ကျန်းမာရေးဆေးကုသမှုအစီအစဉ်

မဒ်ရစာဟာရှိမီယာဟ်ကျောင်း (ဒလ-ဟာဖိဇ်ကျောင်း)

[ ၁၈.၃.၂၀၁၂ - တနင်္ဂနွေနေ့ ]

MMSY ရဲ့ Project လေးတစ်ခုဖြစ်တဲ့ ရန်ကုန်သာကေတရှိ ဟာဖိဇ်ကျောင်းက ကလေးငယ်တွေကိုစာသင်ကြားခြင်းနဲ့အတူ ကျန်းမာရေးအခြေခံဆေကုသပေးခြင်း၊ သွားဘက်ဆိုင်ရာဆေးကုသခြင်း၊ အားကစားပြိုင်ပွဲများ ပြုလုပ်ပေးခဲ့ကြသလို အခြားသော ဟာဖိဇ်ကျောင်းလေးတွေမှာလည်း တတ်စွမ်းနိုင်သလောက်ကူည်ီပေးရန်ဆန္ဒရှိကြသည့်အတိုင်း MMSY မှ မိသားစုဝင်တွေရဲ့ ပူးပေါင်းပါဝင်မှုကြောင့် ဒီနေ့ (၁၈.၃.၂၀၁၂ - တနင်္ဂနွေနေ့)မှာဖြင့် ရန်ကုန်တိုင်း၊ ဒလမြို့နယ်၊ ကမာကသွယ်ရပ်ကွက်မှာရှိတဲ့ ‘မဒ်ရစာဟာရှိမီယာ(ဟ်)ဟိ(ဖ်)ဇွ(လ်) ကုရ်အာန်’ဟာဖိဇ်ကျောင်းလေးကို MMSY က မောင်နှမတတွေ သွားရောက်ပြီးကလေးတွေကိုဆေးကုသမှုအစီအစဉ်လေး ပြုလုပ်ပေးနိုင်ခဲ့ကြပါတယ်။

ဒီကျောင်းလေးကို သွားရောက်မယ့်အစီအစဉ်လေးပြုလုပ်ခဲ့ကြရပုံကိုလည်း နည်းနည်းလေးတော့ပြောပြချင်ပါတယ်။ သာကေတကျောင်းကို လုပ်ဆောင်ပေးနေရင်းနဲ့ပဲ ဒလဘက်မှာလည်းကလေးငယ်တွေအတွက် ဟာဖိဇ်ကျောင်းလေးတစ်ခုရှိတယ်ဆိုတာ ကြားသိရတာနဲ့ အဲဒီကျောင်းလေးကို ပထမဆုံးသွားရောက်လေ့လာခဲ့ပါတယ်။ သွားရောက်ခဲ့စဉ်က ကျောင်းအုပ်ဆရာကြီးနဲ့ တွေ့ခွင့်ရခဲ့တာကြောင့်ဆွေးနွေးပြောဆိုဖြစ်ခဲ့ကြတယ်။ ကျန်းမာရေးဆေးကုသမှု အစီအစဉ်လေးလုပ်ချင်ကြောင်းပြောတဲ့အခါမှာ ကျောင်းအုပ်ဆရာကြီးအနေနဲ့ ၀မ်းသာစွာကြိုဆိုကြောင်းသိရတဲ့အတွက် ဒီအစီအစဉ်လေးကို အကောင်ထည်ဖော်ဖို့ စပြီးကြိုးစားရပါတော့တယ်။ ဒါနဲ့ပဲ MMSY မိသားစုဝင်ဒေါက်တာတွေကို ပြောပြရပါတယ်။ ပထမဆုံးအွန်လိုင်းမှာစစတွေ့ချင်းပြောမိတာက ဒေါက်တာအေးမွန်၊ ဒေါက်တာရိုင်ဟာနားတို့ပေါ့။ (ဆေးကုမယ်ဆိုတော့ဆရာဝန်တွေကအဓိကလိုအပ်တာပေါ့။ ဆရာဝန်တွေမပါပဲနဲ့ ကျွန်တော်တို့တွေဆေးကုလို့မှ မတတ်တာပဲ။)၊



MMSY မိသားစုဝင်ဒေါက်တာတွေကလည်း အဲဒီအစဉ်လေးကို သိတာနဲ့ချက်ချင်းပဲ အားတက်သရော ပါဝင်ကြမယ့်အကြောင်းပြောပါတယ်။ နောက်တော့ ဒေါက်တာမင်းသူကိုပြောပြတယ်။ ဒေါက်တာမင်းသူကတော့ အလုပ်တွေတအားပိနေတာကြောင့် သူပါဝင်ဖြစ်လို့ မလွယ်ကူကြောင်းပြောလာပါတယ်။ ဒါပေမယ့်သွားမယ့်ရက်ကတော့ ဒေါက်တာတွေလည်း အဆင်ပြေမယ့်ရက်ဖြစ်ဖို့ လိုအပ်တာကြောင့် ဒေါက်တာတွေအဆင်ပြေမယ့်ရက်ကိုညှိကြပါတယ်။ ဒေါက်တာတွေလည်း အဆင်ပြေမယ့်ရက်ကိုသိရတဲ့အခါမှာ ကျွန်တော်တို့တွေ ဒလကဟာဖိဇ်ကျောင်းကိုတစ်ခါပြန်သွားပြီး ၁၈-ရက်နေ့အစီအစဉ်လေးအတွက် ကြိုတင်ပြောဆိုကြရပါတယ်။ သွားပြောတဲ့နေ့မှာတော့ကျောင်းအုပ်ဆရာကြီးက မန္တလေးဘက်ကို စာစစ်ရန်ခရီးသွားနေတာကြောင့်ကျောင်းအုပ်ဆရာကြီးရဲ့သား (သူကလည်းကျောင်းမှာ ဆရာပါပဲ)နဲ့ ဆွေးနွေးပြောဆိုတော့ ၁၈-ရက်နေ့အစီအစဉ်လေး အကောင်ထည်ဖော်ဖို့အတွက် အဆင်ပြေချောမွေ့သွားပါတယ်။ ဒါနဲ့ကျွန်တော်တို့တွေလည်း MMSY ရွာလေးထဲမှာအစီအစဉ်လေးကိုကြေညာရတော့တာပေါ့။ အဲလိုအစီအစဉ်လေးကိုမကြေညာခင်မှာကတည်းက အဲလိုလေးလုပ်ဖြစ်မယ်ဆိုတာပြောပြမိတော့ မိသားစုဝင်တချို့ကငွေလှူဒါန်းလာကြပါတယ်။ စပြီးစီစဉ်ကာစကဆေးကုသပေးရန် သက်သက်သာရည်ရွယ်ခဲ့ပါသော်လည်း မိသားစုဝင်တွေရဲ့ ပူးပေါင်းပါဝင်မှုအင်အားနဲ့ ကလေးတွေအတွက် တစ်ကိုယ်ရေအသုံးအဆောင်လေးတွေပါလှူဒါန်းပေးဖို့ရာ အလှူငွေတွေရရှိခဲ့ပါတယ်။

ဒီလိုနဲ့ကလေးတွေအတွက်လိုအပ်မယ့်ဆေးတွေဝယ်၊ သွားတိုက်ဆေး၊ သွားတိုက်တံ၊ ဆပ်ပြာ၊ လက်သည်းညှပ်တို့ဝယ်လိုက်ပြီးတဲ့ အခါမျက်နှာသုတ်ပုဝါပါပေးချင်သော်လည်း လက်ကျန်ငွေသိပ်မရှိတော့တာကြောင့် မျက်နှာသုတ်ပုဝါ မပေးတော့ဘူးလို့နေခဲ့ပါတယ်။ ဒါပေမယ့် တိုက်ဆိုင်စွာပဲ USA က မိသားစုဝင် အစ်ကိုတစ်ယောက်က ကလေးတွေအတွက်ဘာလှူဒါန်းရမလဲဆိုတာ မေးလာတာနဲ့ သူ့ကိုမျက်နှာသုတ်ပုဝါအတွက် ကုန်ကျမယ့်ငွေပမာဏကိုပြောပြလိုက်ပါတယ်။ သူ့အနေနဲ့ကျောင်းအတွက်ရော ကလေးတွေအတွက်ပါ ငွေလှူဒါန်းလာတဲ့အတွက် မျက်နှာသုတ်ပုဝါလေးတွေပါ ကလေးတွေပေးဖို့အတွက်ဝယ်နိုင်ခဲ့ပါတယ်။ ဆရာ(၁၀)ယောက်ရှိတဲ့အတွက်ဆရာတွေအတွက်လည်းပုဆိုးလေးတွေဝယ်ယူခဲ့ကြပါတယ်။  (အလ္လာဟ်အရှင်မြတ်ကိုကျေးဇူးတင်မိပါတယ်။)

x x x x x x x x x x x x

[ ၁၈.၃.၂၀၁၂ - တနင်္ဂနွေနေ့ ]

ဒလ-ဟာဖိဇ်ကျောင်းလေးကို သွားမယ့်နေ့မှာတော့ ကျွန်တော်တို့တတွေသတ်မှတ်ထားတဲ့ ဆုံရပ်မှာဆုံကြဖို့အတွက် ၁၁း၃၀ နာရီ အရောက် ဆုံကြဖို့ချိန်းထားလိုက်ကြပါတယ်။ ကျွန်တော်တို့တချို့ကတော့ ၀ယ်ထားကြတဲ့ပစ္စည်းတွေထားရှိရာ ကိုဂျွန့်အိမ်ကိုချီတက်၊ ပစ္စည်းတွေယူပြီးဆုံရပ်နေရာကိုသွားလိုက်ကြပါတယ်။ ဆုံရပ်နေရာရောက်တော့ပါဝင်ကြမယ့်မောင်နှမတွေ တော်တော်စုံစုံလင်လင်ရောက်နှင့်နေတာကိုတွေ့ရတယ်။ တချို့မောင်နှမတွေကလည်း သူတို့လာနေပြီလမ်းမှာဖြစ်လို့ခဏနေရင်ရောက်တော့မယ့်အကြောင်း ဖုန်းဆက်လာကြတယ်။ ဒါကြောင့် ကျွန်တော်တို့တွေလည်းလူခွဲပြီးသွားလိုက်ကြဖုိ့စီစဉ်လိုက်ကြတယ်။ သမ္မာန်နဲ့သွားရမှာဆိုတော့ပါဝင်မယ့်လူဦးရေအရသမ္မာန် (၃)စီးငှားလိုက်တယ်။ပြီးတော့သမ္မာန်(၂)စီးသွားနှင့်ပြီး (၁)စီးကကျန်တဲ့သူတွေကိုစောင့်ခေါ်လာခဲ့ဖို့စီစဉ်လိုက်ကြတယ်။ ဒါနဲ့ ဒေါက်တာတွေရယ် ဟိုမှာသွားရောက်စီစဉ်ပေးမယ့်မောင်နှမတစ်စုရယ်အတူတူ သမ္မာန် (၂)စီးနဲ့စပြီးထွက်ခွာလိုက်ကြတယ်။ ကမာကသွယ်ဆိပ်ကမ်းကို ရောက်တဲ့အခါမှာတော့ယောက်ျားလေးတွေက ပစ္စည်းလေးလေးပင်ပင်တွေကိုသယ်ပေးကြပြီး မိန်းကလေးတွေကတော့ (နည်းနည်း)ပေါ့ပေါ့ပါးပါးဖြစ်တာလေးတွေကို ၀ိုင်းဝန်းသယ်ကြပြီးကျောင်းလေးကို အရောက်ချီတက်ကြတော့တာပေါ့။ (မောင်နှမတွေအချင်းချင်းဖေးမကူညီတဲ့ စိတ်ဓါတ်လေးကိုတွေ့ရလို့လည်း ကြည်နူးမိပါတယ်။) ကျွန်တော်တို့တွေလည်းကျောင်းကိုရောက်ရော ဆေးကုသရင် ဆန်းသပ်စစ်ဆေးဖို့နေရာအတွက် ကုတင်တွေကို ကျောင်းကဆရာတွေကစီစဉ်ပေးပါတယ်။ ကျွန်တော်တို့မောင်နှမတတွေလည်း ဆေးပစ္စည်းတွေနေရာချသူချ၊ ကလေးတွေပေးဝေမယ့်ပစ္စည်းတွေစီစဉ်သူစီစဉ်၊ MMSY Vinyl ကိုချိတ်သူကချိတ်နဲ့ ပြင်ဆင်ကြတော့တာပေါ့။ အဲလို ပြင်ဆင်နေကြတုန်းမှာပဲ ကျန်ခဲ့တဲ့သူတွေရောက်လာကြပါတယ်။ သူတို့တွေလည်း အရင်ရောက်နှင့်နေတဲ့သူတွေနဲ့အတူတူဝင်ကူရင်း ပျော်ပျော်ပါးပါးနဲ့မမောပန်းနိုင်ကြဘူးပေါ့။

ဆေးတွေကိုသူ့နေရာနှင့်သူ ပြင်ဆင်ပြီးတဲ့အခါမှာတော့ လိုအပ်တဲ့ဆေးတွေအတွက် လိုအပ်သလိုအထုတ်လေးတွေ ထုတ်ကြရပါတယ်။ ဆေးတွေထည့်သူထည့်၊ ကလေးတွေပေးမယ့်ပစ္စည်းတွေ တာဝန်ယူပေးမယ့်သူတွေကလည်း ကိုယ့်တာဝန်ကိုယ်ယူ၊ စာအုပ်တစ်အုပ်နဲ့လူနာမှတ်တမ်း၊ လိုအပ်တဲ့ဆေးဝါး(ယူဆောင်သွားတဲ့ဆေးဝါးနဲ့ မကိုက်ညီတဲ့ တချို့ကျန်းမာရေးအတွက် ဆေးအသစ်ထပ်ဝယ်ရန်) ရေးမှတ်သူကရေးမှတ်၊ မှတ်တမ်းဓါတ်ပုံရိုက်ရန် စီစဉ်သူစီစဉ်၊ ကျောင်းကဆရာတွေနဲ့ဆွေးနွေးပြောဆိုသူကပြောနဲ့ အားလုံးက တာဝန်တွေကိုအသီးသီးခွဲတမ်းချပေးထားသလား ထင်ရလောက်အောင် ကိုယ့်အသိစိတ်နဲ့ ကိုယ်တာဝန်ယူခဲ့ကြပါတယ်။  ကျောင်းလေးကလည်း အလွန်ကို စည်းကမ်းရှိလှပါတယ်။ ဆေးကုသမယ့်အစီအစဉ်စမယ်ဆိုတော့ ကလေးတွေကို အသက်ရွယ်တူအဖွဲ့လိုက်တွေကိုပဲ လာရောက်စေဖို့  ကျောင်းကဆရာတွေက ၀ိုင်းဝန်းကူညီ အားဖြည့်ပေးကြပါတယ်။

ဆေးကုသတဲ့အစီအစဉ်စစချင်းမှာပဲ ကလေး၂-ယောက်ချင်းစီခေါ်ပါတယ်။ကုတင်က၂-လုံး ပြင်ဆင်ထားပေးတဲ့အတွက် ကုတင်၁-လုံးကို ကလေးတစ်ယောက်စီအတွက်စီစဉ်လိုက်ပါတယ်။ ဒေါက်တာက၃-ယောက်ဖြစ်တဲ့အတွက် ၁-ယောက်စီက ကလေးတစ်ယောက်စီကိုဒိုင်ခံကြည့်ပေးပြီး ဒေါက်တာတစ်ယောက်ကတော့အခြေခံစမ်းသပ်ကြည့်ပေးပါတယ်။ ဒေါက်တာ ၃-ယောက်ကလည်းတက်ညီလက်ညီ အချိတ်အဆက်မိမိလုပ်သွားကြတာလေးကိုမြင်ရတော့ဝမ်းသာပီတိဖြစ်မိပါတယ်။ နောက်ပြီးတော့ မှတ်တမ်းစာအုပ်တစ်အုပ်နဲ့ လူနာမှတ်တမ်းယူပြီးလိုအပ်တဲ့ဆေးဝါးတွေအတွက် လိုက်လံမှတ်သားပေးနေတဲ့ညီမလေးကလည်း တက်တက်ကြွကြွနဲ့ပေါ့။ ပြီးတော့ ဒေါက်တာက ကလေးတွေကိုပေးမယ့်ဆေးတွေ အဆင်သင့်အလွယ်တကူပေးလို့ရအောင် စီစဉ်ပေးနေသူတွေ(ကွန်ပေါင်ဒါတွေပေါ့)ကလည်း အလွန်တက်ကြွစွာပေါ့။ ကလေးတစ်ယောက်ချင်းစီက ဆေးကုသမှုခံယူပြီးလို့သောက်စရာဆေးတွေယူပြီးတာနဲ့ တစ်ကိုယ်ရေသုံးပစ္စည်းတွေပေးတဲ့နေရာဆီမှာပစ္စည်းတွေကိုတစ်ခါတည်း ယူလိုက်စေပါတယ်။ ဒီလိုစီစဉ်လိုက်တာဟာအချိန်ကိုကျုံ့လိုက်တာကြောင့်လည်းဖြစ်ပါတယ်။ ဒေါက်တာတွေကလည်းကလေးတွေကို စိတ်ရှည်လက်ရှည်မေးမြန်းပြီးသေချာစွာစစ်ဆေးကြည့်ရှုပေးတာအပြင် ကျောင်းကဆရာတချို့ကိုလည်း ဒေါက်တာလွက်ကမန်းက စနစ်တကျကြည့်ရှုပေးပြီး ဆရာတစ်ယောက်အတွက်လုပ်ဆောင်ရန်လိုအပ်နေတဲ့ Physical exercise ကို ညီမလေးနီလာက နည်းလမ်းလေးပြသပေးခဲ့ပါတယ်။ တချို့ကလေးတွေဆေးရုံပြရန်လိုအပ်မှုရှိတာကြောင့် ဆေးရုံသို့သွားရောက်ပြသရန်သေချာလမ်းညွှန်ပြောဆိုပေးခဲ့ကြပါတယ်။

ကလေးတွေကိုရောဆရာတွေကိုပါဆေးကုသမှုအစီအစဉ်လေးပြီးတဲ့အခါ ကျောင်းအုပ်ဆရာကြီးနဲ့တွေ့ဆုံပြီးအလှူငွေ ၂၀၀၀၀၀ိ/- (၇.၃.၁၂ နေ့ကရေအတွက် ၃၀၀၀၀ိ/-ကိုလည်းပထမတစ်ကြိမ်လှူဒါန်းခဲ့ပြီးဖြစ်ပါတယ်) လှူဒါန်းပေးခဲ့ပါတယ်။ ကျောင်းအုပ်ဆရာကြီးက “ဒီလိုအစီအစဉ်လေးအတွက်အလွန်ကိုဝမ်းသာကြောင်း၊ ကျောင်းမှာဒီလိုဆေးကုသမှုအစီအစဉ်မျိုးတစ်ခါမှမရှိခဲ့ဖူးကြောင်း၊ ဒီအစီအစဉ်ဟာပထမဆုံးအကြိမ်ဖြစ်ကြောင်း၊ နောက်တစ်ခြားကျောင်းတွေ(ဒေးဒရဲဘက်ရှိဟာဖိဇ်ကျောင်းလေး)လည်း လုပ်ဆောင်ပေးနိုင်ရင်အလွန်ကောင်းမည်ဖြစ်ကြောင်း၊ ကျေးဇူးအလွန်တင်ကြောင်း၊ နောက်နောင်အစီအစဉ်များရှိပါကလည်း လာရောက်နိုင်ပါကြောင်း” … ပြောပါတယ်။ ကျောင်းအုပ်ဆရာကြီးနဲ့စကားပြောပြီးတော့ကျောင်းရှိဆရာတွေအတွက် အမှတ်တရလက်ဆောင်ကိုဆရာကြီးထံပေးတော့ဆရာကြီးက ဆရာတွေလက်ထဲတစ်ခါတည်းပေးလျှင်ပိုသင့်တော်ကြောင်းပြောပြီး ဆရာတွေကိုခေါ်ပေးတာကြောင့် ကျွန်တော်တို့တစ်တွေလည်းဆရာတွေအတွက်လက်ဆောင်ကို ဆရာတွေတစ်ယောက်ချင်းစီထံပေးလိုက်ကြပါတယ်။ ကျောင်းအုပ်ဆရာကြီးနဲ့တချို့ကစကားပြောဆိုနေစဉ်မှာပဲ တချို့မောင်နှမတွေကသိမ်းဆည်းစရာတွေကို စည်းစည်းလုံးလုံးသိမ်းဆည်းထုတ်ပိုးထားလိုက်ကြပါတယ်။

အစီအစဉ်အားလုံးပြီးတဲ့အခါမှာ MMSY မောင်နှမတတွေစုပြီး အမှတ်တရဓါတ်ပုံရိုက်ကြပါတယ်။ ဓါတ်ပုံရိုက်ပြီးတာနဲ့ကျွန်တော်တို့တတွေလည်းကျောင်းလေးကအပြန်ခရီးအတွက် ပြင်ဆင်ပြီး ကျောင်းလေးကနေ ထွက်ခွာလာခဲ့လိုက်ကြပါတယ်။ ကျောင်းလေးကအပြန်ခရီးမှာတော့အထုတ်အပိုးတွေလည်းသိပ်မပါတော့တာကြောင့် ဒလဆိပ်ကမ်းထိလမ်းလျှောက်ကြပြီး သင်္ဘောစီးကာပန်းဆိုးတန်းဆိပ်ကမ်းကို ပြန်လာခဲ့ကြပါတော့တယ်။ အပြန်ခရီးမှာတော့ မောင်နှမအားလုံးရဲ့ မျက်နှာမှာ ကြည်နူးပီတီတွေ လွှမ်းခြုံနေတာကိုတွေ့မြင်ရပါတယ်။

ကျန်တဲ့တချို့ဆေးဝါးတွေကိုကိုဂျွန်တို့အိမ်(သယ်ယူပို့ဆောင်ရန်အဆင်ပြေလွန်းသောအိမ်ဖြစ်တာကြောင့်)မှာခဏထားရှိပြီး သာကေတကျောင်းကကလေးတွေအတွက်ရည်ရွယ်ထားလိုက်ပါတယ်။
ပန်းဆိုးတန်းဆိပ်ကမ်းရောက်ပြီးတဲ့အခါမှာ ဒေါက်တာတွေကလည်းဆေးခန်းတွေပြေးစရာရှိတာကြောင့် သူတို့တွေက ပြန်သွားကြပြီး ကျန်တဲ့မောင်နှမတွေကတော့ထုံးစံအတိုင်း အစီအစဉ်တစ်ခုခုပြီးတာနဲ့ ချက်ချင်းလမ်းမခွဲကြပဲ တစ်နေရာရာမှာအတူတူစုပြီးဝါးတီးအစီအစဉ်ဖွင့်ဖို့တိုင်ပင်ကြတော့တာပေါ့။ ဆေးတွေကိုကိုဂျွန်တို့အိမ်ကိုတချို့ကသွားရောက်ပို့တဲ့အခါ တချို့က၀ါးတီဖွင့်ရန်ချီတက်သွားကြပါတယ်။ ဘယ်ကိုချီတက်သွားတယ်ဆိုတာဖုန်းဆက်လိုက်မယ် လိုက်ခဲ့ပါဆိုတာကြောင့် ပစ္စည်းတွေသွားထားရင်းဖုန်းခေါ်လာမှာကိုစောင့်နေလိုက်ကြတယ်။ ခဏနေတော့ဖုန်းမြည်လာပြီး Ruby Mart ကိုလိုက်ခဲ့ဖုိ့ပြောတာကြောင့် ကျွန်တော်တို့တွေအားလုံး Ruby Mart မှာ စုစုစည်းစည်းညီညီညွတ်ညွတ်ထုံးစံအတိုင်း (သူ့မုန့်ကိုယ်မုန့် တောင်းစားနှိုက်စားလုစား)စားကြတာပေါ့။ အားလုံးစားပြီးတဲ့အခါမှာ ချစ်မကြီးမမီဇာန်ကကော်ဖီတိုက်မယ်ဆိုတာကြောင့် ကော်ဖီသောက်ကြပြီး အားလုံးအသီးသီးလမ်းခွဲကာနှုတ်ဆက်လိုက်ကြပြီး တစ်နေ့တာအစီအစဉ်လေးကိုရပ်နားလိုက်ကြတော့တာပေါ့ …..

x x x x x x x x x x x x

ဘယ်လိုပဲဖြစ်ဖြစ် တစ်နေ့တာအစီအစဉ်လေးက အလွန်ကို စိတ်ကြည်နူးဖွယ်ရာကောင်းပါတယ်။ ကလေးတွေအတွက်လိုအပ်နေတဲ့အရာလေးတစ်ခုကို MMSY မိသားစုဝင်တွေ စုစည်းညီညွတ်စွာနဲ့ အကောင်အထည်ဖော်နိုင်ခဲ့ကြတာဟာလည်း MMSY အတွက်တော့ဂုဏ်ယူဖွယ်ရာအစီအစဉ်လေးတစ်ခုပါ  ……..
ဒီဆေးကုသမှုအစီအစဉ်လေးအတွက် စိတ်အား၊ လူအား၊ ငွေအား၊ အကြံဥာဏ်အားတွေ ၀ိုင်းဝန်းပါဝင်ပေးခဲ့ကြတဲ့ MMSY မိသားစုဝင်အားလုံးကို ကျေးဇူးအထူးတင်ရှိပါတယ်။ နောက် အဝေးကနေစိတ်ပူပေးနေကြတဲ့မောင်နှမတွေ၊ မှန်းဆပြီးပျော်ရွှင်ကြည်နူးပေးနေကြတဲ့မောင်နှမတွေအားလုံးကိုလည်း ကျေးဇူးပါ။ ပြီးတော့ဒီနေ့အစီအစဉ်လေးမှာ အပင်ပန်းခံပြီးပူးပေါင်းပါဝင်ခဲ့ကြတဲ့ ဒေါက်တာလွတ်က်မာန်း၊ ကိုစိုးမိုးဦး၊ ကိုသော်ဇင်လတ်၊ ကိုလူမင်းဟန်၊ ကိုသက်ကို၊ ကိုအောင်သူ၊ ကိုဆွာလေး၊ ကိုတိမ်မိုးလွင်၊ ကိုဂျွန်၊ ဒေါက်တာအေးမွန်၊ ဒေါက်တာရိုင်ဟာနား၊ မဟန်သီဦး၊ မနှင်းနု၊ မမော်မော်၊ မမီဇာန်၊ မငြိမ်း၊ မစိုးယုမော်၊ မဇင်မာသက်၊ မနီလာ၊ မဖြဖြူ၊ မအလင်းရောင်၊ မမေဦး၊ နာရူတို တို့ကိုလည်း ကျေးဇူးအထူး(အထူး)တင်ရှိပါတယ် ………..
နောက်နောင် အစီအစဉ်လေးတွေမှာလည်းအခုလိုပဲ MMSY မိသားစုဝင်တွေ အားလုံးအတူတူ ၀ိုင်းဝန်းပါဝင်ကြရင်းကျွန်တော်တို့ community အတွက် စွမ်းနိုင်သလောက် လက်တွဲပါဝင်ဆောင်ရွက်ကြရအောင် …..

“ကျွန်တော်မျိုးတို့၏ကောင်းမြတ်သောလုပ်ရပ်တိုင်းအတွက် အလ္လာဟ်အရှင်မြတ် ကျေနပ်နှစ်သက်စွာ လက်ခံခွင့်ပြုတော်မူပြီး ကျွန်တော်မျိုးတို့ရဲ့ ရည်မှန်းချက်များ၊ လုပ်ဆောင်ချက်များကိုလည်း အောင်မြင်ပြီးမြောက်အောင် စွမ်းဆောင်နိုင်တဲ့ စွမ်းအားပေးသနားတော်မူပါ …. .... အာမီးန်း”

x x x x x x x x x x x x x x x x x x