ကျွန်မနာမည်က ဒေါ်ဝင်းသန့်ပါ။ ဒေါ်ဝင်းသန့်လို့ ပြောရတာက ကျွန်မအသက်က (၆၅)နှစ်ရှိပြီဆိုတော့ ဒေါ်တပ်ပြောလိုက်တာပါ။ ဒီနေ့တော့ ကျွန်မစိတ်ထဲမှာ တစ်ယောက်ယောက်နဲ့စကားပြောချင်စိတ်တွေ အလွန်ရှိနေလို့ ကျွန်မသမီးလေးသူငယ်ချင်းဆီ ထွက်လာခဲ့လိုက်တယ်။
ကျွန်မစကားပြောချင်စိတ်ရှိလာတာနဲ့ သမီးလေးသူငယ်ချင်းဆီသွားတယ်ဆိုတော့ ကြားရသူတွေက မရီမိရင်တောင် ပြုံးမိကြမှာပေါ့နော်။ ဟုတ်ပါတယ်။ ကျွန်မလေ အိမ်မှာ တစ်ယောက်တည်းနေပါတယ်။ ကျွန်မမှာ သားသမီး(၃)ယောက်ရှိပြီး သားတစ်ယောက်သမီးတစ်ယောက်က နိုင်ငံခြားမှာသွားပြီး အလုပ်လုပ်နေကြတယ်လေ။ မြန်မာပြည်မှာရှိနေတဲ့ သားတစ်ယောက်ကလည်း ကျွန်မနဲ့တစ်နေရာစီမှာလေ။ အဲဒီသားကလည်း တစ်ခါတစ်လေမှ ကျွန်မဆီရောက်လာနိုင်တယ်လေ။ ကျွန်မရဲ့ ဆွေမျိုးသားချင်းတချို့ကလည်း ကျွန်မအခုနေတဲ့နေရာနဲ့က တစ်ခြားစီဖြစ်နေတယ်လေ။ ကျွန်မအမျိုးသားကလည်း ဆုံးသွားတာ နှစ်(၂၀)လောက်ရှိပြီလေ။ ကျွန်မမှာ မိတ်ဆွေသူငယ်ချင်းလည်း သိပ်များများစားမရှိဘူးလေ။ ကျွန်မမှာ တူ-တူမတွေရှိပေမယ့် ကျွန်မသံယောဇဉ်ကြီးသလို သူတို့က ကျွန်မကို သံယောဇဉ်သိပ်မရှိကြဘူး။ ဒါကြောင့် တစ်ခါတစ်လေတော့ ကျွန်မသူတို့ဆီ သွားလည်ဖြစ်တယ်လေ။ အဲလိုသွားလည်တဲ့အခါတိုင်းလည်း သူတို့တွေလည်း ကိုယ့်အလုပ်နဲ့ကိုယ် ရှုပ်နေကြတော့ သူတို့စကားပြောနိုင်မယ့်အချိန်ထိုင်စောင့်ရင်းနဲ့ပဲ ညနေစောင်းလာတော့ ကျွန်မအိမ်ပြန်ခဲ့ရတယ်လေ။ အိမ်ပြန်ရောက်တဲ့အခါကျတော့ ကျွန်မမှာ စာဖတ်ရင်ဖတ်၊ စာမဖတ်ဖြစ်ရင် စာရေး၊ တစ်ခါတစ်လေ အိမ်ရှေ့လေးထွက်ထိုင်ပြီး ရပ်ကွက်ထဲက ကလေးတွေကစားနေကြတာတွေကိုထိုင်ကြည့်ရင်း ကျွန်မ သားသမီးလေးတွေကို အလွမ်းဖြေရတာပေါ့။
ဒီနေ့တော့ စကားပြောချင်စိတ်တွေဖြစ်လာတာနဲ့ သမီးရဲ့သူငယ်ချင်းလေးဆီ ရောက်လာခဲ့တယ်။ သူကတော့ အလုပ်များနေတတ်ပေမယ့် ကျွန်မလာတဲ့အခါတိုင်း အချိန်ပေးပြီး စကားပြောပေးလေ့ရှိတော့ ကျွန်မမှာ စကားပြောဖော်က ကျွန်မသမီးသူငယ်ချင်းလေးပဲဖြစ်နေတာပေါ့။
ကျွန်မလည်းအိမ်ကထွက်လာပြီး ဘတ်စ်ကားမှတ်တိုင်ရောက်တော့ ကားမလာသေးလို့ ခဏစောင့်နေလိုက်တယ်။ ကားလည်းလာရော ကားပေါ်တက်လာရင်း သမီးသူငယ်ချင်းလေးနဲ့တွေ့ရင် ပြောပြချင်တာတွေကို ပြောပြတဲ့အခါ အဆင်ပြေချောမွေ့စေဖို့ စိတ်ထဲကနေ ပြောပြီးလေ့ကျင့်နေလိုက်တယ်။
“ကျွန်မလေ လွန်ခဲ့တဲ့လက ရန်ကုန်ကို အလည်သွားခဲ့တယ်။ ကျွန်မရဲ့ဆွေမျိုးတစ်ပိုင်းဖြစ်တဲ့ သူငယ်ချင်း ၂-ယောက်နဲ့ပေါ့။ ရန်ကုန်မှာနေတဲ့ရက်တွေမှာ နေ့ခင်းဘက်ဆို သွားစရာရှိတာသွားလာကြ၊ ညနေဘက် တည်းခိုတဲ့အိမ်ပြန်ရောက်ရင် စကားထိုင်ပြောကြနဲ့ပေါ့။ တစ်ရက်ကျတော့ ကျွန်မသူငယ်ချင်း ၂-ယောက်ကပြောတယ်။ သူတို့တွေ အစားအသောက်တွေလည်း သိပ်မဆင်ခြင်မိဘူး။ ဆီးချိုကလည်းရှိကြတော့ ဆီးချိုတိုင်းကြည့်ရတော့မယ်ဆိုပြီး ဆီးချိုသွေးချိုတိုင်းတဲ့စက်ကလေးနဲ့ စစ်ကြတာပေါ့။ အဲဒီမှာ ကျွန်မက ငါ့မှာ ဆီးချိုသွေးချိုရှိတယ်လို့တော့ မသိထားဘူး။ ငါလည်း စမ်းသပ်ကြည့်ရင်ကောင်းမယ်ဆိုတာနဲ့ သူငယ်ချင်း ၂-ယောက်ကလည်း စမ်းပေးကြတယ်။ အဲလိုလည်းစမ်းလိုက်ရော ထွက်လာတဲ့အဖြေက ဆီးချိုသွေးချိုရောဂါရှိနေပါတယ်ဆိုတဲ့ ကျွန်မသူငယ်ချင်း ၂-ယောက်ထက် ကျွန်မက ဆီးချိုတွေတက်နေတာ သိလိုက်ရတယ်။
ဒါနဲ့ ကျွန်မလည်းစိတ်ပူသွားပြီး နောက်ရက်ကျ ဆရာဝန်ဆီသွားတော့တာပေါ့။ ကျွန်မ မနေ့ကအဲလိုစမ်းတာ ဆီးချိုတွေတက်နေတယ်ဆိုတာနဲ့။ ဆရာဝန်ကလည်း ကျွန်မကို ဆေးတွေပြပြီး ၀ယ်ခိုင်းတယ်လေ။ ကျွန်မ တတ်နိုင်သလောက်၊ ၀ယ်ချင်တဲ့ဈေးနှုန်းနဲ့ဆေးကို ၀ယ်ဖို့ပြောတာနဲ့ ကျွန်မလည်း အလယ်အလတ်အသင့်အတင့်ဈေးနှုန်းရှိတဲ့ဆေးကိုပဲဝယ်လိုက်တယ်။ ဆရာဝန်ကလည်း အသိဆရာဝန်လည်းဖြစ်နေတော့ ဆေးတစ်ဗူးကိုတောင် လက်ဆောင်ပေးလိုက်သေးတယ်လေ။ ဒါနဲ့ နောက်ရက်ကျ ကျွန်မတို့တွေ မန္တလေးပြန်လာကြတယ်လေ။ မန္တလေးပြန်ရောက်ပြီးတဲ့အခါကျတော့ စိတ်ထဲမှာ ဆီးချိုသွေးချိုကို သေချာပြန်စစ်ကြည့်ရင်ကောင်းမယ်လို့တွေးပြီး ကျွန်မသူငယ်ချင်းရဲ့ ဓါတ်ခွဲခန်းကိုသွားပြီး ဆီးချိုသွေးချိုစစ်လိုက်တယ်။ အဲဒီမှာ ထွက်လာတဲ့အဖြေက ကျွန်မမှာ ဆီးချိုလုံးဝမရှိပါဘူးတဲ့လေ။ အို … ကျွန်မလေ ၀မ်းလည်းဝမ်းသာသွားတယ်။
တော်သေးတာပေါ့ ဆေးတွေလည်း မသောက်မိသေးလို့လို့ တွေးမိလိုက်တယ်လေ။ ဒါနဲ့ပဲ ကျွန်မဆုံးဖြတ်လိုက်တယ်။ ကျွန်မ ၀ယ်ထားမိတဲ့၊ လက်ထဲမှာရှိနေတဲ့ ဆေးတွေကို ဆီးချိုသွေးချိုရောဂါဖြစ်နေသူကို ပြန်ပေးမယ်လို့ပေါ့။ အဲလို ပေးတဲ့အခါမှာလည်း ရောဂါရှိပြီး ငွေကြေးလုံးဝမတတ်နိုင်တဲ့သူမျိုးကိုသာ ကျွန်မပြန်ပေးချင်တယ်လေ။ ဒါကြောင့် သမီးလေးရဲ့ အသိမိတ်ဆွေတွေမှာ အဲလိုသူမျိုးရှိနေရင် အန်တီ့ကိုပြောပါနော်။”
ဒီလောက်ဆိုရင် ကျွန်မစကားပြောတာ အဆင်ပြေချောမွေ့ပါပြီ။ သမီးသူငယ်ချင်းလေးလည်း ကျွန်မကို အချိန်တွေ အများကြီးမပေးရအောင် အဲလိုပဲ ပြောလိုက်တော့မယ်လေ။
ကားရပ်တော့ လမ်းလျှောက်လာရင်း ဒီအတိုင်းလေးပဲ စိတ်ထဲမှာ တစ်ခါပြန်ပြောကြည့်မိတယ်။ သမီးသူငယ်ချင်းလေးဆီလည်းရောက်ရော အဲဒီအတိုင်းပြောချလိုက်တယ်။ သမီးလေးကလည်း ကျွန်မကို နားလည်မှုနဲ့ နားထောင်ပေးရှာပါတယ်။ ကျွန်မလေ ပြောချင်တဲ့စကားတွေကို ပြောလိုက်ရလို့ အလွန်ကို ၀မ်းသာလိုက်တာ။
ပြန်လာတဲ့ လမ်းတလျှောက်မှာ ကျွန်မရဲ့စိတ်ထဲမှာ ၀မ်းသာကြည်နူးမှုတွေနဲ့အပြည့်ပေါ့။ နောက်တစ်ခါ သားသမီးတွေဖုန်းဆက်လာတဲ့အခါမှာ ဒီအကြောင်းလေးကို ပြောပြရဦးမယ် …. ။
သားသမီးတွေအဝေးရောက်နေတဲ့ အသက်အရွယ်ကြီးရင့်သူ မိခင်တစ်ယောက်ရဲ့ အထီးကျန်ဆန်မှု ဘ၀တစ်စိတ်တစ်ပိုင်းကို ပြန်လည်ခံစားရေးဖွဲ့လိုက်တာပါ … ... ...
ဒီစာတိုတိုလေးကိုဖတ်ပြီး မိခင်တစ်ယောက်ရဲ့ အထီးကျန်ဆန်မှုကို သူငယ်ချင်းတို့လည်း ခံစားနားလည်ကြလိမ့်မယ်လို့ မျှော်လင့်ပါတယ် ......
No comments:
Post a Comment