ထာဝစဉ်လန်းဆန်းရမယ့် ပန်းကလေးဖြစ်စေချင်

( ၁ )

‘တောက်’

ကျယ်လောင်စွာထွက်ပေါ်လာသော တောက်ခေါက်သံခပ်ပြင်းပြင်းကြောင့် မီးပူတိုက်နေရာမှ ၀င့်ဝါနွယ်လှည့်ကြည့်လိုက်မိသည်။ မျက်နှာသုန်သုန်မှုန်မှုန်နဲ့ နှုတ်ခမ်းဆူပြီး မကျေမနပ်ဖြစ်နေဟန်တူသော ညီမ၀မ်းကွဲ ငုဝါခင်ကို တွေ့လိုက်ရသည်။ ညီမလေလးတစ်ခုခုကို အလိုမကျဖြစ်လာပြီးမှ စိတ်ထဲမှသိလိုက်သည်။

‘ညီမလေး ငုဝါ ဘာဖြစ်လာတာလဲ။ ဘာကို မကျေမနပ်ဖြစ်လာတာလဲ ညီမလေးရယ်’

‘ဘာဖြစ်လာရမလဲမမရဲ့၊ အခုကျောင်းကပြန်လာတော့ လမ်းထိပ်မှာဘယ်ကကောင်တွေလဲမသိဘူး ညီမလေးကို အမီနာပြန်လာပြီလားတဲ့’

‘ဟင် … အဲဒါ ဘာဖြစ်လဲ။ စိတ်ဆိုးစရာလား ညီမလေးနာမည်က အမီနာမှမဟုတ်တာ။ ရှဖီယာပဲ ရှဖီယာကို အမီနာလို့ မှားခေါ်တာနေမှာပေါ့’

‘ညီမလေးမှ သူတို့နဲ့မသိတာ။ ညီမလေးကိုခေါ်ပါ့မလား။ သက်သက်ရန်စတာပဲ’‘ဒါဖြင့်လဲ အခြားတစ်ယောက်ကို နှုတ်ဆက်တာနေမှာပါ။’

‘ဟာ … မမကလဲ ဘယ်ကလာ တခြားတစ်ယောက်ကို နှုတ်ဆက်ရမှာလဲ။ လမ်းပေါ်မှာ ညီမလေးနဲ့ ကေသီပဲရှိတာ။ ကေသီကတောင် နင်ကအမီနာလားဆိုပြီး ရီလိုက်သေးတယ်။ ငါသိတာတော့ အမီနာဆိုတာ ရုပ်ရှင်ထဲမှာ ထမင်းဟင်းချက်တဲ့ အိမ်ဖော်မကြီးပဲတဲ့။ သူတို့ ဘာအဓိပ္ပါယ်နဲ့ပြောတာလဲ ညီမလေးသိတယ်။’

‘ကဲ … ရှင်းပါဦးညီမလေးရ’‘နေဦး၊ ပြီးမှပြောပြမယ်။ အိမ်ရှေ့မှာ ကေသီစောင့်နေလို့ စာအုပ်သွားယူပေးလိုက်ဦးမယ်.’

ငုဝါခင်ထွက်ပြီးမှ နွယ်ပြန်တွေးနေမိသည်။ နွယ်နှင့်ငုဝါသည် ညီအစ်မ၀မ်းကွဲတော်စပ်သည်။ နွယ့်မေမေနှင့် ငုဝါတို့ရဲ့ပါပါသည် မောင်နှမ၊ ငုဝါလေးနှစ်သမီးမှာ ငုဝါတို့ရဲ့ပါပါ အလ္လာဟ်အရှင်မြတ်အမိန့်တော်ခံယူသွားပြီးနောက် ငုဝါမေမေ ဒေါ်မြတ်မွန်သည် သူ၏ဇာတိနယ်မြို့လေးရှိ မိဘများနှင့်နေထိုင်ရန် မန္တလေးမြို့မှပြန်လည်ရွေှ့ပြောင်းသွားခဲ့သည်။ ငုဝါတိုိ့မောင်နှမသုံးယောက်လည်း လိုက်ပါသွားခဲ့ရသည်ပေါ့။ မောင်နှမသုံးယောက်အနက် ငုဝါသည်အကြီးဆုံးဖြစ်သည်။ အဖိုးအဖွားတွေက မြေးဦးဆိုပြီးအချစ်သည်းကာ အလိုလိုက်ထားသည်။ အငယ်တွေအပေါ်မှာလည်း သူမကပင် ဗိုလ်ကျဆိုးနွဲ့နေသည်။ အငယ်တွေပင် မိခင်မျက်နှာညှိုးနေလျှင် သိနားလည်ကြသည်။ ငုဝါကတော့ ဘာမှမသိ၊ နားလည်မှုလည်းမရှိ။

အငယ်နှစ်ယောက်က ရပ်ကွက်ထဲတွင်လည်း ရပ်ရေးရွာရေးကိစ္စ၊ လူမှုရေးကိစ္စတွေကို ၀ိုင်းဝန်းလုပ်ကိုင်ဆောင်ရွက်ကြသည်။ ဘာသာရေးဆိုရင်လည်း ထူးချွန်ကြသည်။ ငုဝါကတော့သည်လိုမဟုတ်။ သူမက ဘာမှစိတ်ဝင်စားမှုမရှိ။ သူငယ်ချင်းအပေါင်းအသင်းတွေနှင့် စတိုးဆိုင်တကာသွားပြီး ပစ္စည်းမျိုးစုံလျှောက်ဝယ်လိုက်၊ ရုပ်ရှင်ကြည့်လိုက်၊ ၀ိုင်းဖွဲ့ပြီးရယ်စရာဟာသတွေပြောလိုက်နှင့်ပဲ အချိန်ကုန်နေတော့သည်။ ဘာသာရေးဆိုလည်း စိတ်မ၀င်စား၊ မိခင်က ဘယ်လောက်ပဲ သွန်သင်ပဲ့ပြင်ပေမယ့် ပြန်မပြောနားမထောင်နှင့်။ အခုဆိုရင် တက္ကသိုလ်ပထမနှစ်ကိုပင်ရောက်နေပြီဖြစ်သည်။ ပထမနှစ်ကို မန္တလေးတက္ကသိုလ်တွင် တက်ရမည်ဖြစ်သောကြောင့် နွယ်တို့အိမ်မှနေ၍ကျောင်းတက်ရန် နွယ့်မေမေကခေါ်ထား၍ အိမ်မှာပဲနေသည်။ ငုဝါမိခင်ကလည်း ငုဝါကို သမီးလိမ္မာလေးဖြစ်ရန်မှအစ အခြားဘက်စုံတော်တဲ့အမျိုးကောင်းသမီးတစ်ယောက်ဖြစ်စေရန် အစစအရာရာသွန်သင်ပေးပါလို့ ထပ်တလဲလဲမှာသွားသည်လေ။ နွယ်ကလည်း တစ်ဦးတည်းသောသမီးမို့ ငုဝါကို ညီမအရင်းကဲ့သို့ချစ်ကာ သွန်သင်လမ်းညွှန်မှုပေးသည်။ ငုဝါကလည်း နွယ်ပြောလျှင် အတန်အသင့်လိုက်နာမှုရှိသည်။ တဖြည်းဖြည်းနဲ့တော့ သွန်သင်ပဲ့ပြင်လို့ရမှာပဲလို့ နွယ်မှတ်ယူထားမိသည်။‘သိလား မမနွယ်’

ငုဝါအသံကြောင့် နွယ်အတွေးစတို့ လွင့်ပျောက်သွားလေသည်။

‘ဘာကိုသိရမှာလဲ ညီမလေးရဲ့။ ကဲ … ညီမလေးပြောမယ့်အကြောင်း ဆက်ပြောပါဦး’

‘အဲဒါပြောမလိုိ့ မမနွယ်ရဲ့။ သူတို့က ညီမလေးကို အမီနာပြန်လာပြီလားလုိ့ပြောတာဟာ ကုလားမပြန်လာပြီလားလို့ပြောတာပဲ မမရဲ့’

‘ဘာဆိုင်လို့လဲ’

‘ဆိုင်တာပေါ့။ သူတို့တွေက ခါလစ်၊ မဟ်မူးဒ်၊ အာမီနာဆိုရင် ကုလားလို့မှတ်ထားကြတာ။ ကုလားလူမျိုးဆိုရင် ဒီနာမည်တွေကိုပဲသုံးနေတာ ကြည့်ပါလား’

‘ထားပါတော့ … ညီမလေးကရော ကိုယ့်ကိုယ်ကို ကုလားလို့သတ်မှတ်ထားလား။ ကုလားလူမျိုးဆိုတာ ရှိလို့လား’

‘ကုလားလူမျိုးဆိုတာရှိ မရှိ ညီမလေးမသိဘူး။ အရင်တုန်းကတော့ ညီမလေလးကို ကုလားမို့ခေါ်လည်း ညီမလေလးဘယ်လိုမှမနေခဲ့ဘူး။ ဒါပေမယ့် အခု ညီမလေးသိလာပြီ။ ညီမလေးကတော့ ကုလားမဟုတ်ဘူး။ ညီမလေးတို့ ဘိုးဘေးဘီဘင်တွေလက်ထက်ကတည်းက မြန်မာ့မြေမှာမွေး မြန်မာ့ရေသောက်ပြီး တိုင်းရင်းသားတွေနဲ့လက်တွဲလို့ ဥမကွဲသိုက်မပျက်နဲ့ လက်တွဲနေထိုင်လာခဲ့ကြတဲ့ အစ္စလာမ်သာသနာဝင် မြန်မာတိုင်းရင်းသားတွေပဲဟာ’

‘အံမယ် … ငါ့ညီမလေးက ဒါတွေကို ဘယ်လိုလုပ်သိလာခဲ့တာလဲ’

‘ဟုတ်တယ် … အရင်တုန်းက မေမေတို့ပြောတော့ ညီမလေးစိတ်ဝင်စားမှုမရှိခဲ့ဘူး။ အခု မန္တလေးမလာခင် ၂-ရက်လောက်က အငယ်ကောင်ဖွင့်နေတဲ့အခွေထဲက တစ်စွန်းတစ်စကြားလိုက်တာ။ ဒါတောင် တစ်စွန်းတစ်စပဲကြားလိုက်လို့သိပြီး ပြန်ပြောနိုင်တာလေ။ ဒီထက်အများကြီးသိဖို့လိုနေသေးတယ်လို့ ညီမလေးခံစားလိုက်ရတယ်။ လူတိုင်းဟာ ကိုယ်ဘာလဲဆိုတာတော့ သိသင့်တယ်လေ။ ကိုယ့်ကိုယ်တိုင်တောင်မှ မသိရင်တော့ သူများမသိတာ ဘာဆန်းတော့မှာလဲ။ ညီမလေးတို့ကို လူငယ်တွေအတွက် ပိုအရေးကြီးတယ်။ လူငယ်တွေက အနာဂတ်မှာ လမ်းပြပေးမယ့် အလင်းရောင်တွေပဲလေ။’

ငုဝါသည် ဘာမှ နားလည်မှုရှိလိမ့်မည်မဟုတ်လို့ နွယ်ထင်ထားသည်။ အခုတော့ ညီမလေးမှာ နွယ်ထင်သလောက်မဆိုးပါ။ သိနားလည်စိတ်ကလေးရှိနေပြီပဲ။ နွယ်ဝမ်းသာပီတိဖြစ်မိတာအမှန်ပါပဲ။‘မမ … ငုဝါလေ စာအုပ်စာပေတွေအများကြီးဖတ်သင့်တယ်လို့ထင်တယ်။ အဲဒါ ငုဝါဖတ်သင့်တဲ့စာအုပ်တွကို မမရှာပေးနော်။ ငုဝါအချိန်ယူပြီးဖတ်မယ်။ အခုတော့ ကျူရှင်သွားလိုက်ဦးမယ်နော်။’

‘အေးပါ … မမရှာပေးပါ့မယ်’

ထွက်သွားသော ညီမလေးငုဝါကိုိကြည့်ရင်း နွယ် လှိုက်လှိုက်လှဲလှဲပြုံးလိုက်မိတော့သည်။

x x x x x x x x x x x x x x x x x x x x x x x x x x x x x x x x x x x

( ၂ )

သည်နေ့ နွယ် အလုပ်အားရက်ဖြစ်သောကြောင့် အေးအေးဆေးဆေးအနားယူရင်း စာဖတ်နေခဲ့သည်။ ငုဝါလည်းအနားသို့ရောက်လာပြီး စာအုပ်တစ်အုပ်ယူကာ စာဖတ်နေသည်။ အတန်ကြာမှ …

‘မမနွယ် … ညီမလေးမေးစရာရှိလို့’

‘မေးလေ ညီမလေး … ဘာမေးမလို့လဲ’

‘ညီမလေး ကျောင်းတက်နေရပေမယ့် ညီမလေးသူငယ်ချင်းတွေထဲမှာ မွတ်စလင်မ်တစ်ယောက်မှမရိဘူး။ မွတ်စလင်မ်အချင်းချင်းလည်း တစ်ယောက်နဲ့တစ်ယောက်မသိကြသေးဘူး။ ကျောင်းတက်ကြတဲ့ မွတ်စလင်မ်တွေနည်းလို့လားဟင်’

‘မွတ်စလင်မ်ကျောင်းသူကျောင်းသားတွေမနည်းပါဘူး။ ညီမလေးက နယ်ကလာခဲ့ရတဲ့သူဆိုတော့ မြို့ပေါ်က သူငယ်ချင်းမတွေ့သေးလို့။ နယ်ကကျတော့လည်း တစ်ယောက်နဲ့တစ်ယောက် မသိကြသေးလို့ပါ။ ညီမလေးတို့မြို့ကမွတ်စလင်မ်တွေလည်း ကျောင်းလာတက်ကြတာပဲ။ ညီမလေးက မသိလို့ဖြစ်မှာပါ ပြီးတော့ ….’

‘ဟုတ်လား … ညီမလေးလေ အရင်တုန်းကအချိန်တွေကို နှမြောမိတယ်’

‘သြော် …. မမပြောတာမဆုံးသေးဘူး။ နားထောင်ဦးလေ’

‘အင်းပါ မမရဲ့။ ပြော …. ပြော’

‘အခု ညီမလေးတက်နေတဲ့ တက္ကသိုလ်ကျောင်းတော်ကြီးမှာ မွတ်စလင်မ်စင်တာရှိတယ်’

‘မွတ်စလင်မ်စင်တာ ! ဟုတ်လား ’

‘အင်း …. တက္ကသိုလ်မွတ်စလင်မ်အသင်း၊ တက္ကသိုလ်များ မန္တလေးတဲ့’

‘တက္ကသိုလ်များဆိုတော့ တက္ကသိုလ်ပေါင်းစုံပေါ့၊ ညီမလေးဖြင့် ကျောင်းမှာ မကြားဖူးပါဘူး’

‘ညီမလေးတို့လို နယ်ကကျောင်းလာတက်တဲ့ ပထမနှစ်စတက်တဲ့ကျောင်းသူကျောင်းသားတွေတော်တော်များများ မသိကြသေးတာပါ။ အစပိုင်းတော့ ဒီလိုပါပဲ။ နောက်တော့သိသွားကြတယ်လေ။ ၇၃လမ်း၊ ၃၈x၃၉လမ်းကြား’

‘သြော် … သိပြီ။ အဲဒီနေရာမှာ တိုက်ခန်းတွေရှိတယ်လေ။ စတိုးဆိုင်တွေ တန်းစီနေတာပဲ’

‘ဟုတ်တယ်။ အဲဒီတိုက်ခန်းတွေက မွတ်စလင်မ်စင်တာပိုင် အဆောက်အဦးကြီးပေါ့။ တိုက်ရဲ့နောက်မှာ ခြံဝန်းအကျယ်ကြီးရှိတယ်။ တိုက်ခန်းတွေရဲ့အလယ်လောက် တံခါးပေါက်ကြီးအပေါ်တည့်တည့်သုံးထပ်မှာ တက္ကသိုလ်မွတ်စလင်မ်ရိပ်သာ တက္ကသိုလ်များ မန္တလေးဆိုတဲ့ ဆိုင်းဘုတ်ကြီးတပ်ထားတယ်’

‘စင်တာဆိုင်းဘုတ်တော့ သတိမထားမိသေးဘူး။ စတိုးဆိုင် ဆိုင်းဘုတ်တွေအားလုံးကိုတော့ မှတ်မိတယ်’

‘ဒါဆိုိ စတိုးဆိုင်တွေထဲလည်းဝင်ဖူးတယ်ဆိုပါတော့’

‘အဟဲ … ဒါကတော့မမရယ်။ အကျင့်က နည်းနည်းလေးကျန်နေသေးလို့ပါ။ အခု သိပ်မ၀င်တော့ပါဘူး။ အဲဒီစင်တာအကြောင်းပြောပါဦး

‘စင်တာက နှစ်စဉ်မောင်မယ်သစ်လွင်ကြိုဆိုပွဲလုပ်ပြီး ကျောင်းသူကျောင်းသားအသစ်တွေကို အသင်းဝင်အဖြစ်လက်ခံတယ်လေ။ လေ့လာရေးခရီးထွက်တယ်။ ဒီလိုလုပ်ပေးခြင်းကြောင့် အချင်းချင်းသိသွားကြပြီး တစ်ဦးနဲ့တစ်ဦး ပိုမိုရင်းနှီးခင်မင်မှုတွေရလာကြတယ်လေ’

‘ဒါဆိုရင် ပျော်စရာကြီးပေါ့နော်’

‘အင်းပေါ့ … ပြီးတော့ အသင်းရိပ်သာမှာ နယ်ကကျောင်းလာတက်တဲ့ ယောက်ျားလေးတွေအတွက်လည်း အဆောင်ထားပေးတယ်။ စာကြည့်တိုက်လဲရှိတယ်။ ရမသွာန်လဆိုရင်လည်း မန္တလေးမြို့ပေါ်မှာရှိတဲ့ အဆောင်နေကျောင်းသူကျောင်းသားတွေ လွယ်လွယ်ကူကူရိုဇာဥပုသ်စောင့်ထိန်းနိုင်စေဖို့လည်း စီစဉ်ပေးတယ်လေ။ အသင်းသူအသင်းသားတွေစုပေါင်းပြီး ၀ိုင်းဝန်းချက်ပြုကြတာ။ မောရကောင်းမှန်းမသိဘူး။ စဟ်ရီအတွက် အဆောင်တွေကို လိုက်ပို့ပေးကြတယ်။ လူခွဲပြီးလိုက်ပို့ကြတာပေါ့။ မမောမပန်းကြတဲ့အပြင် အရမ်းကိုပျော်ကြတယ် ညီမလေးရဲ့’

‘ညီမလေးစိတ်ဝင်စားတယ်’

‘အခုဆိုရင်လည်း စင်တာပတ်ပတ်လည်ကို အုတ်တံတိုင်းလည်းကာပြီးပြီ။ ၀င်းကြီးတစ်ခုလုံးကိုလဲ အုတ်တွေခင်းပြီးသွားပြီ။ စင်တာက တဖြည်းဖြည်းနဲ့ပိုမိုတိုးတက်မှုတွေရှိလာတယ်။ ညီမလေးစိတ်ဝင်စားရင် စင်တာကိုသွားပြီး အရင်လေ့လာကြည့်ပေါ့’

‘ညီမလေးမှာ အသိမိတ်ဆွေသူငယ်ချင်းမှ မရှိတာ’

‘သိသိ မသိသိ၊ သူငယ်ချင်းရှိရှိ မရှိရှိ စင်တာက အားလုံးကိုိ ၀မ်းမြောက်ဝမ်းသာနဲ့ နွေးထွေးစွာကြိုဆိုနေတာပါ ညီမလေးရယ်’

‘လေ့လာပြီးရင် စင်တာရဲ့တိုးတက်ရာတိုးတက်ရေးအတွက် ညီမလေးလည်း တတ်အားသရွေ့ ၀ိုင်းဝန်းကူညီဆောင်ရွက်မယ်။ လုပ်သင့်လား မမ’

‘လုပ်သင့်တာပေါ့ ညီမလေးရယ်’

‘ဒါဆိုရင်လည်းပြီးရော ညီမလေး အခုပဲသွားတော့မယ်’

‘အခုကို သွားတော့မယ်ပေါ့’

‘စတာပါ။ နောက်ရက်မှသွားမှာ’

‘ဟုတ်ပါပြီ ညီမလေးရယ်’

ညီအစ်မနှစ်ယောက် တစ်ယောက်ကိုတစ်ယောက်ကြည့်ပြီး အပြုံးပန်းကိုယ်စီပန်ဆင်မိကြသည်။

x x x x x x x x x x x x x x x x x x x x x x x x x x x x x x x x x x x

( ၃ )

ငုဝါစာကြည့်ပြီးလို့ အိမ်ရှေ့ထွက်လာစဉ်မှာပဲ အိမ်ရှေ့ခန်းထဲမှာ စကားပြောသံများကြားရ၍ နားစွင့်နေမိသည်။ မမနွယ်ရဲ့ သူငယ်ချင်းတွေဆိုတာသိလိုက်သည်။ သူမ ကြားလိုက်တာ သင်တန်းလို့ပါသည်။ မမနွယ် ဘာသင်တန်းတက်မလို့ပါလိမ့်။ မမနွယ်အားတဲ့အချိန်မှပဲမေးကြည့်တော့မည်။ ခဏကြာတော့ သူငယ်ချင်းတွေပြန်သွားလို့ မမနွယ်အခန်းထဲဝင်လာချိန်မှာပဲ မေးကြည့်မိသည်ပေါ့။

‘မမနွယ် ခုနက မမတို့ဘာပြောနေကြတာလဲ။ သင်တန်းလို့ကြားလိုက်တယ်။ ဘာသင်တန်းတက်မလို့လဲဟင်’

‘ဒေါက်တာကျော်ငြိမ်းခန်းမမှာဖွင့်မယ့် နွေရာသီအစ္စလာမ်ဗဟုသုတပညာပေးအစီအစဉ်လေ။ နွေရာသီမှာဖွင့်တာ။ အဲဒါတက်ကြမလိုိ့။ နှစ်တိုင်းတက်ကြတယ်လေ။ ဒီနှစ်လည်းတက်ကြမှာ။ ညီမလေးလည်းစိတ်ဝင်စားရင်တက်ပါလား’

‘ဘယ်နှစ်လတက်ရတာလဲ။ ဘာတွေသင်လဲ။ ဘာသာရေးတွေပဲသင်တာလား’

‘သင်တန်းကရက်ပိုင်းပဲတက်ရတာ အလွန်ဆုံးမှ(၁၀)ရက် (၁၂)ရက်ပဲပေါ့။ ဘာသာရေးလည်းသင်တယ်။ အခြားဗဟုသုတရမယ့်အကြောင်းအရာတွေလည်းပါတာပဲ။ အစ္စလာမ့်အခြေခံမဏ္ဍိုင်များ၊ ကျမ်းမြတ်ကုရ်အာန်နှင့် ဟဒီးသ်တော်များလေ့လာခြင်း၊ တမန်တော်မြတ် မုဟမ္မဒ်သခင်၊ တမန်တော်မြတ်များ၊ သောင်ဟီးဒ်၊ ငြိမ်းချမ်းသောအစ္စလာမ်၊ အစ္စလာမ့်အတွေးအခေါ်များ၊ အစ္စလာမ်နှင့်ဝတ်စားဆင်ယင်မှု၊ အစ္စလာမ်နှင့်အစားအစာ၊ မြန်မာနိုင်ငံနှင့် အစ္စလာမ်သာသနာ၊ အစ္စလာမ်နှင့်အမျိုးသမီး၊ ကမ္ဘာ့မွတ်စလင်မ်ရေးရာ သိမှတ်ဖွယ်ရာ၊ ကမ္ဘာ့ဘာသာတရားများချစ်ကြည်ရင်းနှီးမှု၊ မိခင်မွန်များ၊ မြန်မာမှုပြုအစ္စလာမ့်စာပေ၊ အစ္စလာမ်နှင့်တရားမျှတမှု၊ အစ္စလာမ့်ဖိတ်ခေါ်ဖြန့်ချိမှု၊ အစ္စလာမ့်ကျင့်ထုံး(ရှရီအသ်)၊ အစ္စလာမ့်အတွေးအခေါ်၊ အစ္စလာမ်နှင့်လောက၊ ကျန်းမာသန့်ရှင်းမှု(သွဟာရသ်) အဲဒီခေါင်းစဉ်တွေသင်ရတယ်။ ဆွလာသ်ဝတ်ပြုမှုနဲ့မိုင်ယသ်(ဈာပန)ကိစ္စကို စာတွေ့ရောလက်တွေ့ပါသင်ကြားပေးတယ်။ CARE Myanmar, YMCA, World Vision တို့ဆိုတာကြားဖူးတယ်မဟုတ်လား။ အဲဒီအဖွဲ့အစည်းတွေကလည်းလာကြတယ်။’

‘နွေရာသီမှာပဲ သင်တန်းကဖွင့်တာပေါ့ဟုတ်လား။ တက်တဲ့သူတွေက ကျောင်းသားကျောင်းသူတွေပဲလား’

‘သင်တန်းကတော့ နွေရာသီမှဖွင့်တာ။ ကျောင်းသူကျောင်းသားတွေလည်းတက်ကြတယ်။ ၀န်ထမ်းတွေ၊ အိမ်ရှင်မတွေလည်းတက်ကြတယ်။ အဖွဲ့တွေခွဲပြီး အဖွဲ့လိုက်ယှဉ်ပြိုင်ရတယ်။ တစ်ဦးချင်းစီကိုလည်း အမှတ်ပေးပြီး ထူးချွန်တဲ့သူတွေကိုလည်းဆုပေးတယ်။ ဆရာတွေက ရန်ကုန်ကဆရာတွေရယ်၊ မန္တလေးကဆရာတွေရယ် လာသင်ပေးတယ်လေ’

‘ဒီသင်တန်းတွေက ညီမလေးတို့လို လူငယ်တွေအတွက် အရမ်းကိုအကျိုးရှိမယ့်အစီအစဉ်ပဲနော်’

‘ဟုတ်တယ် ညီမလေးရဲ့’

‘ဒါဆိုကျောင်းပိတ်ရင် ညီမလေးအိမ်မပြန်သေးဘူး။ မောင်လေးနှစ်ယောက်ကိုလည်း လှမ်းခေါ်ပြီး သင်တန်းတက်ခိုင်းမယ်။ ညီမလေးလည်းသင်တန်းတက်မယ်။ မမလည်းတက်၊ ညီမလေးကတော့ မမတိုိ့အဖွဲ့ကို နိုင်အောင်ယှဉ်ပြိုင်ပြီး ဆုတွေယူပစ်လိုက်မယ်သိလား။ အဲဒီတော့မှ မမငိုမနေနဲ့’

‘အေးပေါ့ … စောင့်ကြည့်ရသေးတာပေါ့နော် ….. ’

‘ညီမလေး ဒီလိုစိတ်ဝင်စားလာတာကို မေမေတို့သိရင် အရမ်းကိုဝမ်းသာမှာပဲ’

‘ဟုတ်တယ် ပါပါနဲ့မေမေသိရင်လည်း အရမ်းဝမ်းသာမှာ။ ဒေါ်လေးမွန်လဲဝမ်းသာမှာပဲ’

‘ညီမလေးစဉ်းစားမိရင် အရင်အချိန်တွေကို အရမ်းကိုနှမျောမိတာတကယ်ပါ။ နောက်ဆို ညီမလေးက အမျိုး ဘာသာ သာသနာနဲ့ တိုင်းပြည်ကို အကျိုးပြုမယ့် သမီးကောင်းရတနာတစ်ယောက်ဖြစ်အောင် ကြိုးစားမယ်’

နွယ်ဖော်မပြနိုင်လောက်အောင် ၀မ်းသာပျော်ရွှင်နေမိသည်။ ရင်ထဲမှစကားများကတော့ ……..

‘သြော် …. ညီမလေးငုဝါရယ် … မမကလေ ညီမလေးကို ရာသီအလိုက်ပွင့်တဲ့ပန်းကလေးမဟုတ်ပဲ ထာဝစဉ် လန်းဆန်းနေမယ့်ပန်းကလေးဖြစ်စေချင်တာပါ။ ပန်းကလေးကို ထာဝစဉ်လန်းဆန်းနေစေချင်သူပါ ညီမလေးရယ် …………….’

x x x x x x x x x x x x x x x x x x x x x x x x x x x x x x x x x x x