ .. ဒါက အစ်မသူငယ်ချင်း၊ သူငယ်ချင်း သူက ဒီက စာရင်းကိုင်ညီမလေးလေတဲ့။ ကျွန်မတို့လည်း အသိအမှတ်ပြုပြုံးပြကြပြီး သူလည်းသူ့အလုပ်သူဆက်လုပ်နေတယ်။ ခဏနေ တစ်ယောက်ပြီးတစ်ယောက် ၀င်လာကြတာကို တွေ့ရတယ်။ အများစုက Disable တွေဖြစ်ကြတယ်။ Disable တွေဖြစ်ကြပေမယ့်၊ မသန်ပေမယ့်လည်း စွမ်းနေကြသူတွေပါပဲ။



နောက်တော့ ကျွန်မလည်း တစ်ဘက်ကို လှည့်ကြည့်လိုက်တော့ ကောင်မလေးပုပုလေးတစ်ယောက် ကွန်ပျူတာရှေ့မှာထိုင်နေပြီး ဘေးမှာ ကောင်လေးတစ်ယောက်နဲ့ ကောင်မလေးတစ်ယောက်အတူတူထိုင် ဓါတ်ပုံတွေကြည့်ပြီး ရွေးနေကြတယ်။ ပထမတော့ ကျွန်မသေချာသတိမထားမိဘူး။ ကွန်ပျူတာရှေ့ထိုင်နေတဲ့ကောင်မလေးက ရှေ့ကိုနည်းနည်းတိုးပြီး mouse ကို လှမ်းဖိပြီး တွန်းရွေှ့နေမှ ကျွန်မ ကြည့်လိုက်တော့ လက်မောင်းရင်းနီးပါးလောက်သာ တုံးတိတိ ရှိနေတဲ့ သူ့လက်ကို မြင်လိုက်ရတယ်။ အဲလို တုံးတိတိလက်ကလေးပေမယ့် mouse ကို ဖိပြီးနှိပ်နေတာများ ကျွန်မတို့ သာမန်လူတွေထက် အလွန့်အလွန်မသာရင်တောင် တော်တော်လေးသာပါတယ်။ ကျွန်မကြည့်နေတုန်းပဲရှိသေးတယ် နောက်လက်တစ်ဘက်က Keyboard ပေါ်မှာ တဖျောက်ဖျောက်ရိုက်ပြန်တယ်။ ကျွန်မလည်း သြော် … ဟိုဘက်လက်ကတော့ လက်ချောင်းလေးတွေနဲ့ keyboard ရိုက်နိုင်သေးသားပဲလို့ထင်လိုက်တယ်။ ဒါပေမယ့် ကျွန်မသေချာကြည့်လိုက်မိတဲ့အချိန်မှာတော့ သူ့ရဲ့ ဒီဘက်လက်ဟာလည်း ဟိုဘက်လက်နည်းတူ လက်မောင်းရင်းနားမှာ တုံးတိတိလေးပါပဲ။ ကျွန်မလေ တော်တော်အံ့သြသွားတယ်။ ဒါနဲ့ပဲ သူ့ရဲ့လုပ်ပုံတွေကို ဆက်ကြည့်နေမိလိုက်တယ်။ သူလုပ်တာ တော်တော်လေးကို ကျွမ်းကျွမ်းကျင်ကျင်မို့ ကျွန်မလေ တကယ်ကို အံ့သြပြီး သူ့ရဲ့ ကျွမ်းကျင်မှုကိုလည်း ချီးကျူးမိပါတယ်။

ဒါနဲ့ ကျွန်မသူငယ်ချင်းကို မေးကြည့်မိတယ်။ အဲဒီ လက်နှစ်ဘက်လုံးပြတ်နေတဲ့ကောင်မလေးက အသက်(၂၃)နှစ်ရှိပြီး ဘွဲ့ရပြီးသူတစ်ဦးဖြစ်တယ်။ သူဟာ မွေးရာပါ လက်ချို့တဲ့လာသူဖြစ်တယ်။ အခုတော့ web designer လုပ်နေတာဖြစ်ကြောင်း၊ နာမည်က မဇင်လို့ခေါ်ကြောင်း၊ နယ်ကဖြစ်ပြီး အခု ရန်ကုန်မြို့မှာတော့ အစ်မ၀မ်းကွဲတစ်ယောက်နှင့်အတူနေပြီး ကျွန်မသူငယ်ချင်းတို့ရုံးမှာ အလုပ်လုပ်နေသူဖြစ်ကြောင်း သိလိုက်ရတော့ ကျွန်မ ကိုယ့်ကိုယ်ကိုတောင် သိမ်ငယ်သွားသလို ခံစားလိုက်မိတယ်။ ဒီလို လူတစ်ယောက်တောင် ဒီလောက်စွမ်းဆောင်နိုင်တာ ကျွန်မတို့တွေက ဘာကြောင့်များ စွမ်းဆောင်နိုင်မှု နည်းပါးကြတာလဲဆိုတာကိုပေါ့။ ပြီးတော့ ကျွန်မမှာ သတ္တိတစ်ခု ဖြစ်ပေါ်လာပါတယ်။ ဒီလို ကိုယ်လက်အင်္ဂါမသန်စွမ်းသူတစ်ယောက်တောင် ဘ၀ကို ကြံ့ကြံ့ခံရင်ဆိုင်ပြီး ကျော်ဖြတ်နေနိုင်တာ ကျွန်မလိုကိုယ်လက်အင်္ဂါပြည့်စုံသူတစ်ယောက်အဖို့ ဘ၀ရဲ့လောကဓံတွေကို ကြံ့ကြံ့ခံနိုင်စွမ်းမရှိရမှာလဲ။ မသန်ပေမယ့် စွမ်းကြသူတွေကိုကြည့်ပြီး ကျွန်မ ခွန်အားသတ္တိတွေရလိုက်ပါပြီ။

ညီမလေး မဇင်ဟာ ..... ကျွန်မကို ခွန်အားသတ္တိတွေညွှန်ပြပေးခဲ့သူတစ်ယောက်ပါပဲ .....
ကျွန်မကို အခုလို သတ္တိတွေ ပေါ်လာအောင် တွန်းအားတစ်ရပ် ဖြစ်ပေါ်လာစေတဲ့ ညီမလေး ‘မဇင်’ … နောက်ပြီးတော့ ကျွန်မကို သူ့ရုံးဆီ အလည်ဖိတ်ခေါ်ခဲ့တဲ့ ညီမလေး ‘မေမျိုး’ကိုလည်း ကျေးဇူးအထူးတင်ပါတယ် ……………